• Juan Mari Aburto Bilboko alkateak, Natividad López de Munain EUDELeko ordezkari nahiz Burgeluko alkateak eta Gunn Marit Helgesen Europako Udal eta Eskualdeen Kontseiluaren (CMRE) Lehendakarikide zein Telemarkeko (Norvegia) Zinegotziak Konferentzian hartutako ondorioen dokumentuaren (cemrbilbao2018.eu orrian ikusgai) azterketa egin dute.
• CMREren Zuzendaritza Batzordeak onartutako dokumentuak – bertan udal eta eskualdeen 60 elkarte nazionaletako 248 ordezkari barne hartzen dira- guztira 17 proposamen jasotzen ditu; horietan alkateek paper garrantzizkoagoa eta ekitatiboagoa izan dezaten defendatzen da, udalerri anitz, inklusibo, solidario eta jasangarrietatik gizarte justuago bat eraikitzen lagun dezaten, guztientzat eskubide eta aukera berdintasuna lortzeko.
• 40 udalerri eta eskualdetako 350 emakumezkok eta 200 gizonezkok hartu dute parte, Europako eta nazioarteko erakundeekin batera, Bilbon ekainaren 11tik 13ra bitartean egindako Konferentzian.

Bilbo, 2018ko ekainaren 13an. ‘Berdintasuna, aniztasuna eta inklusioa’ lantzeko Europako Konferentzian onartutako Ondorioen dokumentuan toki gobernuentzako 17 proposamen eta gomendio jaso dira; horiei esker, Europako tokiko agendan ezarriko dira berdintasuna, aniztasuna eta inklusioa, guztiak elkarlotuta, eta Giza Eskubideen eta Garapen Jasangarrirako Helburuen nazioarteko ikuspegitik abiatuta.

PRENTSA OHARRA JEITSI

KONFERENTSIAREN ONDORIOAK JEITSI

Konferentziaren hiru antolatzaileek, CMREk, EUDELek eta Bilboko Udalak, beren azterketak egin dituzte ekainaren 11tik 13ra bitartean, Bilbon mailarik altuenean egin den eztabaidaren ondorioen gainean. Gaur goizeko itxiera saioan hitz egin dute Juan Mari Aburto Bilboko alkateak, Natividad López de Munain EUDELeko ordezkari eta Arabako Burgelu udalerri txikiko alkateak, eta Europako udalerri eta eskualdeen kontseiluaren (CMRE) ordezkariek.

Ondorioetan berariaz dei egiten zaie Europako hautetsiei borondate politikoa izan dezaten lidergo partekatua indartzeko, emakume eta gizonezkoek pisu ekitatiboa dutelarik, eta udalerri eta lurraldeek koordinaturik jardun dezaten, horrela gizarte justuago bat sortzeko. CMREren Zuzendaritza Batzordeak adostutako dokumentuan Maila desberdinetako gobernantza eredua nabarmentzen da, tresna eraginkorra baita erakundeek eta tokiko, lurraldeko eta estatu mailako zein Europar Batasuneko eta nazioarteko erakundeen arteko kooperaziorako.

Konferentzia amaitzeko egindako hitzaldian, Juan Mari Aburto Bilboko alkateak honakoa azpimarratu du: “Gizarte eta pertsona gisa lortu nahi  dugun garapena ezinbestean inklusiboa izan behar da, pertsona guztiei benetan aukerak eman diezazkien eta bazterketa-egoerak prebenitu zein konpontzeko beharrezko zerbitzuak eta laguntzak eskain ditzan.”

Era berean, Juan Mari Aburtok hauxe nabarmendu du: “Berdintasun-politiken inguruan zorroztasunez mintzatzeko, nire ustetan gure ekintza gidatu behar duten oinarrizko bi gakoak honakoak dira: batetik, Elkartasuna; eta bestetik, Iraunkortasuna eta Eraginkortasuna; estrategia iraunkorrak zehazteko, guztion parte-hartzearekin eta adostasunarekin, partekatutako lidergoarekin, eta gizarte zibilean nahiz, jakina, hirugarren sektorean, rol garrantzitsua izango dute”.

EUDELen izenean eta bere elkarteburua den Imanol Landak esan duen moduan “Konferentzia honek gure komunitateetako lider gisa dugun zereginaz kontzientzia hartzeko balio izan du. Herritarrekiko harreman zintzotik abiatuta, dauden beharrizanei erantzungo dizkien benetako politikak bultzatu behar ditugu.”

Amaierako hitzaldian, Natividad Lopez de Munain Burgeluko alkateak EUDELen balorazioari honakoa gehitu dio: “Ondorioztatu dezakegu emakumeen parte-hartzea komunitatearen lidergo-prozesuan geldiezina dela. Alkate zein zinegotzi diren emakumeen ikuspegiak bestelako kolektiboei atea zabaldu die, hain zuzen emakumeen moduan udal-politiketan baztertuta egon direnei.”

Bestalde,Gunn Marit Helgesen Europako Udal eta Eskualdeen Kontseiluaren (CMRE) Lehendakarikide zein Telemarkeko (Norvegia) Zinegotzia honela agertu da: “Hitzaldi hau Europako Udal eta Eskualdeen Kontseiluaren lanaren mugarri bilakatu da, herri-bizitzan gazteen zein emakumeen parte-hartzeari laguntzeko aukera ematen digulako, bai eta gizarte justuagoa, irekiagoa eta demokratikoagoa eratzeko aukera ere. Era berean, topagune honen bidez, herri-bizitzan emakumeen eta gizonen berdintasunerako Europako Gutunari garrantzia eman zaio, eta munduko bestelako emakume zein udal gobernuen sareekiko lankidetza indartu da, praktika onak elkar trukatuz.“

ONDORIOEN AURREKO UNEAK

Itxiera ekitaldian eman da Konferentziako ondorio nagusien berri, eta horren aurretik CMREren Berdintasuneko Ekintza Planaren aurkezpena eta balantzea egin du Ibon Uribe (Galdakaoko alkatea) CMREren egungo Europako udalerrien Berdintasun presidenteak eta EUDELen ordezkariak. Haren kargu uztean, Uriberen ondoan izan da Emil Broberg ordezkari suediarra, gaur egungo presidenteordea eta Östergötlandeko zinegotzia (Suedia), hemendik aurrera, EUDELen agintaldia (2016-2018) amaitu ondoren, kargu hori hartuko duena.

Gero, mahai-inguru bat egin da mailarik altuenean tokiko, eskualdeetako eta EBko erakundeetako agintarien artean; horien artean zegoen, besteak beste, Karl-Heinz Lambertz, Europako Eskualdeetako Batzordeko presidentea.

KONFERENTZIAREN ZIFRAK

• 550 bertaratu, tokiko zein eskualdeetako gobernuetakoak. 350 emakume eta 200 gizon.
• Europako herrialdetako 40 ordezkaritza; ugarienak Alemania, Suedia, Belgika, Frantzia eta Finlandiakoak (10-30 kide), bai eta Amerika, Afrika eta Asiakoak ere.
• 100 hizlari; horietatik 60 emakumezkoak.
• 33 saio; horietatik 15ek euskal esperientziak izan dituzte sare politiko edo tekniko gisa.
• 3 egunez, erakusketak ikusten, eztabaidatzen, praktika onak partekatzen, hiria bisitatzen eta tokiko gobernuetako ordezkariekin hartu-emanean.

DESBERDINTASUNAK DITUGU ELKARGUNE!, KONFERENTZIARAKO AUKERATUTAKO LELOA

Europako udalerri eta lurraldeen kontseiluaren (CMRE) Konferentziak, “Berdintasuna, aniztasuna eta inklusioa. Desberdintasunak ditugu elkargune! izenburua duenak, Bilbo eta Euskadiko udalerri guztiak kokatu ditu pertsonengandik hurbilago dauden etorkizuneko tokiko politikei buruzko Europako eztabaidaren erdigunean.

Ekainaren 11tik 13ra bitartean, Euskalduna Jauregia ideia, eztabaida eta konponbiderako proposamenen laborategi izan da; 40 herrialdetako udalerri eta hirietako 500 ordezkarik baino gehiagok beren esperientziak eta praktika onak partekatu ahal izan dituzte, batzuek eta besteek esandakoetatik ikasi eta tokiko errealitate desberdinen ikuspegiekin aberastuz.

Hauek izan dira Konferentziaren helburu nagusiak:

• Gizarte anitz, berdinzale eta inklusiboek dakartzaten erronka eta aukerak azaltzea, herritarren izenean tokiko mailan erabakiak hartzen dituztenen aurrean;
• Ideia eta esperientzia berritzaileei ekitea Europako paisaia sozialaren eraldaketari dagokionez, besteak beste, GAI hauek barne hartuta:

parte-hartze politikoa eta segurtasuna espazio publikoetan, Giza Eskubideak, diskriminazioaren/diskriminazio anizkoitzaren aurkako borroka, NBEren Garapen Jasangarrirako Helburuen 2030 Agenda, immigranteen integrazioa, zerbitzu publikoak eta horien kudeaketa, enplegua, edo demokrazia parte-hartzailea eta Gobernu irekia.

• Tokian tokiko bizitzari dagokionez, arreta berezia jartzea emakume eta gizonen arteko berdintasunari, bai eta CMREren Gizon eta emakumeen arteko berdintasunerako gutun europarrari (2006) ere, zeina gaur arte Europako 35 herrialdetako 1.700 agintarik baino gehiagok sinatu baitute.

EUROPAKO UDALERRI ETA LURRALDEEN KONTSEILUA (CMRE)

CMRE da Europako esparruan tokiko eta lurraldeetako gobernuen ahotsa. 130.000 tokiko eta eskualdeetako gobernu ordezkatzen ditu, Europako 41 herrialdetako 62 elkarte nazionalen bitartez. Aipatutako elkarte horietako bat da EUDEL, Euskadiko udalen elkartea, eta Bilboko Udalarekin eta CMRErekin batera antolatu du Konferentzia hau.

CMREren lehendakaria Stefano Bonaccini da, Italiako Emilia-Romagna eskualdeko presidentea.

Beste egiteko batzuen artean, CMREk ordezkatzen ditu tokian tokikoen interesak EBko erakundeen aurrean, eta hiri, udalerri eta eskualdeen izenean lan egiten du europar legerietan eragiteko. Era berean, erakunde honek plataforma bat eskaintzen du bertako kideek, eragileek eta erakunde kolaboratzaileek beren esperientzia eta praktikak parteka ditzaten.

Egitarau osoa ikusgai hemen:

www.cemrbilbao2018.eu

#cemrbilbao2018

• EUDELek eta Emakundek bultzatutako euskal emakume hautetsien Sarea Konferentzian aurkeztu izan da ekimen aitzindari gisa eta praktika onen erakusle gisa, udal politikatik berdintasunaren alde egin daitezkeen gauzen artean.
• Idurre Bidegurenek, Bermeoko Alkateak, eta Izaskun Landaidak, Emakundeko Zuzendariak, Basqueskola ekimena aurkeztu dute “Partaidetza, Politika, Boterea” gunearen barruan.
• Basqueskola sentsibilitate politiko guztiak eta udalerri asko eta tamaina guztiak ordezkatzen dituzten emakume hautetsiek bultzatzen dute.

Bilbo, 2018ko ekainaren 12an. Gaur goizean, Europako Udal eta Eskualdeen Kontseiluaren (CMRE) “Bilbo-2018 Berdintasuna, Aniztasuna eta Inklusioa” Konferentzia barruan, Nobel Saridun eta konferentziaren gonbidatua den Rigoberta Menchuren eta Virginia Woolf Basqueskola euskal emakume hautetsien arteko solasaldi bat antolatu da.

Bilkuran Basqueskola Sarean bultzatzaile nagusiak diren 18 emakume hautetsi izan dira, alkateak: Amurrio, Burgelu, Aiala, Asteasu, Santurtzi, Bermeo, Abanto-Zierbena eta Gatika, eta zinegotziak: Bilbo, Getxo, Pasaia, Donostia, Errenteria, Barakaldo, Galdakao, Sondika, Sestao eta Ortuella.

Izaskun Landaida Emakundeko Zuzendariarekin batera, hautetsiek Menchu doktoreari Sarearen lanak zein helburuak aurkeztu ahal izan dizkiote. Ekintzaile guatamaltekarrak giza eskubideen eta emakumeen burujabetzaren babesle sutsua da.

Idurre Bideguren Bermeoko alkateak eta Basqueskolaren ordezkariak dioen moduan: “Politikan aldaketa egiteko kultura-aldaketa behar dugu” Horrela, oraingo lanaren aldaketak etorkizunean igarriko dira. Horregatik, emakumeak politikan sartzen garenean, gizonezkoek jadanik sortu duten jantzia hartu beharrean, gure neurrirako jantzia egin behar dugula uste dugu. Herritarrak gizonezkoen lidergoarekin eta alkate izateko era batekin ohituta daude baina denbora pasa ahala, emakume alkateen estiloa ontzat hartzen ikusiko dugu”. Zentzu horretan, Bermeoko alkateak udaletan berdintasun-politikak sendotzearen garrantzia nabarmentzen du: “Oso garrantzitsuak dira. Nahiz eta asko aurreratu dugun pentsatu, gure kulturan ez dugu berdintasunik lortu eta ez ditugu modu berean emakumezkoak zein gizonezkoak neurtzen.”

PRENTSA OHARRA JEITSI

“Bestalde, Emakunderen zuzendari Izaskun Landaidak zera azpimarratu du: aurrerapauso handia eman den arren, boterearen egitura eta espazioak androzentrikoak dira funtsean, eta, oinarrian, gizonek pentsatuta eta gizonentzat pentsatuta izaten jarraitzen dute. Horren ondorioz, euren udalerrian alkate edo zinegotzi izateak dakarren erantzukizun-kargua bera gauzatzeak dakartzan zailtasunen gehigarri diren oztopoei aurre egin behar diete emakumeek. Hori dela eta, emakumeen ahalduntzean oinarritutako estrategiak, adibidez, Basqueskola, oinarrizkoak dira.”

Rigoberta Menchurekin egindako solasaldian Bilboko Zinegotzia den Itziar Urtasunek parte hartu du eta esan duenez: “Emakumeak munduko herritar erdiak gara eta beraz gure ahotsa entzun behar izatea baino, erabakiak hartzen parte hartu behar dugu, gizartearen ordezkaritzan dugun neurriaren arabera. Sistema politikoak emakumeak behar ditu ezinbestean eta emakumeok sistema politikoa behar dugu erabakiak hartzen diren organoetan boto-emaile, hautagai eta ordezkari gisa dagokiguna izan dezagun. Itziar Urtasunen arabera gobernuek arlo politikoan emakumeen ordezkaritza parekidetik harantzago joan behar dute: “gizarte-aldaketa baten beharra jaso behar dute, gizarte-eredu berdinzalerantz joateko. Hain zuzen ere, emakumeok soilik zeruaren, lurraren eta boterearen erdia nahi dugula gogoratzea.”

PARTE HARTZEKO DINAMIKA ETA SAREAREN HELBURUAK

VWBasqueskola EUDELek eta Emakundek sortu zuten 2012an euskal emakume alkate eta zinegotzien bilgune, prestakuntzagune eta politikan eragina izateko gune izateko. EAEko udalerrietan, gobernuan zein oposizioan, dauden 1.100 emakume hautsiei guztiei zuzenduta dago. Gainera nazioarteko ikuspegiarekin jaio zen, Europako eta munduko emakume hautetsien beste sareekin aliantzak sortzeko asmoarekin.

Basqueskolaren estrategia hautetsiek eurek aitzinatzen eta zehazten dute eta euskal udaletako sentsibilitate guztiak ordezkatzen ditu, talde bultzatzaile anitzari esker. Alkateek (Santurtzi, Bermeo, Aiala, Amurrio, Burgelu, Asteasu eta Abanto-Zierben) eta zinegotziek (Bilbo, Getxo, Pasaia, Donostia eta Errenteria) osatzen dute. Emakumeen interes eta beharrizanak agenda publikoan sartzeko estrategiak modu koordinatuan lantzen dituzte, sare baten bidez. Eta emakumeen lidergoa eta partaidetza bultzatzen dituzte, ahots eta jarrera propioekin.

Horiez gain, beste hautetsi askok laguntzen dute sarean, ondorengo hiru lan-arloen bidez:

1. Eragin politikoa, proiektua hedatzeko estrategiak diseinatzeko
2. Denborak eta Bategarritasuna, bizitza eta politikaren jarduera bateragarriak izateko ekimenak bultzatzeko
3. Harrera-2019, hautetsi berriak politikara heltzen direnean laguntza emateko

• Informazio gehiago: Virginia Woolf Basqueskola

LEHENENGO ERRONKA: DENBOREN ERABILERA, BATERAGARRITASUNA POLITIKAN

VWBasqueskolaren erronketako bat denboraren erabilerei eta emakumeentzako horrek dituen kostuei buruz gogoeta egitea da. Eztabaida indartzeko, ekainaren 14an Jardunaldi bat antolatu da Vitoria-Gasteizen, euskal emakume hautetsi guztiei zuzenduta. Dagoeneko aditu gisa Soledad Murillo aditua bertan izango dela baieztatuta dago. Soledad Salamancako Unibertsitateko Soziologia irakaslea da, Nazio Batuen CEDAWeko kidea eta Berdintasunaren eta Genero Bortizkeriaren aurkako Legearen 2004-08 espainiar gobernuko lehenengo kargua.

Saio horretan udaletan udal politikan denboren antolaketari buruz hartzen ari diren neurriak azaldu eta horien gainean eztabaidatu nahi da. Esperientziak trukatuz eta benetako egoerak azalduz, erreferentzia-ereduak aterako dira, egunen batean gainerako euskal udaletara zabaldu daitezkeen praktika onak izan litezkeenak.

• Imanol Landa elkarteburua buru duen EUDELen ordezkaritza batek Europako Udal eta Eskualdeen Kontseiluaren Zuzendaritza Batzordean hartu du parte atzo eta gaur, Chios irla grekoan izandako bileran.
• EUDELen elkarteburuak, Bilboko alkate Juan Mari Aburtorekin batera, bideo bidezko mezu baten bitartez, gonbit egin die Europako alkateei, ekainaren 11n, urtebete barru, konferentziaren esparruan antolatuko den hurrengo Zuzendaritza Batzordean parte hartzera.
• CMREren batzorde politikoak Europako 47 herrialdetako toki gobernuetako eta udalen elkarteetako ia 200 kide bildu ditu.

• Imanol Landak CMREren konferentzia antolatzeko lanen berri eman die toki ordezkariei. Konferentzia ‘Berdintasuna, aniztasuna eta inklusioa’ gaiei buruzkoa izango da, eta Bilboko Euskalduna Jauregian antolatuko da, 2018ko ekainaren 11tik 13ra.
• Chioseko foro honetan, kontinente osoko liderrek ekarpenak egin dituzte, udalek askotariko erronkei aurre egiteko dituzten irtenbideen inguruan. Ekarpen eta ideia guztiak ‘Europaren etorkizunari’ buruzko jarrera-dokumentu batean jasoko dira. Dokumentu hori Europar Batzordean aurkeztuko da, Jean-Claude Juncker presidenteak erakunde guztiei egindako deiari erantzuteko, Batasunaren egoerari buruz datorren abenduan izango den eztabaidan laguntzeko.
• Chioseko alkateak migrazioaren eta errefuxiatuen krisiari buruzko eztabaida monografikoa sustatu du. Eztabaida horretan, Europar Batzordearen, Nazio Batuen, OCDEren, CGLUren, Europako Kontseiluaren eta EUDELen beraren ordezkariek hartu dute parte; azken horrek Euskadiko maila askotako estrategiaren berri eman du, Euskadin errefuxiatuen harrera indartzeko.

Bilbo, 2017ko ekainaren 13a. Eudelen elkarteburu Imanol Landak Europako Udal eta Eskualdeen Kontseiluaren Zuzendaritza Batzordean hartu du parte, Galdakaoko alkate Ibon Uriberekin batera, ekainaren 12an eta 13an. Bilera Greziako Chios irlan izan da lehenengo aldiz, eta Europan bizi den migrazioaren eta errefuxiatuen krisiarekin bat egin du. Era berean, Batasunaren etorkizunari buruzko eztabaida betean dago maila sozial eta instituzionalean, proiektua berritzeko dagoen beharraren aurrean, horri zilegitasuna eman, eta herritarren konfiantza berreskuratzeko.

CMREren batzorde politikoak Europako 47 herrialdetako toki gobernuetako eta udalen elkarteetako ia 200 kide bildu ditu. Erakunde horren egoitza Bruselan dago, eta bere egitekoa bikoitza da: udalen izenean, Europako legedian eragitea, eta plataforma bat eskaintzea, erakundeko kideek esperientziak eta praktikak truka ditzaten.

2018. urtean, ekainaren 11tik 13ra, Bilboko Euskalduna Jauregian, Europako udaletako hautetsi eta teknikari guztiak, profesional eta adituekin batera, gonbidatuta daude berdintasunari, aniztasunari eta inklusioari buruzko toki politiken inguruko Europako topaketa garrantzitsuenean parte hartzera.  CMREren 2018ko Konferentzia Bilbon antolatzeko akordioa 2016ko abenduan sinatu zen, Maastrichten izandako aurreko batzordean, CMREren eta EUDELen buruen eta Bilboko Alkatearen beraren artean.

Imanol Landak, EUDELen izenean, gonbit egin die udalen elkarteei, “Konferentziaren egitarauan modu aktiboan parte hartzera”. Izan ere, “Europako udal guztien konferentzia da”, eta, era berean, “aukera paregabea da tokiko esparrutik abiatuta gizarte-politika berriak diseinatzeko, behetik gora, pertsonak udal kudeaketaren erdigunean jarrita, zerbitzu publikoen hartzaile izateaz gain”. Landa elkarteburuak gonbit egin die CMREko kide guztiei, Bilboko Konferentziaren esparruan ekainaren 11n (urtebete barru, hain zuzen) hasiko den Zuzendaritza Batzordean parte hartzera.

Bilboko alkate Juan Mari Aburtok, bere aldetik, agurra bidali nahi izan die CMREn bildutako alkateei, Konferentzia hartuko duen hiritik bideo bidezko mezua igorrita. Bere agurrean, Alkateak dei egin die, 2018ko ekaineko hitzorduan parte har dezaten; bere hitzetan, Udala “atsedenik gabe ari da lanean EUDELekin batera, foro honek esperientziak trukatzeko eta ideiak garatzeko tokirik egokiena topatu dezan gure hirian, eta Bilbo Europako eztabaidaren erdigunean kokatzeko, Europa hobea, bidezkogoa, inklusiboagoa eta humanoagoa eraiki dezagun”.

Konferentziaren webgune ofiziala: www.cemrbilbao2018.eu    #cemrbilbao2018

Europari, errefuxiatuei eta adiskidetzeari buruzko jarrera bateratua

Chios-eko foro honetan kontinente osoko toki-agintariek balizko irtenbide batzuk eskaini dituzte udaletatik, jendaurreko esparru guztietan dauden erronka ugariri aurre egitea xede: politikoki, ekonomikoki, sozialki, lan-arloan, e.a. Ekarpen eta ideia guztiak dokumentu jakin batean agertuko dira, eta bertan “Europako etorkizunari” buruzko tokiko gobernuen jarrera bateratua islatuko da, Jean-Claude Juncker Lehendakariaren deiari erantzunez. Dei hori joan den urrian egin zitzaien europar erakunde guztiei, Batasunaren egoerari buruzko eztabaidan laguntzeko.

Eztabaida irailean hasiko da, Juncker lehendakariaren hitzaldi batekin, asmoa izanik lehenbiziko ideiak orduantxe azaltzea, hain zuzen Europako Kontseiluaren 2017ko abenduko bileran ondorioak atera baino lehen. Horrek jardunbide-lerroa zehazten lagunduko du, garaiz garatzerik egon dadin 2019ko ekaineko Europar Legebiltzarrerako hauteskundeei begira.

“Europaren etorkizunari buruzko Liburu Zuria” delakoaz gain, Batzordeak landua, bestelako hausnarketa-dokumentuak ere egongo dira, hala nola CEMR-k datozen hilabeteetan mahaigaineratuko dituenak. Bertan 2025eko Europarako ideiak, proposamenak, aukerak eta zenbait agertoki eskainiko dira.

Chios hiriko Manolis Vournous  alkateak greziar udalen elkarteak (KEDE), beren aldetik, migrazio-krisiari buruzko eztabaida monografikoa sustatu dute. Bertan parte hartu dute Europar Batzordeko goi ordezkariek, Europako Kontseiluak, Iheslarientzako Nazio Batuen Goi Komisarioak, ELGEk (Ekonomiako Lankidetza eta Garapenerako Erakundea) eta MTKH-k (munduko toki-gobernuak eta hiriak), beste organismo ofizial batzuekin batera. Eztabaidan EUDELeko elkarteburuak ere hartu du parte, Imanol Landak,  zeinek jakinarazi baitie nazioarteko zein europar ordezkariei zertan datzan Eusko Jaurlaritzako Lehendakaria gidatzen ari den maila anitzeko euskal estrategia, erakunde eta gizarte-entitate guztiekin elkarlanean, xede izanik Euskadin babes hartu duten pertsonen harrera sendotzea, euskal udalen inplikazio zuzenarekin eta konpromisoarekin.

Ekaineko Batzorde Gidari honetan europar esparruan garrantzi politiko eta instituzional nabarmena duten beste dokumentu batzuk ere aurkeztu dituzte, hala nola ‘Position paper on work-life balance’ delakoa, tokiko enplegu publikoaren esparruan lan-bizitza eta familia bateragarri egiteko neurriei buruzkoa. Berau Ibon Uribek azaldu du, CEMR-ko Berdintasun Batzordeko egungo lehendakari denak.

CEMR Batzorde Gidariari buruzko informazio guztia: http://www.ccre.org/

• Euskadiko bi proiektu Banco Interamericano de Desarrollo erakundeak berdintasunaren arloko jardunbide egoki gisa hautatutako Europako Lau proiektuen artean.
•  Euskadiko administrazio publikoen kontratazioetan berdintasuna ezartzeko prozedura eta emakume politikariak ahalduntzeko Basqueskola espazioa dira
• EUDELen eta Emakunderen ordezkaritza batek aurkeztuko ditu bi ekimenak Washington DCn generoaren arloko jardunbide egokiei buruzko mintegi batean

Banco Interamericano de Desarrollo (BID) erakundeak EUDEL – Euskadiko Udalen Elkartea eta Emakunde – Emakumearen Euskal Erakundea gonbidatu ditu gaur, apirilaren 27an,  Generoaren arloko Jardunbide Egokiei buruz Washington DCn egitekoa den mintegi batean beren bi berdintasun-proiektu aurkeztera.

Lehenengo aukeraketa-prozesuaren ondoren (hasiera batean 35 jardunbide aukeratu zituzten), azkenean Europa osoko generoaren arloko lau jardunbide egoki hautatu dira, eta horietako bi EAEn garatu dira: Euskadiko administrazio publikoen kontratazioetan berdintasuna ezartzeko prozedura eta emakume politikariak ahalduntzeko Basqueskola espazioa.

Lehenengoaren berri Emakunderen zuzendari Izaskun Landaidak emango du, eta bigarrena Burgeluko alkate Natividad López de Muniain andreak aurkeztuko du EUDEL–Euskadiko Udal Elkartearen izenean. Mintegi honetan parte hartzeko eta Washingtonen egindako lan bileretarako Jaurlaritzako Kanpo Harremanetarako Idazkaritza Orokorraren eta Jaurlaritzak EEBBtan duen ordezkaritzaren laguntza izan dute erakundeok.

Berdintasunaren aldeko klausulak

Hautatutako lehenengo jardunbide egokiari, hau da, kontratazio-prozesu publikoetan genero-ikuspegia integratzeari, dagokionez, jardunbide honi Emakumeen eta Gizonen Berdintasunerako Legea onartu zenetik aurrera (2005) ekin zitzaion. Hortik abiatuta ohikoa izan zen, eta orokorra, euskal administrazio publikoetan emakumeen eta gizonen berdintasunaren aldeko klausula sartzea. Kontratazio publikoko berdintasunaren aldeko klausulak dira erakunde publikoek obra publikoak egiteko edo ondasunak edo zerbitzuak eskuratzeko egiten dituzten kontratuetan jartzen diren eta sexuen arteko desorekak zuzentzera eta emakumeen eta gizonen arteko berdintasuna sustatzera bideratzen diren xedapenak edo baldintzak. Informazio gehiago: berdintasunaren aldeko klausulak kontratu eta diru laguntzetan.

Basqueskola

Bestalde, aukeratu den beste jardunbide egokia Virginia Woolf Basqueskola izan da. Ekimena 2012an sortu zen Emakunde eta EUDELen laguntzaz, eta helburu du “berezko espazioa” sortzea Euskadiko udaletan politikan diharduten emakumeentzat.   Proiektuaren ardatz nagusiak dira informazioa, prestakuntza, konpetentziak garatzea eta emakume hautetsien ahalduntzea, indibiduala nahiz kolektiboa, bai eta itunak eta aliantzak sortzeko lan-sareak eratzea ere. Bere bideari ekin zionetik coaching, lidergo eta komunikazio mintegiak, tailerrak, hitzaldiak eta esperientziak trukatzeko saioak antolatu ditu. Informazio osoa, argitalpenak eta hainbat material honako webgune honetan daude eskuragarri: www.virginiawoolfbasqueskola.eus

Banco Interamericano de Desarrollo (BID)

BIDen helburua da Latinoamerikako eta Karibeko bizi-kalitatea hobetzea. Horretarako, hobekuntzak sustatzen ditu osasunaren, hezkuntzaren eta azpiegituren arloetan, laguntza finantzarioa eta teknikoa eskainiz pobrezia eta berdintasuna murrizteko lanean ari diren herrialdeei. Eremu geografiko honen garapenerako finantzazio-iturri nagusia da. Maileguak, dohaintzak eta laguntza teknikoa ematen ditu, eta ikerketa-lanetan aritzen da. Kasu honetan BIDek emakumeen eta gizonen berdintasunaren arloko Europako jardunbide egokiak bilatu eta identifikatu ditu, bere laguntzaz Latinoamerikako eta Karibeko herrialdeetara eraman ahal izan daitezen.

Bestalde, euskal ordezkaritzak zenbait lan bilera egin ditu Washingtonen Organización de Estados Americanos (OEA) delakoan dagoen Espainiako ordezkaritzarekin, OEAko Comisión Interamericana de la Mujer-ekin (CIM), Women in Public Service Project (Global Women’s  Leadership Initiative) ekimeneko arduradunekin, Promundo nazioarteko Gobernuz Kanpoko Erakundearekin, eta Seton Halleko euskal ikasketen taldearen ordezkariekin,  besteak beste.

EUDELek, Europako Udalerrien eta Eskualdeen Kontseiluak (CMRE) eta Europar Batzordeak indarrak batu dituzte, emakumeek tokiko bizitzan duten parte-hartzea sendotzeko

Bruselan, 2017ko martxoaren 9an. Emakumearen Nazioarteko Eguna dela-eta, atzo, martxoaren 8an (asteazkena), bilera egin zen Bruselan, Europako tokiko eta eskualdeetako gobernuetako berdintasun-politiken horizonte berria aztertzeko, horri buruz hausnarketa egiteko, eta ideiak trukatzeko. Europako Udalerrien eta Eskualdeen Kontseiluak (CMRE) antolatu zuen saioa, Corina Crețu Eskualde Politikaren europar komisarioak Belgikako hiriburua bisitatu zuela aprobetxatuz. Ekimenaren asmoa zen topaketa bat izatea Emilia-Romagna eskualdeko presidente eta CMREren presidente Stefano Bonaccinirekin, bai eta EUDELen ordezkaria, CMRE Europako Udalerrietako Berdintasun Batzordeko presidentea eta Galdakaoko alkatea den Ibon Uriberekin ere.

Erakunde europarren artean Bruselan izandako topaketa horren barruan, adierazpen bateratua sinatu zen, emakumeari boterea emateari buruz eta bizitza publikoan emakumeek duten parte-hartze aktiboa sustatzeari buruz. Konpromiso hori Cretu komisarioak eta CMREren ordezkariek sinatu zuten.

Ekitaldian, EUDELen ordezkariak, Ibon Uribek, iragarri zuen CMREren berdintasun, gizarteratze eta dibertsitate konferentzia Bilbon egingo dela 2018an (ekainaren 11tik 13ra). Crețu komisarioak ekitaldi horretara joateko interesa adierazi zuen.

Martxan jarri da hiri berdinzale, inklusibo eta askotarikoen europar zigilua

Hiriek, herriek eta tokiko gobernuetako elkarteek urte asko daramatzate genero-berdintasunaren inguruko neurriak hartzen eta xede horretarantz doazen urratsak ematen. Hori dela-eta, CMREk hiri berdinzale, inklusibo eta askotarikoen europar zigilua sortzeko prozesuari ekin dio.

“Genero-berdintasunaren inguruan nabarmentzen diren tokiko gobernuek zigilu bereizgarri bat jasoko dute Bilboko 2018ko konferentzian, euren konpromisoaren erakusgarri,” adierazi du CMREren idazkari nagusi Frédéric Vallierrek.

Gai berari buruz, hauxe esan zuen Ibon Uribek: “Zigilu honek Berdintasunerako Europako Gutunaren inplementazioa sustatuko du, adibidez, berau inplementatzeko eskatuz; era berean, udalerrien eta emakume hautetsien sareak (Berdinsarea eta Virginia Woolf Basqueskola euskadiko sareak bezala) garatzeko eta sendotzeko oinarriak finkatuko ditu.”

2017: hitzetatik ekintzara joanez, eszenatoki globalean

2017. urtea inflexio-puntua izan da; izan ere, hitzetatik ekintzara joan gara, eszenatoki globalean. Garapen Iraunkorraren Helburuen (GIH) inplementazioaren urtea da, genero-berdintasunari eta emakumeei boterea emateari buruzko 5. helburua barne hartuz. Horretarako, hiriak eta eskualdeak funtsezkoak dira; izan ere, emakumeei bizitza publikoan boterea emateko prozesuaren buruan daude.

Ildo horretan, Angossaseko (Kamerun) alkate eta Afrikako udal emakume hautetsien sarearen (REFELA) ordezkariak, Anne Marie Tsitsolek, dei egin zien munduko sareei, lan bateratua egin dezaten. Txalotu egin zuen komisarioak hartu duen konpromisoa, Europako udal emakume hautetsien sarea babesteari dagokionez, baina baita mundu osoko emakume hautetsiak babesteari dagokionez ere. Izan ere, berdintasuna lortzeko modu bakarra dago: elkarrekin lan egitea.

[nivo effect=”sliceDownLeft” slices=”6″ directionNav=”button” width=”600″]
[image]https://noticias.eudel.eus/wp-content/uploads/2017/03/Gernika01.jpg[/image]
[image]https://noticias.eudel.eus/wp-content/uploads/2017/03/Gernika02.jpg[/image]
[image]https://noticias.eudel.eus/wp-content/uploads/2017/03/Gernika03.jpg[/image]
[image]https://noticias.eudel.eus/wp-content/uploads/2017/03/Gernika04.jpg[/image]
[image]https://noticias.eudel.eus/wp-content/uploads/2017/03/Gernika05.jpg[/image]
[image]https://noticias.eudel.eus/wp-content/uploads/2017/03/Gernika06.jpg[/image]
[/nivo]

• Iragan otsailaren 9an udal guztietara bidalitako testuak guztira 8 printzipio edo konpromiso adierazten ditu, eta alderdiei ere horiek bete ditzaten eskatzen zaie. Besteak beste, honakoak dira: ordezkaritza orekatua izatea kontsultarako eta erabakiak hartzeko organoetan; funtzioak eta eskumenak esleitzerakoan estereotipoak saihestea; kontziliazio-neurriak martxan jartzea edo/eta indartzea, edota emakume hautetsien jabekuntza indibidual eta kolektiboa sustatzeko espazioak eta sareak sendotzea.

• Gaur goizean, tokiko 6 hautetsik, Bizkaiko alkateak eta zinegotziak denak, Adierazpenaren lehenengo irakurraldi publikoa egin dute ‘Emakumeen Ezohiko Batzarrean’; lehenengoz, Gernikako Batzarretxean egin da aipatutako batzarra.

Bilbon, 2017ko martxoaren 1ean. Martxoaren 8ko ‘Emakumeen Nazioarteko Eguna’ gertu dagoenez, EUDEL-Euskadiko Udalen Elkarteak Adierazpen instituzional bat prestatu du eredu gisa, eta, ohikoa den moduan, Euskadiko udalen esku jarri da, dagozkien udal-organoek (udalbatzak eta bozeramaileen batzarrak) testua berrets dezaten, aipatutako oroitzapen ospakizunaren aurretik.

Adierazpen Instituzionala EUDELen Batzorde Eragileak onartu zuen iragan otsailaren 9an, eta egun horretan bertan bidali zen Arabako, Bizkaiko eta Gipuzkoako udal guztietara.

Hain justu, gaur goizean, 12:50ean, Gernikako Batzarretxean, lehen aldiz publikoki irakurri da EUDELek egindako Adierazpena, EUDELen eta Emakunderen laguntzarekin, Bizkaiko Batzar Nagusiek lehen aldiz antolatu duten ‘Emakumeen Ezohiko Batzarra’-ren barnean.

Testua euskara eta gaztelania txandakatuz irakurri dute; horretarako, arduradunak tokiko 6 hautetsi izan dira –emakumeak, alkateak eta zinegotziak denak–, Bizkaiko zenbait udalerritakoak eta sentsibilitate politiko guztietakoak. Hona hemen izenak, irakurri duten hurrenkeran emanda: Mª José Blanco, Portugaleteko alkateordea, PSE-EEren ordezkaria; Inmaculada Zapardiez, Abadiñoko talde independenteko zinegotzia; Amaya Fernández, Barakaldoko Alderdi Popularreko zinegotzia; Carmen Muñoz, Bilboko zinegotzia, Udalberri-Bilbao en común taldearen izenean; Idurre Bideguren, EH Bilduko Bermeoko alkatea, eta Mari Carmen Urbieta EAJ-PNVko  Leioako alkatea.

Lehenengo Ezohiko Batzar honek Bizkaiko udaletako alkate eta zinegotzien ordezkaritza zabala izan du, bai eta beste lurraldeetakoena ere. Ekitaldira etorri dira Imanol Landa EUDELen elkarteburua eta Getxoko alkatea, bai eta EUDELeko Berdintasun ordezkaria eta Galdakaoko alkatea den Ibon Uribe ere. Uribe da, gaur egun, Europako Udalerri eta Eskualdeen Kontseiluko (CCRE-CEMR) Berdintasun Batzordearen lehendakaria.

Alderdiei deia eta 2018ko Europako Konferentzia

Adierazpenak honako hau azaltzen du: “Udalgintzan, EAEko udaletako %24,7an soilik daude emakume alkateak, eta euskal herritarren %18,82 ordezkatzen dute. 2015ean, alderdi politikoek %32,58an soilik aukeratu zituzten emakumeak hauteskunde-zerrendetako zerrendaburu, eta, iraunkortasunari dagokionez, emakumeek abiadura motelagoan igo ohi dira mailaz, baita lidergoan denbora gutxiago iraun ere.”

Zentzu horretan, EUDELek alderdiei eskari zuzena egiteko (Adierazpenaren azken lerroaldea) aprobetxatu nahi izan du hainbat euskal erakundetako eta sentsibilitate politiko guztietako emakume hautetsi eta liderren topaketa hau:

“Emakumeen parte-hartze sozial eta politikoa indartzeko xedez, alderdi politikoei eskaera egiten diegu konpromiso hauek beren gain har ditzaten eta beste eragile politiko eta sozialentzat ereduzkoak diren neurriak har ditzaten.”

Leioako alkate Mª Carmen Urbietak “hurrengo mugarriaz” ere hitz egin du. Hain justu, Berdinsarea (Eudel-Emakunde) berdintasunaren alorrean lan egiten duten udalen sarera udalerri gehiago biltzea da mugarri hori. Horrez gainera, Bilbon, 2018ko ekainaren 11tik 13ra bitartean egingo den “Berdintasuna, Aniztasuna eta Inklusioa” Europako Konferentziara begira ere hitz egin du. Konferentzia hori da, nazioarteko mailan, tokiko eta eskualdeko agintarien topaketarik garrantzitsuena, eta CCRE-CEMR Europako Udalerri eta Eskualdeen Kontseiluak, EUDELek eta Bilboko Udalak antolatuko dute elkarlanean.

Ordezkaritza orekatua eta bidezko parte-hartzea

EUDELen Adierazpenak Europako Kontseiluko Toki eta Eskualdeko Agintarien Kongresuko Txosten europarreko gomendioak eta Emakumeek eta Gizonek Tokiko Bizimoduan izan behar duten Berdintasunerako Europako Gutunetik eratorritako konpromisoak onartzen ditu, baita Emakume eta Gizonen Berdintasunerako 4/2005 Legean ezarritako betebeharrak ere, eta konpromisoa hartzen du tokiko esparruetatik zortzi printzipio sustatzeko, politikan emakumeen parte-hartzea eta ordezkaritza bultzatzeko.

Testuaren asmoa da emakumeen eta gizonen arteko ordezkaritza orekatua bermatzen duten konpromisoak gehitzea, sarbiderako oztopoak ezabatuta eta ekintza positiborako neurriak erabilita. Halaber, presentziaz gain, politika egiteko espazioetan eta moduetan eragina izateko beharra ere hartzen da kontuan, karguaren jardun berdintasunezkoagoa eta eragin ekitatiboagoa bermatuko duten ereduak ahalbidetu daitezen, emakumeen jabekuntza helburu duten funtzioak, alorrak eta ordutegiak esleitzea eta programak indartzea barne hartzen duten neurrien bitartez.

Elkarrizketa IBON URIBEri. Galdakaoko alkatea, EUDELeko Berdintasunaren alorreko ordezkaria eta Europako Udal eta Eskualdeen Kontseiluko (CMRE) Berdintasun Batzordearen lehendakaria

*Elkarrizketaren pasarte bat ‘Carta Local’ (FEMP) aldizkarian argitaratu da, 2017ko urtarrileko alean

–CMREren Berdintasun alorraren bozeramaile zara, zer zeregin betetzen du alor horrek?

Funtsezko zeregina betetzen du erakunde gisa, eta hiru eremu hauei eragiten die hainbat mailatako bere lanak:

• Berdintasun politikak bultzatzea eta erraztea Europako udalerrietan.
• Berdintasuna sartzea CMRE erakundearen egituran, kulturan eta zereginean.
• Lobbya egitea europar erakundeekin, udalek berdintasunaren alorreko europar politikaren inplementazioan betetzen duten zeregina sendotzeko.

-Egiten duzuen lanak, onartzen dituzuen hitzarmenak, zer alorretan, ahalik eta zehatzenetan, atzematen ditu herritarrak? 

Gure jarduerak gizonen eta emakumeen eguneroko bizitzari eragiten dio. CMREren lana udal guztientzat balio duen arau komun batetik abiatzen da: Gizon eta emakumeek tokiko bizitzan Berdintasuna  edukitzeko Europar Gutuna (2006). Gutuna izenpetzen duten tokiko gobernuek konpromisoa hartzen dute berdintasun politikak gauzatuko dituztela hainbat eremutan. Abian jarri zenetik, ehunka proiektu inplementatu dira, eremu elkarren oso desberdinetan, nola diren osasuna, mugikortasuna, enplegua, klima, emakumeen kontrako indarkeria eta abar, berdintasun handiagoko udalak eta udal inklusiboagoak lortzeko.

Jardunbide egokien adibide zehatzak aipatzearren, nire hurbileko esparruan, euskal udalerrienean hain zuzen, ‘Beldur Barik’ proiektua nabarmenduko nuke, gazteen artean indarkeria matxistari aurre hartzeko helburuarekin. Arrakasta izan duen bigarren kasua Västerås suediar hiriarena izango litzateke. Hiri horretan, udalerriaren hirigintzaren plangintzan txertatu dute generoaren ikuspegia, eta azpiegituren diseinuan emakumeen zein gizonen premia bereziak hartzen dira kontuan.

-Orain hasitako agintaldi honetan, zer helburu dituzue?

Berdintasunaren Lehendakaritzaren agintaldia 2014. urtean hasi zen, helburu hauekin:

(1) Berdintasun politiketan eragitea europar erakundeen aurrean, eta udalen, elkarteen eta CMREren ordezkari izatea.

2) Berdintasunari buruzko kontzientziazio politikoa handitzea, eta horretarako, Berdintasunaren Europar Gutuna izenpetzen dutenen kopurua handitzea.

(3) Udaletako elkarteen lana sendotzea eta CMREren estatutu egituretan berdintasunaren inplementazioaren jarraipena egitea.

Gure gizartean berdintasuna handiagoa izan dadin udalek duten ahalmen eraldatzaileari ahal besteko etekina ateratzea eta, agenda politikoaren barruan, bai udal bai eskualde mailakoetan, berdintasuna txertatzea da datozen urteetarako helburu nagusia.

-Eta aurreratuko al diguzu lehentasunezko ekimenen bat?

2018ko ekainean (11-13), Bilbon izango da CMREren berdintasunari, aniztasunari eta inklusioari buruzko Konferentzia. Asko gustatuko litzaidake Europar Gutunaren ahalik eta sinatzaile gehien elkartzea, Berdintasunerako Euskadiko udalen sarea-Berdinsarea esperientzian oinarritutako Berdintasunaren aldeko Udalen Europar Sarea aurkezteko, eta gustatuko litzaidake, halaber, bere zeregina gauzatzeko behar dituen baliabide guztiak edukitzea.

-Betekizun horrez gainera, zein dira oinarrizko helburuak epe ertain-luzera? 

Maastrichten onartu ziren, hain zuzen ere, berdintasunaren alorreko epe ertain-luzeko lehentasunak. Hona hemen zein diren lehentasun horiek:

1. Konpromiso politikoa. Genero berdintasunak agenda politikoaren erdigunean egon behar du, eta politika, legealdi, zerbitzu, jarduera eta aurrekontu guztietan txertatu behar da.

2. Emakumeen eta gizonen parte hartze orekatua. Gizarte demokratiko batean, aurretiko betekizuna da emakumeek eta gizonek berdintasunean oinarritutako ordezkaritza eta eragina izatea bizitza politikoan, gobernu maila guztietan. Helburu hori lortzeko, beharrezkoak dira ekimen positiboak, kuota sistemak besteak beste.

3. Sentiberatasuna eta gizarte konpromisoa. Gizonek eta mutikoek berdintasunaren aldeko borrokan kontzientziazioa, konpromisoa eta inplikazioa edukitzea ezinbestekoak dira, gizartearen maila guztietan.

4. Errotik amaitzea emakumeen kontrako indarkeriarekin. Premiazko ekimena gauzatu behar da gobernantzaren maila guztietan, emakumeen eta neskatoen kontrako indarkeriari aurre hartzeko, biktimei eta bizirik atera direnei laguntzeko, arduradunek erantzukizuna bere gain hartzeko eta emakumeen kontrako indarkeria modu orori buruz kontzientziatzeko, jarrerak eta jokabideak aldatzeko helburuarekin.

5. Berdintasuna, zerbitzuak eta baliabideak eskuratzeko eta kontrolatzeko. Kalitate bereko zerbitzuak eta baliabideak (adibidez: osasuna, kirola eta aisia, gizarte laguntza) eduki behar dituzte emakumeek zein gizonek, neskek zein mutilek, eta horien premien eta lehentasunetara egokitu behar dira.

6. Emakumeek lan merkatuan duten parte hartzea eta ahalduntze ekonomikoa indartzea. Neurri gehiago behar dira, gizonen eta emakumeen artean dauden soldata eta erretiro aldeekin bukatzeko eta bereizketa okupazionala ezabatzeko.

7. Lan bizitzaren eta familia bizitzaren arteko oreka. Neurriak hartu behar dira oreka hobea lortzeko emakumeen eta gizonen lanaren eta bizitzaren artean, esate baterako, lan malgutasunerako neurriak hartuz, besterengarriak ez diren aitatasun baimenen bitartez eta kalitate goreneko arreta zerbitzu arrazoizkoak eskainiz. Ordaindu gabeko zaintza eta etxeko lanak berdintasunez banatu behar dira emakumeen eta gizonen artean.

8. Berdintasuna europar balio zentral gisa. Europak emakumeen eta gizonen arteko berdintasunaren funtsezko balioa txertatu behar du mundu mailako bere ekimenetan, hala nola, merkataritza politika, garapenerako lankidetza eta lan humanitarioa.

9. Generoaren ikuspegia babes eta migrazio politikan. Europak onartu egin behar ditu emakume eta gizon migratzaileak, errefuxiatuak eta asilo eskatzaileak aurrez aurre jarrarazten dituzten premia bereziak.

10. Europak berdintasuna sustatzeko tokiko ekimenak finantzatzea. Funts eta programa egokiak behar dira genero berdintasunean aurrera egiteko ahaleginei babesa emateko. Zehazki, Berdintasunaren Europar Gutuna eta haren on line Behatokia, eta berdintasunaren alorreko beste hainbat ekimen, udal zein eskualde mailakoak.

–Zeren mende dago horiek lortzea?

Besteak beste, berdintasuna agenda politikoaren erdigunean jarri behar da, horretarako behar diren baliabide guztiak gorde behar dira, lan koordinatua egin behar da gobernu mailen artean eta europar udalak, gai horretan, funtsezko zeregina betetzen ari garela eta bete behar dugula onartu behar da.

–Kalean CMRE zer den galdetzen denean, jende gehienak ez daki zer den. Denok ulertzeko moduan eta modu pedagogikoan, zertarako balio du CMREk?

Europako Udal eta Eskualdeen Kontseilua (CMRE) Europako udalerri guztien ahotsa da. 42 herrialdetako 150.000 gobernu, tokikoak eta eskualde mailakoak, ordezkatzen ditu.

Zuhurtasun handiz egin beharreko misioa bat, konplexutasun handikoa, betetzen duelako da CMRE ezezaguna: lobby gisa lan egitea, EBko erakunde komunen aurrean udal interesak defendatzeko.

Bruselako egoitzatik, zeregin bikoitza betetzen du. Alde batetik, europar legedian eragitea, udalerrien izenean, eta, beste batetik, plataforma bat izatea tokiko jardunbide egokiak eta proiektu berritzaileak elkar trukatzeko eta ikusarazteko.

-EBren etorkizunean, zer zeregin beteko du edo bete behar du CMREk?

CMREren helburuen artean dago hirietatik eta eskualdeetatik europar espiritua garatzen laguntzea. Tokikotik abiatuta Europa handiagoa eta hobea lortzea. Udala da europar demokraziaren, elkarbizitzaren eta solidaritatearen oinarria, herritarrengandik hurbilen dagoen gobernu maila baita.

Datozen urteetan Tokiko Gobernantza Egokiaren bidean lan egitea da helburua. Pertsonengandik hurbilago dauden tokiko erakundeak edukitzea; zeharkako bost zutarri izango duen udal politika berri bat gauzatzea: etika publikoa, gardentasuna, herritarren parte hartzea, berrikuntza eta, nola ez, berdinta