Memoriaren Eguna, azaroak 10.
Idazkia eta erreferentzia-testua, azaroaren 2an Euskadiko udal guztietara bidalia, udal bakoitzari autonomia eta askatasun osoa ematen zaielarik berau onar dezaten, hala badagokio. Izan ere, jakitun gara udal bakoitzak biktimekiko ibilbide desberdina duela.
Idazkia (16/11/02):
“EUDELek Euskadiko udalerri guztiak gonbidatzen ditu Memoriaren Eguna ospatzera, datorren azaroaren 10ean.
Horretarako, oinarrizko honako proposamena egin da:
- Azaroaren 10ean, 12:00etan, Udalbatzaren elkarretaratzea egitea, 5 minutukoa (isilik), udaletxearen aurrean edo udalerrian ekitaldi mota honetarako ohikoena den tokian.
- Ekitaldi honetarako, Udalean ahalik eta adostasun handiena lortzea udalerri bakoitzean.
- Elkarretaratzea aldez aurretik iragarri beharko da, eta herritarrei zein udalerriko tokiko erakunde eta eragile sozialen ordezkariei parte hartzeko gonbit egin beharko zaie. “
2016ko azaroaren 2a. EUDELen elkarteburu Imanol Landak harrera egin die gaur goizean, Bilbon, Pablo Ibarren senideei eta Heriotza Zigorraren aurkako Elkartearen ordezkariei. Euskadiko Udalen Elkartea izandako bisita Ibar familiak berariaz eskatu ondoren egin da, eta, bertan, Cándido Ibar eta Miren Pilare Pereda Ibar parte hartu dute, Pablo Ibarren aita eta lehengusina, hurrenez hurren, baita elkarteko bozeramaile Andrés Krakenberger ere.
Gaurko bisita elkarteak Euskadiko zein Espainiar Estatuko eta nazioarteko zenbait agintari eta erakunderekin egiten ari den harremanetarako prozesuaren barruan dago.
EUDELekin biltzeko, ordezkaritzaren helburu nagusia zen funtsak biltzeko egiten ari diren kanpainaren berri ematea Euskadiko udalerriei, eta, hartara, Ibarren defentsa letradunaren gastuak ordaintzeko babes ekonomikoa lortzea epaiketa berrirako Floridan; izan ere, aurrekontua 1.300.000 dolarrekoa da.
Horretarako, Elkarteak dohaintzak egiteko ordainketarako bidea dauka webgunean bertan, eta jasotako ekarpen guztiak eskertuko ditu, txikiak zein handiak izan:
‘Pablo Ibar’ Heriotza Zigorraren aurkako Elkartea
‘Pablo Ibar’ Heriotza Zigorraren aurkako Elkartea irabazi asmorik gabeko elkartea da, eta helburua da jendea heriotza-zigorraren eta epaiketa justua izateko eskubidearen inguruan sentsibilizatzeko jarduerak egitea. Era berean, Amerikako Estatu Batuetan hiltzera zigortuta dagoen Pablo Ibarrentzako defentsa letraduna ordaintzeko dirua lortu nahi da.
Harremanetarako datuak: Tel.: 688 68 71 75; posta elektronikoa: pabloibar@pabloibar.com
Sare sozialak: Twitter @asocpabloibar /