EUDELen eta Europar Udalen Martxoaren 8ko Adierazpena
https://noticias.eudel.eus/eu/noticia/declaracion-institucional-de-los-municipios-europeos/
Iruñan, 2016ko otsailaren 26an.
Euskadiko Udalen Elkarteko (EUDEL) elkarteburuak, Imanol Landak, eta Nafarroako Udal eta Kontzejuen Federazioko (FNMC) buruak, Pablo Azconak, arlo instituzionalean zein teknikoan bi erakundeen arteko lankidetza-harremanak indartzeko erabakia hartu dute gaur goizean FNMCko Iruñako egoitzan egin duten bileran. Bertan, hain zuzen ere, EUDELeko zuzendari nagusia, Mª del Mar Zabala, eta FNMCko idazkari nagusia, Berta Enrique, egon dira haiekin.
Bi elkarteburuek adierazi dutenez, interes bateratuko arlo zabalak dituzte. Horrela, bada, gaur egun Euskal Autonomia Erkidegoko Legebiltzarrean ari dira Udalei buruzko Legea izapidetzen, eta, aldi berean, helburu bera daukan prozesua ere abian jarri dute Nafarroan.
Alde horretatik, era guztietako lanak partekatzea erabaki dute, bi elkarteentzat nahiz Euskadiko zein Nafarroako tokiko erakundeentzat onuragarriak izan daitezkeelako.
Bileraren esparruan, EUDELeko ordezkariek nafarrei aurkeztu dizkiete Euskadiko Udalei buruzko Legearen funtsezko ardatzak. Bestetik, eurak ere tokiko mapa berrantolatzeko prozesupean daudela azaldu dute ordezkari nafarrek. Bi erakundeak bat datoz bi proiektuak legealdi honetako oinarrizko erronkak direla adieraztean.
EUDEL Asociación de Municipios Vascos www.eudel.eus
FNMC Federación Navarra de Municipios y Concejos www.fnmc.es
Martxoaren 8a. Emakumeen Nazioarteko Eguna
Martxoaren 8a dela eta, ‘Emakumeen Nazioarteko Eguna’, EUDELeko Batzorde Eragileak berretsitako Adierazpen Instituzionala bidaltzen zaie Euskadiko Udalei.
Aurten da Toki Bizitzako Emakumeen eta Gizonen Berdintasunerako Europako Gutunaren 10. urteurrena. Aldi berean gertatu da EUDELen lehendakaritza Europako Udalerri eta Eskualdeen Kontseiluko (CCRE-CEMR) Berdintasun Batzordean. Ibon Uribe Galdakaoko Alkateak izango du ordezkaritza, bi urtez.
Testuinguru honetan, martxoaren 8a ospatzea oso une egokian dator Euskadiko udalek berdintasuna inplementatzeko konpromisoa berrindartu dezaten eta, xede horri begira, europar mailako berdintasunerako Gutunari bultzada berria eman diezaioten.
Horregatik guztiagatik, Adierazpen instituzional honen bidez EUDELek dei egiten die udalei ‘Emakumeen Nazioarteko Eguna’ ospatzeko, nola eta Europako Gutunari atxikiz eta/edo berau garatuz, bai halaber udalerrietan bultzatuko diren ekimenen bitartez.
10. Edizioa martxotik azarora
EAEko toki erakundeetan arlo juridikoan lan egiten dutenei zuzenduriko Tokiko Zuzenbideari buruzko Euskal Mintegia bere 10. Ediziora heldu da.
Aurtengo edizioak 5 saio izango ditu (20 ordu guztira). Saio horiek 2016ko martxoa eta azaroa bitartean egingo dira, Bilboko EUDELen (Erzilla kaleko 13. zenbakian dagoen ekitaldi-aretoan).
Gaiak: enplegua eta funtzio publikoa, tokiko zerbitzu publikoen kudeaketa partekatua, kontrataziorako zuzentarau berriak, zehatzeko ahalmena eta herritarren parte-hartzerako arau-esparrua.
2016eko PROGRAMA
Bost saio (20 ordu): martxoak 18, maiatzak 6, ekainak 17, irailak 30, azaroak 18
Ordua: 9:30etik 13:30era
Tokia: EUDELeko ekitaldi aretoan (Erzilla kalea, 13 Bilbon)
Tokiko Zuzenbideari buruzko Euskal Mintegia 2006az geroztik egiten da, eta, honezkero, zortzi edizio egin dira.
Mintegia gai bakarreko hainbat saiotan egituratuta dago, hurrengo alderdiak barne hartuta:
- Hitzaldi akademikoak, aditu eta profesionalen eskutik, Tokiko Zuzenbide Publikorako funtsezkoak diren gaiei buruzkoak.
- Hitzaldi akademikoaren osagarriak diren gaiei buruzko gogoetarako espazioa; edo tokiko gobernuei buruzko esperientzia eta praktika onak.
- “Tokiko Zuzenbidearen Behatokia”: arauen, jurisprudentziaren, dokumentuen eta bibliografiaren gaineko berrikuntzak aztertzeko espazioa.
*Aldizkari Digitala barne dago: gai orokorrei eta jurisprudentziari buruzko albisteak, arau-aipamenak eta intereseko bibliografia.