Gorka Urtaran, EUDELeko Elkarteburu hautatu berria, Iñigo Urkullu Lehendakariaren hitzaldian izan da gaur goizean, Euskadiko agintari gorenekin batera, Legebiltzarraren urteko jardunari hasiera ematen dion Politika Orokorreko Osoko Bilkuran.
Eusko Legebiltzarreko maila goreneko gaurko elkarretaratze instituzional hau da Vitoria-Gasteizko Alkatea Euskal Udalen ordezkari gisa doan lehenbiziko ekitaldi ofiziala. Era horretan, Gorka Urtaranek Euskadiko udalgintzaren ordezkaritza-lanari ekin dio, EUDELeko Batzar Orokorrean atzo, ostegunez, 2019ko irailak 19, Elgoibarren kargua hartu eta berehala.
