EUDELEN ELKARTEBURUA BISCAYTIK-EN X. URTEURRENEKO EKITALDIAN IZAN DA
Imanol Landa, EUDELen elkarteburua eta Getxoko alkatea, ostegunean BiscayTIK Fundazioaren X. urteurrena ospatzeko ekitaldien amaiera-galan izan da.
BiscayTIK Fundazioa 2008an sortu zuen Bizkaiko Foru Aldundiak, lurraldeko udalei modernizazio teknologikoren prozesuan laguntzeko.
Galan 400 pertsona baino gehiago izan dira, besteak beste, babesleak eta babesle ohiak, foru diputatuak, Bizkaiko udaletako alkateak eta bestelako udal ordezkariak, enpresak eta hornitzaileak eta BiscayTIKekin batera ibilbidea egin duten herritarrak.
Ekitaldian, bideo bidezko mezuak ikusi dira, BiscayTIKekin, hamar urte hauetan zehar, elkarlanean aritu diren erakunde eta eragileek bidalitakoak. Zoriontze-mezuen artean izan da EUDELen elkarteburuarena ere; lurralde osoko udalen izenean hitz egin du.
“ZORIONAK eta eskerrik asko teknologia modernizatzen eta modu eraginkorrean erabiltzen 10 urteotan udalei eman diezuen laguntzagatik. Benetan eskertzekoa da egin duzuen lana, herritar guztien zerbitzura delako. Datozen urteetan funtsezkoa izango da Aldundiarekiko elkarlana. Helburua da Bizkaiko udalerri guztiek ̶ gure tamaina alde batera utzirik ̶ elkarrekin aurrera egin ahal izatea, “lurralde adimenduna” bezala. Etorkizuneko erronka konplexu baina pozgarri honetarako, BiscayTIK fundazioaren laguntza eta aliantza izaten jarraituko dugu. Berriz ere ZORIONAK, eta izan gaitezen bidelagun beste 10 urtez!” Imanol Landa, EUDELen elkarteburua, Getxoko alkatea
