EUDELek, irailaren 30ean, udal-teknikarientzako prestakuntza-jardunaldi bat antolatu zuen Deustuko IBLZn, langile finkoen plantillak toki-erakundeen benetako beharretara nola egokitu aztertzeko.
Miguel García Rescalvo abokatu eta aholkularia izan zen hizlari, Funtzio Publikoan, Administrazio Kontratazioan eta Giza Baliabideetan aditua. Rescalvorekin batera bere bazkide eta aholkularia izan zen, Rosa Mª Pérez abokatua.
Prestakuntza-jardunaldi honek oso modu praktikoan berritasun garrantzitsua landu zuen, hau da, Enplegu Publikoaren Eskaintza bat onartu ahal izatea eta, bertan, ohiko Langileen Birjarpen Tasari beste espezifiko bat gehitzea. Tasa berri horri esker, plantillak langile ez-finkoei dagozkien egiturazko plazekin eguneratu ahal izango dira, egiturazko lana egiten baitute. Horrela, 20/2021 Legean aurreikusitako helburu hau beteko litzateke: enplegu publikoko behin-behinekotasun tasak ez du gaindituko egiturazko plazen % 8, 2024ko abenduaren 31rako.
Era berean, Jardunaldiak jorratu zituen plantilletan eta, ondorioz, Enplegu Publikoaren Eskaintzetan, Erakundearen egiturazko lanari erantzuteko behar diren plaza guztiak sartzeko dauden legezko bide guztiak.
Jarraian, hizlariaren aurkezpen-dokumenturako eta saioaren bideorako estekak ematen dira.
GAI-ZERRENDA
- Toki-erakundeetako langile finkoei buruzko egungo egoera.
- Plantilletan langile finkoen behar guztiak txertatzeko legezko bideak.
- Langileen Birjartze Tasa espezifikoaren indarraldia, 2023ko Estatutako Aurrekontuen Legearen 20. artikuluko-Bi-4 atalean aurreikusitakoaren arabera.
- 2023ko Estatutako Aurrekontuen Legearen Langileen Birjartze Tasari lotutako lanpostuak nola identifikatu, konfiguratu eta barneratu Plantilletan eta LPZn duen eragina.
- Plantillak handitzeko aukera, zerbitzu berriak ezartzeagatik edo daudenak handitzeagatik.
- Plantilla handitzea aurrekontuaren I. kapituluan sartzea, dauden legezko mugak kontuan hartuta.