- Galdakaoko alkate eta EUDELeko ordezkariak hitzaldia eman du gaur Bruselan ehun pertsona baino gehiagoren aurrean, Europako Udalerri eta Eskualdeen Kontseiluaren (CMRE) berdintasunerako Batzordearen presidente gisa eskaini duen lehenengo konferentzian.
- Ibon Uribek dei egin die tokiko gobernuei, lidergoa euren gain hartu dezaten eta Berdintasuna agenda politikoaren erdigunean jartzeko eskura dituzten tresna guztiak aktibatu ditzaten.
Ibon Uribek lehenengo hitzaldia eskaini du gaur goizean Bruselan, CMREk 2015-2017 agintaldirako Berdintasunerako Batzordearen presidente izendatu ostean. EUDELen talde eragilearen kide da Uribe, eta Europako batzorde horren buruan lortu nahi duen helburuetako bat da Euskadi erreferente bihurtzea, Berdintasunerako politika publikoei dagokienez, udalerrien artean sarean lan eginez eta Euskadiko gainerako erakundeen arteko lankidetzan oinarrituta.
Belgikako hiriburuko topaketan Europako Batzordeko kide diren herrialdeetako tokiko eta eskualdeko agintaritzen ehun bat ordezkari izan dira, baita Europako Parlamentuko eta Batzordeko ordezkariak ere. Ibon Uribe Emakundeko zuzendari Izaskun Landaidarekin eta Berangoko Alkatea, Maria Isabel Lasarekin, eta Sestaoko gizarte-ongizatearen zinegotzia, Flori Nuñezekin izan da topaketan.
Presidente berriak 2017ra arte beteko duen bi urteko agintaldiaren ardatzen norabidea zehaztuko duten helburuak zein diren azaldu du, berdintasunerako tokiko politikek eragin handiagoa izan dezaten lortzeko azken xedearekin.
“Gure udalerriek gero eta tresna eta aditu gehiago dituzte, berdintasunari tokiko esparruan bultzada emateko (…).
Alabaina, desberdintasunaren zifrek esaten digute hau ez dela nahikoa. Beharrezkoa da tokiko gobernuen buruan gaudenok kontzientzia indibidual eta kolektiboa hartzea, berdintasuna politikaren erdigunean kokatzeko, bai edukiari bai berdintasuna bera betearazteari dagokienez.”
Konferentzia Bruselako udaletxean izango da gaur. Saio nagusian, Berdintasunerako Europako Gutunak tokiko bizimoduan duen eragina neurtzeko proiektu pilotuaren emaitzak aurkeztuko dira. Gainera, programak hiru tailer paralelo hartzen ditu barne, honako gaiak aztertu eta horien gainean eztabaidatzeko: enpleguan dauden desberdintasunak, erabakiak hartzeko orduan emakumeek duten rol politikoa eta genero-indarkeria
EUDELek Suediaren lekukoa hartu du, Europan Berdintasunerako tokiko politikak zuzentzeko
- Europako udalerri eta eskualdeen (CMRE) topaketan, Galdakaoko alkateak presidente gisa beteko duen agintaldiaren helburuen berri emango du, Berdintasunerako tokiko politikek eragin handiagoa izan dezaten lortzeko asmoz.
- Uribe Emakunderen zuzendariarekin, Izaskun Landarekin, eta Euskadiko udalen ordezkariekin batera joango da Bruselara.
Bilbon, 2015eko urriaren 13an. Galdakaoko alkate Ibon Uribe Bruselan dago egunotan, bihar, urriak 14, Europako Udalerri eta Eskualdeen Kontseiluaren (CMRE) presidente gisa Europan eskainiko duen lehenengo konferentzian parte hartzeko. Konferentzia 09:30ean izango da Bruselako udaletxean. Bertan, ehun bat pertsona izango dira gutxi gorabehera, Europako Parlamentuaren eta Batzordearen ordezkariak barne.
Ibon Uribe Emakundeko zuzendari Izaskun Landaidarekin eta Berangoko eta Sestaoko udaletako ordezkariekin batera izango da Bruselan. Hitzaldian, Euskadin Berdintasunaren alorrean ditugun zeharkako lan-eredua eta erakundeen arteko lankidetza-eredua azalduko ditu presidente berriak.
Gaur, asteartea, konferentziaren aurreko egunean, Ibon Uribek lanerako barne-saioa dauka finkatuta, Berdintasunerako Batzordeko kideekin. Lehenengo saio horretan, talde berriak Berdintasunerako Batzordearen lanean aurrera egiten jarraitzeko erronkak eta helburuak aztertuko ditu. Ibon Uribek ekintza-plana egiteko oinarrizko ardatzen berri emango du. Ardatz horiek Europako udalerriekin partekatzea eta horien inguruan adostasuna lortzea da Uriberen asmoa.
CMREren Berdintasunerako Batzorde Iraunkorra (Standing Committe for Equality) EBko herrialdeetan Berdintasunerako tokiko politikak koordinatzeko organo gorena da. Europako udalerri eta eskualdeen elkarte nagusietako ordezkariek osatzen dute Batzordea.
Ibon Uribek, EUDELen izenean, presidente kargua beteko du datozen bi urteotan, 2017ko urte amaiera arte, Suediako Elkarteko Ewa Samuelssonen lekukoa jaso ostean. Bi elkarteek esperientzia eta ibilbide luzea dute berdintasunaren aldeko lanean, eta euren helburu eta metodologietako asko bat datoz.
Aurten ere, Azaroak 25 – Emakumeenganako indarkeriaren aurkako Nazioarteko Eguna dela-eta, Euskadiko udalerri guztietara bidali da adierazpen instituzionalaren eredua, EUDELek eta Emakundek adostutakoa, Berdinsarearen (Berdintasunaren aldeko Euskadiko Udalen Sarea) barruan.
EUDELen Batzorde Eragileak adierazpen hori berretsi du, atzo, urriaren 8an (osteguna) egindako bileran. Tokiko autonomiari errespetua erakutsiz, proposatutako testua eredu irekia da, udal bakoitzak adierazpen hori tokiko errealitatera egokitu dezan.
GOMENDATUTAKO ARGITALPENA
Data: 2015eko urriak 26 (astelehena)
Ordua: 17:00 – 18:00
Lekua: Bizkaiko Foru Aldundiko Ondare Aretoan (María Díaz de Haro 11, 48013 Bilbo)