EUDELek bat egiten du pertsona ezinduen gizarte-partehartzea bultzatzeko kanpainarekin

• Gaur  ostegunean, abenduaren 3an, Desgaitasuna duten pertsonen Nazioarteko Eguna izango da. FEKOORek kolektibo horren erabateko gizarteratzea eta parte-hartzea aldarrikatu du, sentsibilizazio-ekitaldi baten bitartez; 300 pertsona baino gehiago bildu ditu Bilboko Areatzan, eguerditik aurrera.

• Bertan izan da EUDELeko elkarteburu eta Getxoko alkate Imanol Landa.

EUDELeko elkarteburu eta Getxoko Alkateak, Imanol Landak pertsona ezindu guztiekin udalek duten aldekotasuna agertu nahi izan du gaur, eta parte hartu du Bilboko Areatzako jai-ekitaldi batean, beste zenbait erakundetako ordezkariekin batera. Ekitaldi hori FEKOOR-ek antolatu du, eta xede du kolektiboa ikusaraztea, baita laguntzak biltzea inklusioan aurrera egiteko eta pertsona ezinduen gizarte-partehartzea bultzatzeko.

12:00etatik aurrera, sentsibilizazio ekitaldia izan da, eta, bertan, #hazteMOVI kanpaina aurkeztuko da. Kanpaina horren bitartez, pertsona guztiak modu independentean bizi ahal izateko beharra nabarmendu nahi da: bizitzako erabakiak hartzea, gizartean parte hartzea, eskubide eta aukera berberekin, eta, helburu horretarako, babeserako sare osoa eskura edukitzea.

Kanpaina www.haztemovi.org webgunearen bitartez jarrai daiteke, baita sare sozialetan ere: Facebooken, Twitterren, #hazteMOVI #izanMOVI #beingMOVI hashtag-ekin, Google Plusen, Linkedinen, Pinteresten eta YouTuben.