Urriaren 14ko Herri Dirubideen Euskal Kontseiluan, 2015erako eta 2016rako itunpeko zergengatiko diru-bilketako aurreikuspenak onartu ziren.
Diru-bilketako aurreikuspenek behera egin dutenez, eragin zuzena izango dute udalek itunpeko zergengatik daukaten partaidetzan, eta, Bizkaiaren kasuan, UDALKUTXA Fondoan dago zehaztuta. Gaur egindako bileran, Bizkaiko Finantzetako Lurralde Kontseiluak Udalkutxako 2015erako aurrelikidazioko eta 2016erako aurreikuspenetako zenbakien berri izan du.
2015eko aurrelikidazioko zenbakiek eragin ekonomikorik ez daukaten arren eta 2016ko otsailean egin beharreko likidaziora arte itxaron beharko den arren, oso garrantzitsua da haien berri izatea aurrekontuak errazago kudeatzeko orduan.
Hona hemen 2015. eta 2016. urteei begira udalek egin beharreko konturako entregen banakako zenbakiak eta 2015eko aurrelikidazioa:
Udaletarako jakinarazpena:
Aurreikuspen hori kontuan hartuta, Udalek 2015. urtean jasotzen ari diren konturako entregen zati bat itzuli beharko dute 2016an. Hori dela eta, Bizkaiko Lurralde Batzordeak lurralde historikoko udal guztiei gomendatzen die euren kudeaketa ekonomikoan eta aurrekontuetan zuhurtziaren eta erantzukizunaren irizpideen ezarpena areagotzea