Eudel

Author

Eudel noticias

Azken berriak

02.01.2013 Berdintasuna

“Beldur Barik 2012” Topaketa

[nivo effect=”sliceDownLeft” directionNav=”button_hover”]
[image]https://noticias.eudel.eus/wp-content/uploads/2012/12/beldur1.jpg[/image]
[image]https://noticias.eudel.eus/wp-content/uploads/2012/12/beldur2.jpg[/image]
[image]https://noticias.eudel.eus/wp-content/uploads/2012/12/beldur3.jpg[/image]
[image]https://noticias.eudel.eus/wp-content/uploads/2012/12/beldur4.jpg[/image]
[/nivo] Larunbata, azaroak 24. Gasteizko Artium Museoak 16:30etik aurrera “Beldur Barik 2012” egitarauari azken puntua jarriko zion Jaialdia hartuko du. Bertan  izan ziren autodefentsa- edo komiki-tailerrak, perkusioa, bertsolaritza-saioa emakume batzuen eskutik eta Ikusentzutezko III. Lehiaketaren sari-ematea.

Euskal Herriko ehunka neska-mutil bertaratu ziren Gasteizko hirira jarduera-programa honetan parte hartzera.  Programaren helburua zen sorkuntza bultzatzea eta emakumezkoek hainbat arte-esparrutan sortutako lanaren autoretza ikusaraztea eta balioztatzea.

Hala, neskei zuzendutako tailer berezituak eman ziren, hala nola, autodefentsari buruzkoa, baita mixtoak ere, hala nola,  “gorputza” deritzona, bideo-edizioa edo komikigintza. Jardunaldia amaitu zen Ikusentzutezko III. Lehiaketaren sari-ematearekin, 20:00etatik aurrera, eta girotze aldera  bertso-saioa izan zen Ainhoa Agirrezaldegi, Onintza Enbeita, Alaia Martin eta Uxue Alberdi bertsolarien eskutik.

Deskarga ezazu
Prentsa-oharra

Azaroak 25-Emakumeenganako Indarkeriaren kontrako Nazioarteko Eguna dela-eta, jai-giroko topaketa hau urterik urte euskal hiriburuetako batean ospatzen da, eta aurtengoak gazteekin landutako prebentzioa oinarri izan duen Beldur Barik! urteko programari amaiera emateko balioko du.

Beldur Barik programak garatutako jardueren emaitzak aintzatetsi eta ikusarazteko plataforma moduan balio du ekitaldiak, bai eta Euskadin Berdintasunaren alde diharduten elkarte eta kolektiboen lana aintzatetsi eta ikusarazteko ere.

Euskal gazteriari zuzenduriko topaketa honen helburua da esperientzia, informazioa eta prestakuntza trukatzea, eta zenbait udalerritako neska-mutikoen artean sareak sortzea ahalbidetzea.

Egitaraua
“Topaketa” 16:30ean hasi zen; autodefentsarako tailerrak, komikiak sortzeko tailerrak eta ikus-entzunezkoen tailerrak antolatu ziren, saio musikalak eta Beldur Barik Lehiaketaren sari banaketa egon ziren eta lehiaketan aurkeztutako lanak ikusi ahal izan ziren.

  •  Ongietorria perkusio taldearen eskutik: Perkuneskak Emakumeon Elkartea.
  • 16:30etik 19:30era. Aldi bereko tailerrak
    • Gorputza:
    • Ikus-entzunezkoak:
    • Komikigintza:
    • Autodefentsa:
  • 19:30ean. Luncha eta parte-hartzaileekin batera garatutako ekintza kolektiboa.
  • 20:00etatik 22:00etara. Beldur Barik Lehiaketaren sari banaketa, Bertsolaritza-saioa izan zen Ainhoa Agirrezaldegi, Onintza Enbeita, Alaia Martin eta Uxue Alberdi bertsolarien eskutik.

Topaketan bertan, emakumeek musikan duten partaidetzari buruzko Emarock proiektuaren erakusketa egin zen.

Continue Reading
By

31.12.2012 Función Pública

EUDEL informazio-gutuna Udal Elkatuei Elkarkidetzari egindako ekarpenen inguruan

Orain arte bidalitako zirkularren jarraipen gisa, ELKARKIDETZAko arrisku-gertakizunari dagozkion ekarpen instituzionalei dagokienez, EUDELek gai honi buruzko azken informazioaren berri eman nahi die elkartekideei.

Atzo, 2012ko azaroaren 13an, Diputatuen Kongresuko Osoko Bilkurak, 2013rako Estatuko Aurrekontu Orokorren emendakin partzialen eztabaida eta onarpenean, EAJ-PNVren gehikuntza-emendakin bat onartu zuen; horren bitartez, Herri Administrazioek, erakundeek eta sozietateek aukera dute langile publikoen ekarpenak egiteko, heriotzagatiko eta ezintasunagatiko gertakizunak estaltzeko kasuetan.

Emendakin hori onartuta, 2013rako Estatuko Aurrekontu Orokorren 22. artikulua, honela geratuko litzateke:

  •  III. TITULUA. Langileria-gastuei buruz
    • I. KAPITULUA. Sektore publikoaren zerbitzura dauden langileen gastuak
      • 22. artikulua (…) Hiru. 2013ko ekitaldian zehar, artikulu honen Bat atalak aipatzen dituen administrazio, erakunde eta sozietateek ezingo dute egin erretirorako estaldura barne hartzen duten enpleguko pentsio planetarako ekarpenik edota aseguru kolektiboko kontraturik. Ezarritako mugak ez die eragingo heriotzagatiko eta ezintasunagatiko gertakizunak estaltzeko ekarpenei.

 

 

 

Continue Reading
By

31.12.2012 Ogasuna eta Finantzak

UDALAko Berezia. Egoera ekonomikoa (digitalen bertsioa 2012ko abendua)

EUDEL-Euskadiko Udalen Elkarteak UDALA aldizkariaren argitalpen berria (bertsio digitalean) jartzen du zure esku.

Deskarga ezazu
Udala 151

Azken zenbakiaren izenburua “Euskadiko Udalen egoera ekonomikoa” da, eta, bertan, urrian izandako Herri Dirubideen Euskal Kontseiluaren bileraren eta azaroan izandako Finantzen Lurralde Kontseiluen bileren ondoren lortutako Udal Finantzaketarako Foru Fondoei buruzko azken datuak daude bilduta.

Zenbaki berezi honekin, EUDELek Euskadiko udalei aldizkako informazioa eskaintzeko konpromisoari erantzuten dio, betiere, kudeaketa ekonomiko-finantzarioaren eta aurrekontu-kudeaketaren arloko lana errazteko.

Argitalpen berri hau zuentzat erabilgarria izatea espero dugu.

Continue Reading
By

26.12.2012 Ogasuna eta Finantzak

EUDEL-Arabak Batzar Nagusietara jotzen du tokiko opor fiskalen banaketa

Finantzetako Lurralde Kontseiluaren bileran foru ordezkariekin bat ezin etorririk, EUDEL – Arabako Lurralde Batzordeak Batzar Nagusietara proposamen bat bidali du gaur, hots, Tokiko Erakundeei 2012an berreskuratutako opor fiskalen partehartzea ordaintzekoa, 2013an FOFFEL Finantziaziorako Foru Fondorako ezarritako epeen arabera, hau da, hiruhilabetean behin egitekoa eta ez azaroko ordainketa bakarrekoa, foru erakundean halaxe nahi dute eta.

Era berean, eskatzen da banaketa hori Tokiko Erakundeen osotasunak Lurralde Historikoren baliabideetan duen partehartzea kontuan harturik burutu dadin. honen baliokidea baita: 24.087.760,36 euro (56%). Horrek barne hartzen du bai FOFFELi dagozkion kantitateak (22.496.247,63 euro, %52,3) bai Lan eta Zerbitzuen Planari dagozkionak ere (1.591.512,73 euro, gainontzeko %3,7).

Azkenik, Eudelen Arabako Lurralde Batzordetik eskaera egin zaie batzarretako taldeei, Finantzaketarako Foru Funtsa arautzen duen Arauaren aldaketaren tramitazioan (orain hasiko da) parte hartu ahal izateko, betiere, lurraldeko udalerrien jarreraren berri emateko, aipatutako proiektu arau-emailea onartu baino lehen.

Continue Reading
By

26.12.2012 Ogasuna eta Finantzak

EUDEL-Gipuzkoak ordainketa 2014ra arte geroratzeko formula proposatu dio 2012rako aurreikus daitekeen likidazio negatiboa itzultzeko

2012ko azaroaren 30ean Gipuzkoako Lurralde Batzordeak Helena Franco andreari, Ogasuneko Foru diputatu eta Gipuzkoako Finantzen Lurralde Kontseiluaren presidenteari, 2012rako Udal Finantzaketarako Foru Funtsaren (FOFFIM) aurreikus daitekeen likidazio negatiboa itzultzeko ordainketaren gerorapen-proposamena igorri zion.

Proposatutako formula EUDELek lurraldean dituen alkate ordezkariek adostu dute, Foru Ogasunak urriaren 30ean egindako Finantzen Lurralde Kontseiluaren azken batzarrean jakinarazitako 2012ko ekitaldiaren diru-bilketarako aurreikusitakoaren arabera.

Proposamen hori 2012ko ekitaldian zorpetutako kopuruen %50 zatikatzean datza, horien ordainketa 2013ko hiru epetan gauzatzeko: %10 otsailean, %15 maiatzean eta %25 abuztuan.

Gainerako %50ari dagokionez, ordainketa 2014rako geroratzea proposatu da. Hori guztiori, 2013ko urrian egingo den Euskal Finantza Publikoen Kontseiluaren ostean, ekitaldi horretarako aurrekontuan sartutako kopuruaren %3 baino gutxiagoko saldo negatiboa badu aurrelikidazioak. Kopuru hori aurrekontuan sartutako kopuruak baino %3 handiagoa balitz, gainerako %50 2013ko ekitaldiko azaroan ordainduko litzateke.

Proposamen hori Foru Aldundiarekin egiaztatze aldera, EUDELek Gipuzkoako Finantzen Lurralde Kontseilua deitzea eskatu du, ahalik eta azkarren.

2013 Itzulketa epeak
Otsaila %10 Guztira, 2013:  %50
Maiatza %15
Abuztua %2

Urria (Euskal Finantzen Kontseiluaren batzarra)

Aurrelikidazioaren eta likidazioaren diferentzia
Gainerako %50 itzultzeko formula, honen arabera erabak da:

  • Saldo negatiboa -%3 baino < 2014ra geroratzea
  • Saldo negatiboa -%3 baino >  Itzulketa 2013ko azaroan
Continue Reading
By

26.12.2012 Hezkuntza, Gazteria, Kultura eta Kirolak

“Udal Gaztedi Bizkaia”ren bilera eta balorazioa

Astelehena, azaroak 26, Udal Gaztediren Batzordea bildu zen xede bikoitzarekin: orain arte egindako jarduerak baloratzeko eta etorkizuneko jarduerak aztertu eta Batzordeari horien berri emateko.

Udal Gaztediren xedea da lurralde mailako oreka eta erakundeen arteko koordinazioa sustatzea eta Bizkaiko Lurralde Historikoko udalerrietako gazteen beharrei erantzuteko jarduera egokiak ezarriko direla bermatzea. Bizkaiko Foru Aldundia, Eudel eta eskualde bakoitzeko ordezkari bat daude bertan. Ordezkari horiek Eskualdeko Batzordeetan aukeratzen dira eta Bizkaiko gazteen artean garatu beharreko jardueretan parte hartze integrala eta partekatua lortzeko neurriak planifikatzea eta garatzea da bere xedea.

Gazteei zuzendutako ekintzak sustatzeko irizpideak bateratzea eta hobetzea eta Udaletatik jasotako iritziak eta iradokizunak jasotzea eta kontrastatzea da “Udal Gaztediren” xedea da. GAZTEDI BIZKAIA proiektuaren barruan dago Udal Gaztedi eta proiektu horren lurralde dimentsioa garatzeko tresna da.

Continue Reading
By

26.12.2012 Azken orduko

EHAAn argitaratu da Eraikinen Ikuskaritza Teknikorako Dekretua (12/12/14ko EHAA)

EAEko Lurzoru eta Hirigintzako ekainaren 30eko 2/2006 Legea garatzeko asmoz (200. artikulua), 2012ko abenduaren 13ko EHAAn egoitza-erabilerako eraikinen aldizkako ikuskaritza arautzen duen Dekretua argitaratu da (EIT). Xedapen honekin, egoitza-eraikinen jabe ia guztiak derrigortuta egongo dira, EAEko udalerri guztietan eta berrogeita hamar urtetik gorako antzinatasuna duten kasuetan, hamar urterik behin aldizkako ikuskaritza enkargatzeko eskumeneko teknikari bati, eraikinaren kontserbazio-egoera zehazteko.

Dekretuak zenbait eranskin ditu; modu horretan, teknikariek ikuskaritza horietan erabili beharko dituzten agiri teknikoei balio administratiboa ematen dieten dokumentuak zehaztuta geratzen dira, eta, horrela, eraikinen egoera egiaztatuko da, egiturari dagokionez eraikinak daukan kontserbazio, segurtasun, estankotasun eta sendotasun baldintzak betetzen direla bermatu ahal izateko. Dagokion irizpen teknikoak zehaztuko du zein motatako lanak edo esku-hartzeak egin beharko dituzten titularrek .

Ikuskaritza Teknikoen Erregistroa
Udalek, administrazio gisa, eraikinaren aldizkako ikuskaritzei buruzko txosten teknikoak erakusteko eskatu ahal izango diete jabeei; gainera, EAEko Administrazio Orokorrak babesa eman beharko du, ikuskaritza-erregimena behar den bezala bete dadin. Dekretuak dioenez, Ikuskaritza Teknikoen Erregistroa sortzeko asmoa dago; bertan, txostenen edukia jasoko da, ikuskatu diren eraikinen fitxekin eta beraien aurkezpen-datarekin.

EITen betearazpen ordenatua planifikatu ahal izateko, Dekretuak (lehenengo xedapen gehigarria) erreferentziako egutegia finkatu du. Hain zuzen ere, egutegi hori udal programaziorik ez dagoenean erabiliko da.

Informazio gehiago:EHAA

Continue Reading
By