Eudel

Author

Eudel noticias

Azken berriak

26.12.2012 Azken orduko

Gaitzespen adierazpena, Asparrenan eraildako emakumea dela-eta

EUDEL-Euskadiko Udalen Elkarteak irmo gaitzesten du Arabako Asparrena udalerriko bizilagunaren erailketa bortitza.

Emakumeenganako indarkeria-ekintza berri baten aurrean gaude. Ezin dugu alde batera utzi, izan ere, emakumeen eta gizonen arteko desberdintasuna, indarkeria matxista erakusgarri gorena delarik, gaur egun oraindik gure udalerrietan egon badagoen gaitza dela gogorarazten digu.

Erantzukizuna
Tragedia honek hala erakundeek nola herritarrek Berdintasuna eraginkor egiteko dugun erantzukizuna dakarkigu gogora. Belaunaldi berriekin gure sentsibilizazio eta prebentzio ekintzak indartzen jarraitu behar dugu, neska eta mutil gazteen arteko errespetuan eta autonomian oinarritutako harremanen garapena sustatuz. Prebentzioa da desberdintasuna eta indarkeria matxista geldiarazteko erarik onena, betiere, erasoek eta heriotzek ez dezaten lekurik izan etorkizunean eraiki nahi dugun gizarte-ereduan.

EUDELek elkartasuna adierazten die biktimaren senideei eta lagunei, eta, era berean, gertatutakoa azkar argitzea espero du.

EUDELek udalerrian bertan zein instituzioek eta gizarte-eragileek dei ditzaketen gaitzespen elkarretaratzeetan eta ekintzetan parte hartzera animatu nahi ditu herritarrak.

Continue Reading
By

26.12.2012 Euskara

Euskarazko Produktuen Katalogoa 2012-2013

Ibon Uribe, Galdakaoko Alkatea, EUDEL elkartearen ordezkari egongo da honako prentsaurrekoan: EPK aurkezpena, Euskarazko Produktuen Katalogoaren 15. edizioa. Prentsaurrekoan Gipuzkoako Foru Aldundiko, Nafarroako udaletako eta Aztiker enpresako ordezkariak ere egongo dira.

Euskarazko Produktuen katalogoa euskarazko produktuen kontsumoa eta erabilera indartzeko erreminta bat da.

Euskarazko Produktuen Katalogoa 1998. urtean argitaratu zen lehendabiziko aldiz. Nafarroako udal gutxi batzuek abiatu zuten ekimena orduan, eta 135 toki-entitate dira gaur egun parte hartzen dutenak, 200 udaletik gora guztira.

Euskal Herriko lurralde eta ezaugarri oso ezberdinetako hainbat herritako udalek egin dute bat euskarazko produktuak sustatzeko egitasmo honetan: handiak nahiz txikiak; euskaldun kopuru altuko nahiz baxukoak…

Askotako produktuen
Katalogoan era askotako produktuen berri ematen da. 16 urte bitarteko haur eta gazteentzako produktuak dira, eta zortzi ataletan sailkatuta daude: aldizkariak, musika, liburuak, komikiak, informatika, jostailu eta jokoak, filmak, eta gurasoentzako materiala.

Katalogoan hainbat produkturen erreferentzia zehatza ematen da: produktuaren izena eta irudia, egilea, adin-tartea, argitaletxea, eta gutxi gorabeherako prezioa.

Katalogoa bi euskarri ezberdinetan zabaltzen da. Alde batetik paperezko edizioa dago: urtean behin argitaratu eta zabaltzen da, eta 140.000 aletik gora banatzen dira. Eta bestetik, www.katalogoa.org helbidean, Interneteko edizioa dago. Interneteko gune horretan paperezko katalogo osoa ikus daiteke, baina horretaz gain paperezkoan sartu ez diren produktu gehiago ere aurkitu daitezke, eta produktuetara edo argitaletxeetara zuzenean joateko loturak ere ematen ditu.  Maiztasunez eguneratzen da, eta urtean zehar argitaratzen diren produktuak kontsultatzeko aukera ematen du.

Continue Reading
By

05.12.2012 Modernización, Digitalización e Innovación

Euskal Udaletako berrikuntzari buruzko diagnostikoa

2012ko abenduaren 5ean EUDELeko Berrikuntzako ordezkari politikoak, Ermuko eta Elgoibarko Alkateek, Euskal Udaletako Berrikuntzari buruzko Diagnostikoaren emaitzei buruzko txostena aurketu zuten. Analisia auto-ebaluazioko galdera-sorta batean oinarritzen da; hain zuzen ere, galdera-sorta horiek udal bakoitzarekin egin dira, 2012ko maiatzetik irailera bitartean.

Lortutako emaitzen arabera, eta Euskal Udalen aniztasuna ahaztu gabe, esan daiteke Tokiko gure administrazioak aurrera egin duela alderdi askotan, hala nola, hobekuntzarako bokazioan eta kudeaketaren dinamismoan, bai eta herritarrak ardatz harturik jarduteko borondatean ere.

Euskal Udalak 2. mailan sailkatuta daude, batez beste, 1etik 5erako eskala batean.

Hala ere, alde handiak daude udal batzuetatik beste batzuetara, udalerrien biztanle kopuruari loturik, nagusiki. Izan ere, Euskal Udalerri handienak garapenaren hasierako faseetan daude, berrikuntzaren esparruan. Kudeaketarako teknika modernoak ezartzeari eta pertsonen kudeaketa aurreratuaren garapenari dagokienez, batik bat.

Diagnostiko honetan oinarriturik, datozen urteetarako lan-ildoak eta arloak finkatu eta sendotu ahal izango ditugu, eta TBAk sustatutako laguntza ekintzetan txertatuko dira arlo horiek. Berrikuntza sustatzeko ildoari helduta, eta gainerako erakunde eta eragile sustatzaileekin lankidetzan, zuen beharrizan eta interes espezifikoei ahalik eta hobekien egokituriko erantzuna emateko lanean jarraituko dira.

Deskarga ezazu
Prentsa-oharra

Tokiko Berrikuntza Agendaren esparruan egindako lana da. Tokiko Berrikuntza Agenda (TBA) EUDELek bultzatu du 2009az geroztik, Eusko Jaurlaritzarekin batera, Euskadiko hiru Foru Aldundiek, Innobasque, Euskalit Fundazioa eta KZGunea ere parte hartu dute.

Continue Reading
By

03.12.2012 Ogasuna eta Finantzak

Egonkortasunaren jardunaldia Bizkaian EUDEL – GAEE

[nivo effect=”sliceDownLeft” directionNav=”button” ]
[image]https://noticias.eudel.eus/wp-content/uploads/2012/12/estabilidad1.jpg[/image]
[image]https://noticias.eudel.eus/wp-content/uploads/2012/12/estabilidad2.jpg[/image]
[/nivo]

Astelehenean, abenduaren 3an, Aurrekontu-egonkortasunari eta Finantza-iraunkortasunari buruzko Lege berria indarrean sartzeak Bizkaiko Toki-erakundeetan izango dituen eraginei buruzko informazio-jardunaldia izan zen Bilbon. Saioa EUDELen, Bizkaiko Foru Aldundiaren eta HAEEren arteko lankidetzaren bitartez antolatu zen, eta Bizkaiko udaletako 150 bat arduradun politiko eta tekniko bertaratu ziren.

Udalok 2013rako aurrekontuak Aurrekontu Egonkortasunari eta Finantza Iraunkortasunari buruzko apirilaren 27ko 2/2012 Lege Organikoan zehaztutako arau-esparru berriaren barruan egingo diren lehenengoak izango dira.

PDF Deskargatu
Aurrekontu
Egonkortasunari buruz

Betebehar berri eta handiak izango ditugu, eta kontzeptu berriak ikasi beharko ditugu; esate baterako, aurrekontuen oreka edo superabita, zor publikoak BPGren ratioan daukan muga edo gastuaren araua.

LO 2/2012 (Aurrekontu Egonkortasunari eta Finantza Jasangarritasunari buruzko apirilaren 27ko 2/2012 Lege Organikoa) betebehar berriak:

  • Zor-helburua zehaztean, Barne Produktu Gordina hartu beharko da kontuan.
  • Gastuaren arauak aurrekontuaren urte arteko aldaketa mugatuko du, eta Ministerioak ezarritako hazkuntza-tasaren azpitik egon beharko da
  • Neurri zuzentzaileak ezarri beharko dira, egonkortasunaren edo gastuaren arauaren helburuak betetzen ez badira; esate baterako, desorekak zuzentzeko plan ekonomiko eta finantzarioak egin beharko dira.
  • Zorra amortizatzeko baino ezingo da erabili diruzaintzako geldikina.
  • Era berean, informazio gehiago ere eman beharko da. Esate baterako, aurrekontuaren lerro nagusiak bidali beharko dira urte bakoitzeko urriaren 1a baino lehen, baita diru-sarreren eta gastuen aurrekontuen hiruhileko likidazioak ere.

 

Continue Reading
By

21.11.2012 Euskara

Bizkaiko Udalek Euskararen Eguna ospaitzen dute

[nivo effect=”sliceDownLeft” slices=”2″ directionNav=”button” ]
[image]https://noticias.eudel.eus/wp-content/uploads/2012/12/euskera1.jpg[/image]
[image]https://noticias.eudel.eus/wp-content/uploads/2012/12/euskera2.jpg[/image]
[/nivo]Bizkaiko Udalek, aurten ere, Euskararen Nazioarteko Egunaren ospakizunei ekin diete. Datozen asteotan kultur eta aisia jarduera ugari eskainiko dira, eta horren guztiaren helburu nagusia da euskara “kalera ateratzea” eta daukan “aberastasuna” ikusaraztea

Bizkaiko Foru Aldundiko Kultura ahaldun Josune Ariztondok, eta Getxoko alkate eta EUDELeko ordezkari Imanol Landak, azaroan 21ean, Bilbon, ekintzen egitaraua aurkeztu zuten. Ekintza horiek Aldundiaren atarian daude kontsultagai, www.bizkaia.net webgunean, baita  udal partehartzaileen web orrietan ere. Egitaraua egunik egun gaurkotzen joango da, herrietatik etengabe jasotzen baitira proposamen berriak.

Deskargatu
Programa

Euskararen Nazioarteko Eguna abenduaren 3an ospatzen da urtero-urtero, San Frantzisko Xabierkoaren egunarekin bat eginez. Nahiz eta Euskararen Eguna lehendabiziko aldiz 1949an ospatu zen, 1995ean ospakizunari bultzada berria ematea proposatu zen; hala, orduantxe ofizializatu zen oroipen-egun hau.

“Kalean bertan”
Imanol Landak, EUDELen ordezkariak, adierazi zuen eskaintzaren zatirik handiena “kalean bertan” egiten dela eta garrantzi berezia hartzen direla ekimen partehartzaileek eta koordinatuek: hala nola, “berbodromoek” eta guraso eta seme-alebentzako jarduerek.

Landak azpimarratu zuen Bizkaiko udalek euskararekin duten konpromisoa “handia” dela, eta “urterik urte handiagoa”. “Ahalegina egiten dugu bai euskararen erabilera ohikoa izan dadin bai herritarrek euskarazko zerbitzua bermatuta izan dezaten. Euskararen Eguna une egokia da gure hizkuntzaren alde egiten dugun lana ikusarazteko” adierazi du Alkateak, eta herritar guztiak animatu zituen jardueretan parte har dezaten.

Continue Reading
By

14.11.2012 Hezkuntza, Gazteria, Kultura eta Kirolak

“Beldur Barik” a25eko kanpainan bultzatzen dute

[nivo effect=”sliceDownLeft” slices=”3″ directionNav=”button”]
[image]https://noticias.eudel.eus/wp-content/uploads/2012/11/bbarik_1.jpg[/image]
[image]https://noticias.eudel.eus/wp-content/uploads/2012/11/bbarik_2.jpg[/image]
[image]https://noticias.eudel.eus/wp-content/uploads/2012/11/bbarik_3.jpg[/image]
[/nivo]
‘Beldur Barik’ urtean zehar garatutako programa integrala da, eta era guztietako jarduerak zein baliabideak eskaintzen ditu, euskal gazteei euren harremanetan indarkeria sexista prebenitzen eta gainditzen laguntzeko.

2012ko ‘Beldur Barik’ Topaketa Vitoria-Gasteizko Artium Museoan egingo da azaroaren 24ko arratsaldean (larunbata). Horrela, bada, euskal udalerrietan gazteekin garatutako lan-plan biziari emango zaio amaiera. Lan-plan hori, hain zuzen ere, udalek eurek, ikastetxeek eta tokian tokiko gaztelekuek bultzatu dute, eta, horrez gain, zuzen-zuzenean ere parte hartu dute bertan.

Deskarga ezazu
Prentsa-oharra

Azaroaren 25ean (Emakumeenganako Indarkeriaren aurkako Nazioarteko Eguna), ‘Beldur Barik’ Topaketak berriro ere bat egingo du euskal erakunde guztiek berdintasunaren alde eta indarkeria sexistaren aurka egindako aldarrikapenarekin. Ekimen horretan, “puntu lila” (kanpainako sinboloa) jarriko da udalerrietan, eta Azaroaren 25eko Adierazpen Instituzionala irakurriko da udaletan, foru aldundietan eta Eusko Jaurlaritzan.

Beldur Barik programako lan-plana Berdinsarearen beraren esparruan adostu da, eta, bertan, berdintasunaren alde atxikitako eta koordinatutako 57 euskal udaletako teknikariek parte hartzen dute. EUDELetik, Berdinsarearen egoitzatik, ekintzen plangintza eta diseinua egiten da, honako hauexen koordinazio zuzenaren pean: Emakunde – Emakumeen Euskal Erakundea, Eusko Jaurlaritzako Genero Indarkeriako Biktimei Laguntzeko Zuzendaritza eta Arabako, Bizkaiko zein Gipuzkoako foru aldundiak. Programa horretan, Eusko Jaurlaritzako Hezkuntza Sailak, Euskal Herriko Unibertsitateak (EHU) eta EITB komunikazio-taldeak ere parte hartzen dute.

Continue Reading
By