Herri Dirubideen Euskal Kontseiluak gaur goizean Vitoria-Gasteizen egin duen bileran, Eusko Jaurlaritzak, hiru Foru aldundiek eta Udalek 2020ko ekitaldian zerga itunduen bilketa finkatua 13.949,3M/€ 2020an ezarri dute, hau da, 2019an baino 1.520,3 M/€ gutxiago, eta urte arteko beherakada % 9,8koa izan da. Horrela, izandako diru-bilketak 537,7 M/€-tan gainditu du urriaren 15ean onartutako itxierako aurreikuspena.
Bileraren ondoren, EUDELen elkarteburu Gorka Urtaranek gogora ekarri du Udal Finantzaketarako Foru Funtsetako datu zehatzak eta udal bakoitzaren kontura emango diren kopuruak Araba, Bizkai eta Gipuzkoako Finantzen Lurralde Kontseiluen bileretan emango direla argitara, datorren astean.
EUDELen elkarteburuak azaldu duenez, Udalek ere zailtasunak izan dituzte urte honetan, esfortzu handia egin dute osasun krisiari aurre egiteko, eta gizarte eta ekonomia mailan sortuko diren inpaktuei aurre egiteko. EUDELeko buruak udalerrien lanaren hiru ezaugarri nagusi nabarmendu ditu:
- Enpatia izatea euskal gizartearekin, bizilagunekin, gure osasuna babesteko, ongizatea bermatzeko eta tokiko ekonomiari laguntzeko.
- Erakunde guztien arteko elkarlana eta lankidetza, denak lerrokatuta gizartearen erronkei erantzuteko
- Zorroztasun ekonomikoa, efikazia eta efizientzia. “Udalek erakutsi dugu badakigula erantzukizun ekonomikoarekin kudeatzen” nabarmendu du Gorka Urtaranek.
Gorka Urtaranek esan du urtea ez dela uste bezain gaizki amaituko, eta Udalek eta gainerako erakundeek baliabideak izango ditugula pandemia gainditzeko, eta gizarte eta ekonomia krisiari aurre egiteko.
Udalen ordezkariak
Herri Dirubideen Euskal Kontseiluan parte hartzen dute EUDELek, Euskadiko udalen ordezkari gisa, Eusko Jaurlaritzak eta Araba, Bizkaia eta Gipuzkoako Foru Aldundiek.
Udalerrien ordezkariak hauek dira:
- Gorka Urtaran, Vitoria-Gasteizko alkatea (EUDELen elkarteburua)
- Nagore Alkorta, Azpeitiko alkatea (elkarteburuordea)
- Ángela Eguia, Gordexolako alkatea (Batzorde Eragileko kidea)
Ikus PRENTSA-OHARRA: 2021eko otsailaren 12ko Herri-dirubideen Euskal Kontseiluaren akordioak.