Joan den ostiralean, 11an, Jorge García Tudela eta Isidro Gabino San Martín polizien, eta hainbat herritar afganiarren bizitzarekin bukatu zuen Afganistaneko Kabulen Espainiako enbaxadaren inguruan egindako atentatuaren aurrean, EUDEL- Euskadiko Udalen Elkarteak udalei eskatu nahi die bihar astelehenean, abenduak 14, eguerdiko 12:00 etan bost minutuko isiletara elkarretaratzeak egiteko udaletxearen aurrean, atentatu berri hau gaitzesteko eta elkartasuna adierazteko asmoz.

Parisko eta Maliko atentatuei erantzunez, egin zuen bezala, EUDELek erabateko irmotasunaz gaitzesten du atentatu terrorista berri hau. Era berean, biktimen senideei eta adiskideei ere adierazi nahi die elkartasuna.

Bilbon, 2015eko abenduak 13.

Eusko Legebiltzarrak jardunaldia antolatu du Emakundek bultzatutako XII. Berdintasunerako gunea 2015-ren barruan. Jardunaldia urriaren 27an izango da, 18:00etatik aurrera, Eusko Legebiltzarrean (Berdintasunaren autobusa, Eusko Legebiltzarrera bisita eta hitzaldi irekia).

Eguna: urriak 27 (asteartea).

Lekua: Eusko Legebiltzarra (Becerro de Bengoa kalea. Vitoria-Gasteiz).

Ekintzak:

18:00etan: Berdintasunaren autobusa.

18:30ean: Eusko Legebiltzarrera bisita.

19:00etan: Hitzaldi irekia: “Gazteak eta berdintasuna. Zein oztopo aurkitzen dituzte? Zein baliabide dituzte? Hizlaria: Amelia Barquín. Mondragón Unibertsitateko irakaslea.

2015eko urriaren 6 eta 7an, Klima aldaketari eta itsasbazterrari buruzko mugaz gaindiko UHINAK Biltzarra (Ramón Iribarrenen Oroimenezkoa) delakoaren lehenengo edizioa egingo da Irungo Ficoban.

Biltzarra Ficoba Fundazioak antolatu du, AZTI Tecnaliaren lankidetzarekin eta Eusko Jaurlaritzaren, Gipuzkoako Foru Aldundiaren, Pirinio Atlantikoetako Kontseilu Nagusiaren, Akitaniako Eskualde Kontseiluaren eta Sud-Pays Basque Aglomerazioaren (Frantzia) babesarekin.

Biltzar honen helburua da, klima aldaketaren ondorioei aurre egiteko asmoz, itsasbazterra defendatu eta babesteko beharrezko neurriak hartzeko ekintzen eta konponbideen berri izatea, bai eta itsasbazterra kudeatzen eta mantentzen laguntzea eta horren inguruko esperientziak ezagutzea eta praktika onak ikastea ere, Akitania-Euskadi mugaz gaindiko ikuspuntutik. Biltzarrak 20 hitzalditik gora izango ditu, hizlari espezializatuen eskutik.