Azken orduko

26.06.2014 Berdintasuna

EUDELek eta Emakundek aurkeztu diete euskal udalei Beldur Barik kanpainaren V. edizioa

Izaskun Landaida Emakundeko zuzendariak eta Ibon Uribek, Berdintasunaren aldeko EUDELeko ordezkariak, aurkeztu diete Euskadiko udalei Beldur Barik programaren V. Edizioa. Programa honen xedea gazteen arteko jarrera sexistei aurrea hartzea da. Emakundek programaren bederatzigarren edizio hau antolatu du eta, horretarako, hurrengo eragileen laguntza dauka: EUDEL; Bizkaiko, Gipuzkoako eta Arabako Foru Aldundiak; Eusko Jaurlaritzaren Kultura, Hezkuntza eta Hizkuntz Politika Saila, UPV-EHU eta EITB.

2014ko edizio berri hau aurkezteko bilera ekainaren 26an (osteguna), 9:30etik 12:00etara egin zen, Bilboko EUDELeko egoitzan.

TOKI-EKIMENAK EGITERAKO SUSTAPENA

Aurten ere, udalek gazteekin toki-ekimenak eta –prozesuak egin ditzaten sustatu nahi da, indarkeria sexista gainditzeko urrats sendoak egiten laguntzeko. Horretarako, udalerriei hiru lan-maila eskaintzen zaizkie Beldur Barik programaren barruan, kontuan harturik programak zer nolako interesa pizten duen, udal bakoitzak zer nolako ahalmena eta prestasuna duen lan egiteko, eta zer baliabide dituen.

Horrela, tresna batzuk diseinatu dira: maila guztietan lan egiteko aukera ematen dute, eta bat datos indarkeria sexista gainditzeko planteatzen den ildo estrategikoarekin.

Informazio gehiago: www.beldurbarik.org

Idazkari teknikoa: beldurbarik@beldurbarik.org

Beldur Barik programak zuzenean lan egiten du gazte jendearekin, estrategia global-lokal baten bitartez, zeina bi ekintzen inguruan gauzatzen den: Lehiaketa eta Topaketa; horiek dira programaren bizkarrezurra.

20.06.2014 Euskara

Diru-laguntzen deialdia: Toki-entitateetan Euskara Biziberritzeko plana garatzea (2014)

Euskal Autonomia Erkidegoko toki-entitateetan Euskara Biziberritzeko Plan Nagusia (EBPN) garatzea. EAEko toki-erakundeetan Euskara Biziberritzeko Plan Nagusia / Euskara Sustatzeko Ekintza Plana (EBPN/ESEP) garatzeko diru-laguntzak: mintzalaguna eta etorkinak.

Eskabideak aurkezteko epea: 2014/06/20-2014/07/04

Aurkezteko epe-muga: 2014ko uztailaren 4a

Diru kopurua: 318.665 euro

Prestazio ekonomikoa:

Ordainketa bi zatitan egingo da:

a) Lehenengo ordainketan diru-laguntza osoaren ehuneko berrogeita hamarra (% 50) ordainduko da, ebazpena jakinarazi eta hamar (10) egun balioduneko epea amaitzen denetik bi (2) hilabeteko epean. Dena den, hamar (10) egun balioduneko epe hori heldu baino lehen HPSren onarpen-agiria jasotzen bada, ordainketa bideratzen hasiko da.

b) Bigarren ordainketan, hala badagokio, gainerako ehuneko berrogeita hamarra (% 50) ordainduko da, diru-laguntza justifikatzeko agiri guztiak jaso eta ontzat hartu ondoren, hilabeteko epean.

Nori zuzendua:

– Euren xedeen artean hizkuntza normalizazioa izanez gero, toki-erakundeen mendeko edo haiei lotutako zuzenbide publikoko erakundeak
– Eta xede horrekin lankidetza hitzarmen bidez elkartutako toki-erakundeak

Aplikatu beharreko araudia:

AGINDUA, 2014ko ekainaren 18koa, Hezkuntza, Hizkuntza Politika eta Kulturako sailburuarena, Euskal Autonomia Erkidegoko toki-erakundeetan Euskara Biziberritzeko Plan Nagusia / Euskara Sustatzeko Ekintza Plana (EBPN/ESEP) garatzeko diru-laguntzak emateko araubidea ezarri eta deialdia egiteko dena.

Informazio gehiago:
http://www.euskara.euskadi.net/2014/ebpn_esep_mintzalaguna/eu/r59-738/eu/

13.06.2014 Berriak

Udako ikastaroa: EUROBASK Europa 2014: itun-kutxa galduaren bila

Udako Ikastaroa

EUROBASK-UPV/EHU-EUDEL

EUROPA 2014: itun-kutxa galduaren bila

Uztailak 16-17-18

Miramar Jauregia Donostia

EUROBASKek antolatutako ikastaro-deialdia, UPV-EHUko udako egitarauan dagoena.

EUDELek parte hartuko du bertan, hain zuzen, itxiera-ekitaldirako hitzaldi batekin: “Tokiko esparruetatik eginiko hausnarketak”.

Programa jaitsi

Ikastaroa uztailaren 16, 17 eta 18an burutuko da, Donostiako Miramar Jauregian.

Izen-emateak eta matrikula beherapenaz

Inskripzioa ekainaren 27 baino lehen, EUROBASKen bitartez

945 12 35 38 – eurobask@eurobask.org

www.eurobask.org

Udal langileek %50eko beherapena izango dute matrikularen prezioan:

Ohiko matrikularen prezioa: 92 €

Udaletarako beherapena: 46 €

Egitarauaren laburpena

Asteazkena, uztailak 16:

EUROPAR BATASUNA, POPULISMOA ETA IMMIGRAZIOA

JOÃO DIAGO PINTO Europako Nazioarteko mugimenduaren Idazkari Nagusia.

IÑIGO BULLAIN. EHU-ko Konstituzio eta Europar Zuzenbideko irakaslea.

EVA PEÑA. Nazioarteko Harremanetan eta europar integrazioan doktorea. Ikertzailea EuGov taldean. Bartzelonako Unibertsitate Autonomoa.

JOSE ANTONIO GONZÁLEZ ALCANTUD. Gizarte Antropologiako katedraduna Granadako Unibertsitatean. Real Academia de Ciencias Morales y Políticas delakoaren akademikoa.

Osteguna, uztailak 17:

EUROPAKO GIZARTE ETA EKONOMIARAKO ERRONKAK

MIGUEL ÁNGEL MALO OCAÑA.OITeko lan ikerketen nazioarteko institutoaren ekonomilaria.

FRANCISCO DE LA TORRE. Ogasun ikuskatzaileen erakunde profesionalen idazkari nagusi ohia eta bozeramaile ohia.

ANDRÉS GARCÍA-RECHE. Ekonomia Aplikatuan katedraduna. Valentziako Unibertsitatea

ESTHER ZAPATER. Irakaslea Herri Zuzenbide eta Zientzia Historiko Zuzenbide Sailean. Bartzelonako Unibertsitatea.

Ostirala, uztailak 18:

EB GLOBALIZAZIOAREN NAHASMENAREN AURREAN

BORJA LASHERAS. Zuzendari albokoa eta ikertzaile nagusia ECFR-n.

JAIME PASTOR VERDÚ. Irakasle Titularra Urrutiko Hezkuntzarako Unibertsitate Nazionaleko Zientzia Politiko eta Administrazioko Sailean.

JORDI BACARIA.CIDOBeko zuzendaria (Barcelona Centre for International Affairs).

CHARLES POWELL. Real Instituto Elcano-ko zuzendaria.

MAR ZABALA. EUDELeko zuzendari nagusia.

10.06.2014 Berriak

Gizarte-Bazterketan esku hartzeko oinarrizko prozedura

2013ko ekainean jakinarazi zenez, Bizkaiko Foru Aldundiaren Gizarte Ekintza Sailak eta EUDELek erakunde arteko lantaldea jarri zuten abian. Lantaldearen helburuetako bat zen esku hartzeko oinarrizko prozedura atontzea, Bizkaian gizarte-bazterketaren eta gizarteratzearen arloan inplikatutako administrazio guztien artean adostuta.

Lantalde horrek amaitutzat eman du aipatutako prozeduraren testua idazteko prozesua; horren haritik, esku-hartze prozedurari dagokionez prestatutako dokumentazioa dagokionean banatuko da, Oinarrizko Gizarte Zerbitzuak, Udaleko Gizarte Zerbitzuak eta Gizarteratzeko Zerbitzua abian jartzen has daitezen.

Esku hartzeko oinarrizko prozesu horretan, aurreikuspenen arabera, eta gizarte-zerbitzuei buruzko 12/2008 Legean xedatutakoarekin bat etorriz, Oinarrizko Gizarte Zerbitzuak izango dira, Gizarte Zerbitzuen Euskal Sistemara sartzeko atari gisa, aipatutako eskaeren hartzaileak; ondoren, behin dagozkion izapideak beteta, hala badagokio, bigarren mailako arretako Foru Zerbitzuetara bideratuko dituzte.

Bizkaiko Foru Aldundiak eta EUDELek elkarrekin prestatu duten gutun informatiboa.

Jarduteko era hori 2014ko irailaren 1etik aurrera ezarriko da; beraz, orain arte nagusiki jarraitzen zen bidea alde batera utziko da (hau da, eskaerak hirugarren sektoreko erakundeen bitartez jasotzea); horiei guztiei eman zaie dagoeneko egingo den aldaketaren berri.

Prozedura berriaren ondorioz, pertsonak egindako eskaria eta berak emandako agiriak jaso beharko dira, ondoren bigarren mailako arreta-zerbitzuetara bideratzeko.

Prozeduraren gidatze eta zabalkundea

Hasierako fase honetan, aurreikusita dago talde pilotua sortzea, esku hartzeko prozedura aztertzeko. Berorren bilakaera eta garapena egokiak izan daitezen, beharrezkoa da aldi batean ikastea eta trebatzea.

Prozeduraren berri emateko eta prozedura bera ezagutzeko, datozen egunetan –dagokionean jakinaraziko da– edukiak interesa izan dezaketen gizarte-eragileei aurkezteko aukera aztertzen ari da.

*Argibideetarako kontaktua: gizartegaiak@eudel.net

06.06.2014 Berriak

EUDELeko Batzorde Orokorraren Erabakia. 2014ko ekainak 5

Aurrekariak

EUDEL Udalen Elkartea jakitun da zeinen sasoi garrantzitsua bizi duen Euskadiko udalgintzak, etengabeko lege- eta arau-aldaketa sakonekin. Hala, egokia deritzo estatutuak eta araudia berritzeari, hala badagokio.

Erabakia
Jeitsi

Gaur inoiz baino beharrezkoagoa da EUDELen papera ahots eta solaskide bakar gisa sendotzea udal interesen ordezkaritzan, gainontzeko erakundeen aurrean tokiko autonomia babeste aldera. Izan ere, horrelaxe sendotuko da euskal udalen presentzia Euskadiko egitura instituzionalean.

Horregatik guztiagatik, proposatzen da honako

Erabakia

2014ko abenduaren 31ko muga-egunarekin, Ezohiko Batzarra Orokorra egitea, xedea delarik EUDELeko Estatutuen eta Antolakuntza eta Funtzionamendu Araudiaren berrikuntza jorratzea eta onartzea, hala badagokio.
Batzorde Eragileari prozedurari eta egutegiari buruzko beharrezko neurriak har ditzan eskatzea, EUDELeko Antolakuntza eta Funtzionamendu Araudiaren 41. artikuluarekin bat etorriz.
Udal bazkideei zabalik den prozesuari buruzko unean uneko informazioa helaraztea.

21.05.2014 Nabarmenak

Udaletako Gizarte Zerbitzuei buruzko Estatu-mailako jardunaldiak

Gizarte Laneko Kontseilu Nagusiak Bizkaiko Gizarte Langintzaren Elkargo Ofizialarekin elkarlanean antolatutako jardunaldiak Barakaldoko BECen egingo dira, ekainaren 12, 13 eta 14an.

Programak lau lan-ardatz ditu oinarri. Bertan aztertu, hausnartu eta eztabaidatu ahal izango da udaleko gizarte-zerbitzuei lotutako arautegi berriaz, Tokiko Erreforma Legea onartu ostean.

Informazio gehiago eta IZEN-EMATEA:

Izen-ematea web honen bidez egin behar da:

www.serviciossocialesmunicipales.com

Jardunaldien edukiari buruzko informazio zabalagoa izateko egitaraua jaitsi daiteke.

Egitarauaren laburpena:

Osteguna, ekainak 12

12:00 – 16:00 Akreditazioa

16:00 – 17:00 Ekitaldi ofiziala

17:00 – 19:30 1. Ardatza “Gizarte-zerbitzuen sistema publikoa toki-administrazioaren erreformaren

aurrean”

Ostirala, ekainak 13

09:30 – 10:30 2. Ardatza: “Gizarte-politika berriek gizartegintzan duten eragina”

10:30 – 11:30 3. Ardatza: “Politika berriek herritarrengan duten eragina”

11:30 – 12:00 Atsedenaldia

12:00 – 14:00 Gizarte-zerbitzuen foro soziala

16:00 – 17:00 4. ardatza: “Oinarrizko ildoak gizarte-zerbitzuen sistema publikoaren eredu berrirako”

17:00 – 18:00 2 ardatzak lan-taldeetan

18:00 – 19:00 3 ardatzak lan-taldeetan

LANEKO AFARIA

Larunbata, ekainak 14

09:30 – 11:30 4 ardatzak lan-taldeetan

11:30 – 12:00 Atsedenaldia

12:00 – 13:30 Ardatzen azterketa dokumentuaren aurkezpena

13:30 – 14:00 Amaiera

Kartela deskargatu

Hartzaileak:

Jardunaldiak hurrengo hartzaileei zuzenduta daude:

Gizarte Laneko profesionalei eta ikasleei.
Beste profesional batzuei, hain zuzen ere gizarte-babeserako sistemetan (gizarte-zerbitzuak, hezkuntza, osasuna, menpekotasuna, justizia) eta gizartegintzan (emakumeak, adin txikikoak, etorkinak…) dihardutenei.
Administrazio publikoko sailetako arduradun politikoei.
Herritarrei, sindikatuei, gizarte-ekimeneko entitateei, elkarteei, fundazioei eta GKEei.

29.04.2014 Berriak

Jardunaldia: “Herritarren zahartzea eta bide segurtasuna”

Erakundeen arteko lankidetza sortu da jardunaldi hau, Eusko Jaurlaritzako Segurtasun Sailak antolatua, Bizkaiko Foru Aldundiaren Gizarte Ekintzako Sailarekin lankidetzan datorren maiatzaren 8an Bilboko Euskalduna Jauregian. Udalak gonbidatzen dira konponbideetako baterako bilaketa bultzatzeko jardunaldi honetan parte hartzera.

Herritarren zahartzea gero eta ageriago dagoen errealitatea da, eta Administrazio guztiak hainbat ikuspegitatik eta arlotatik ari dira lantzen gaia, helburu argi batekin: gure adinekoen ongizatea bermatzea.
Arlo honetan berebiziko garrantzia du bideetako erabiltzaileak adinean gero eta aurrerago daudela azpimarratzea, ez soilik oinezkoak, baita auto gidariak ere, eta horrek eragina du ezbehar eta istripu kopuruetan.

Ertzaintzak emandako datuen arabera, 2013an, 64 urtetik gorako 809 gidarik zirkulazio istripuren bat izan zuten Euskadin. Eta, guztira, trafiko istripuetan hildako 56 pertsonen artean, 17 pertsona 64 urtetik gorakoak ziren.

Egitaraua eta informazio gehiago: http://seguridadvialeuskadi.com/index.php?idpagina=1&idioma=ale

PROGRAMA LABURRA

9:15 – 9:30: Agintaritzek egindako aurkezpena.

9:30 – 10:00: 64 urtetik gorako pertsonen istripu kopurua. Egoera, Euskadin.

10:00 – 10:30: Gerontologia eta gidatzea, Europan.

10:30 – 11:00 Adineko pertsonei eta bide segurtasunari buruzko azterlana.

11:00 – 11:30: Etenaldia.

11.30 – 12:00: Ezbehar kopurua murrizteko erronka berriak.

12:00 – 12:30: Bide istripuen prebentzioa, adineko pertsonengan.

12.30 – 13:45: Mahai ingurua: Bide segurtasunari begira, zer ondorio dakartza geroz eta urte gehiago bizitzeak? Esperientziak.

13:45: Agurra eta amaiera.

Izena ematea

Herritarren Zahartzea eta Bide Segurtasuna jardunaldirako inskripzioa dohainik da, eta inprimaki hau bete behar da horretarako.
http://seguridadvialeuskadi.com/index.php?idpagina=3&idioma=ale

16.04.2014 Ingurumena

Jardunaldiak: Aukera energetikoak eraikin publikoetan: Biomasa

EUDEL eta IVAPen arteko lankidetzako akordio-markuan, eta HAZI, Eusko Jaurlaritzako Garapen Ekonomiko Saila eta EVEren partaidetzarekin, ondoren aipatzen diren jardunaldiak antolatu dira: “Aukera energetikoak eraikin publikoetan: Biomasa”

Programa
Deskargatu

Jardunaldiak, lurralde historikoko udaletan arduradun politikoei eta teknikariei daude zuzenduak, eta bertaratuek ez dute ezer ordaindu beharko, dohainik da.

Lurralde bakoitzean ikastaroaren edizio bat burutuko da, eta honenbestez, aukera eman nahi dizugu batera edo bestera joateko. Jardunaldiak ondorengo lurralde eta egunetan izango dira:

Araba: Maiatzak 9
Gipuzkoa: Maiatzak 23
Bizkaia: Ekainak 6

Lurralde bakoitzari dagokion gonbidapena

Izen ematea

Jardunaldiaren hiru edizioetarako batera bertaratzeko asmoa baduzu, mesedez bidali eskaera, garbi adieraziz zeinetara etorriko zaren, maiatzak 6a baino lehenago. Helbide elektroniko honetara bidali beharko duzu eskaera:

miriam-berasategi@ivap.es

Argibideren bat behar baduzu, harremanetan jarri telefono zenbaki honetan: 945 017 653

Berriak

Azken berriak