Otsailaren 6an, ostegunarekin, Gasteizko Emakumeen Etxean (Sorginenean), Berdinsarearen batzar teknikoaren urteko lehen bilera egin zen. Abanto Zierbena, Arrigorriaga, Portugalete, Oñati, Vitoria-Gasteiz udalerrietako eta Gorbeialdea eta Urola-Garaia eskualdeetako berdintasuneko teknikariek hartu zuten parte bileran.
2020ko lehen batzarraren helburua izan zen 2019an egindako jardueren balantzea aurkeztea eta, aldi berean, ekitaldi honetarako ekintza-plana adostea. Hain zuzen, BERDINSAREAren eginkizuna –EUDELek Emakunderen bultzadarekin koordinatutakoa– hauxe da: elkartzeko eta lan egiteko gune bat eskaintzea EAEko udalerrietako teknikariei, tokiko ekintza bateratuak diseinatzeko eta bultzatzeko.
- Berdinsarearen balioa da batzuen artean, sareari esker, irizpide bateratuak adostu daitezke eta berdintasunaren arloan ibilbide desberdina duten zenbait tamainatako udalen artean baliabideak partekatu daitezke. Izan ere, oso lagungarria da mankomunitateetan eta kuadriletan (Araba) elkartutako udal txikienen
Ikus BERDINSAREAREN JARDUTEKO ILDOEN BIDEOA
Zer da Berdinsarea?
Sarearen helburua da berdintasunaren alde eta emakumeenganako indakeriaren aurka tokiko gobernuetatik kudeatutako programa eta zerbitzuak bultzatu, indartu, koordinatu eta ebaluatzea.
Gaur egun, berdintasunaren aldeko 69 udalerrik osatzen dute Berdinsarea, eta haren estaldurak EAEko biztanleen % 79 baino gehiago hartzen du barnean. CMRE-Europako Udalerrien eta Eskualdeen Kontseiluak praktika ontzat hartu du Berdinsarea, eta erreferentzia-eredu bat da tokiko sarean lan egiteko, hala berdintasunean nola gainerako arloetan.
Estrategia
- BERDINSAREAk berdintasunerako eta sareko ekintzarako politikak indartzea udalerrietan.
- EAEko udalerri txikietan berdintasun-politikak bultzatzea eta indartzea.
- Emakumeen parte-hartze politikoa ahalduntzea eta tokiko bizitzan berdintasunerako politikak ahalduntzea.
- CMRErekin ituna egitea, Europako instituzioetan eta tokiko gobernuetan emakumeen eta gizonen berdintasuna sustatzeko.
Informazio gehiagorako: eudel.eus (Berdintasuna, BERDINSAREA)