Bizkaiko Foru Aldundiak eta EUDELek Zatoz euskarara kanpaina aurkezten dute 2013-2014 ikasturteko matrikulazioa Bizkaiko euskaltegietan bultzatzeko. Ildo beretik, euskaltegietan arian-arian euskalduntzen diren herritar eta gizatalde guztiei euskara euskaltegitik kanpo gizarte-arlo guztietan erabiltzeko gonbita luzatuko diete eragileek.
Uztailaren 12ko aurkezpenean, ondoko hauek izan dira: Josune Ariztondo, BFAko kultura diputatua, Imanol Landa, Getxoko Udaleko alkatea, EUDELen eta Bizkaiko udalen ordezkari gisa, eta Mertxe Mugika, AEKren koordinatzaile nagusia, Bizkaiko euskaltegi pribatu homologatuetako ordezkari gisa.
Zatoz euskarara kanpainaren helburu nagusiak bi dira: batetik, helduen matrikulazioa sustatzea Bizkaiko euskaltegietan 2013-2014
ikasturtera begira, eta bestetik, euskaltegietan arian-arian euskalduntzen diren herritarrak eta gizataldeak animatzea euskara eguneroko bizimoduan erabil dezaten euskaltegitik kanpo, edozein gizarteesparrutan.
