Lapurtutako haurren eta adopzio irregularren kasuak Euskadin
EUDELek elkartasuna adierazten du, eta eragindako pertsonei laguntzeko eskaera egiten die Euskadiko udalei
Bilbon, 2012ko martxoak 23. EUDELen Batzorde Agintariak Euskadiko adopzio irregularren eta lapurtutako haurren kasuei buruz martxoaren 15ean hartutako Akordioaren arabera, Euskadiko Udalen Elkarteak elkartasuna adierazten die eragindako pertsonei, eta udalei zirkular bat bidali die, ahal duten neurrian gertaerak argitzeko laguntza eman dezaten eskatuz.
EUDEL erakundeak SOS Haur Lapurtuak Euskadi elkartearekin egin du lan azken asteotan, arazoak zuzenean ezagutzeko asmoz, eta irtenbideak eta lankidetzarako bideak prestatu ahal izateko.