2022an, EUDELek metodologia aitzindari hau jarri zuen euskal udalen esku, udal-aurrekontuak Garapen Jasangarrirako Helburuekin (GJH) lerrokatzeko.
Orain, 18. GJHa (Euskara eta Kultura) txertatzeko eguneratu egin da, bai aurrekontuaren lerrokatzean, bai Euskadiko 2030 Agendaren erakundeen arteko lanaren esparruan.
Metodoak hiru urrats ditu: 1) Prozesua bideratzeko gida praktikoa 2) Lerrokatzeko tresna (Excel) 3) Emaitzen txostena
GJHak udal errealitatera “lurreratzen” dituen lehen ekimena da. Horretarako, 92 programa funtzionaletarako GJH bat edo batzuk identifikatu dira, 24 gastu-politikatan multzokatuta.
Tresna hori hainbat tamainatako udalek probatu dute, eta EAEko udalerri guztietan erraza, erabilgarria eta aplikagarria izan dadin diseinatu da. Aldi berean, tokiko errealitate espezifikora egokitu daiteke.
Esteka: “UDAL AURREKONTUAK GJHekin LERROKATZEN HASTEKO GIDA PRAKTIKOA”.