EUDELek irmotasunez gaitzesten du atzo, osteguna, Parisko erdigunean tiroketa bidez izandako atentatu terrorista, eta horren aurkako erabateko arbuioa agertzen du. Euskadiko Udalen Elkarteak dolumina eta elkartasuna adierazi nahi dizkio hildako poliziaren familiari, eta zaurituak ahalik eta lasterren osatu daitezen espero du.
Euskadiko Udalerrietatik besarkada solidario bat eta hurbiltasun sentimendurik zintzoena bidali nahi diegu Parisko hiriari eta Frantziako biztanle guztiei, une latz hauetan.
Bilbon, 2017ko apirilaren 21a.