Herri Administrazioaren Europako Institutuaren eta Eskualdeen Europako Zentroa (HAEI-EEZ) eta Herri Arduralaritzaren Euskal Erakundearen artean (IVAP) antolatu duten mintegiari buruzko informazioa: “Belaunaldien arteko Ezagutzaren Kudeaketa”. Mintegia Donostiako Kursaal Jauregian burutuko da urriaren 27 eta 28an.

Erakundeetan progresiboki gertatzen ari den esperientzia zein adituen ezagutzen galera arazo garrantzitsua bihurtzen ari da. Erakundeak profesionalak poliki-poliki galtzen ari dira, eta hori dela medio, giza baliabideetako zein prestakuntzako arloek proaktiboki aurre egin beharreko arazoa da.

Ezagutzaren kudeaketak, erakundeen eskura, behar horiei aurre egin ahal izateko lanabes eta metodologia lagungarriak jartzen dituela. Transferentzia programak ezagutzak partekatzeko modu eraginkorrenetako bat dira, horiek, belaunaldien arteko ezagutza kritikoen transferentzia ziurtatzen dutelako.

Hitzaldi eta mahai-inguru batzuen bitartez, erakundeetako belaunaldi-txandakatzeak dakartzan erronkak jorratuko dira, bereziki herri administrazioetan. Euskadiko eta Estatuko herri administrazioaren ordezkariekin batera, hainbat hizlarik hartuko dute parte, bai Europakoek (Alemania, Belgika, Erresuma Batua), bai munduko beste leku batzuetakoek (Santiago de Chile).

• Egunak: urriak 27 eta 28.
• Eguna: Kursaal Jauregia. Donostia.
• Norentzat: EAEko herri administrazioetako pertsonala, bereziki giza baliabideetako postuak.
• Xedea: Mintegiak ezaguerak eta tresnak eskaintzen ditu belaunaldien arteko erronkari aurre egiteko prestakuntza- eta eskuhartze-programak diseinatze aldera.
• Hizkuntzak: Gaztelania-Ingelesa.