Gipuzkoako udalerriek aurreikusitakoa baino 20 milioi euro gehiago jasoko dituzte. Bilera otsailaren 16an egin da, Donostian, eta bertan eman da 2022 urteko Udalen Finantzaketarako Foru Funtsaren likidazioaren berri.
Gipuzkoako udalerriek 588.224.790 euro jasoko dituzte 2022 urteko Udalen Finantzaketarako Foru Funtsetik (UFFF), erakunde hauek finantzaketarako duten diru iturri nagusia. Hau da, pasa den urtean baino 6 milioi euro gehiago eta aurrekontuan jasotakoa baino 20 milioi euro gehiago dira. Ondorioz, lurraldeko udalek UFFFaren hurrengo ordainketan jasoko dituzte aipatutako 20 milioi euro gehigarri hauek.
Bileraren helburua Gasteizen egin zen Herri-dirubideen Euskal Kontseiluan hartu ziren erabakien berri ematea izan da, tartean 2022 urteko UFFFaren likidazioa. Topaketan parte hartu dute, Gipuzkoako udalerrien ordezkatzen, parte hartu dute Ane Beitia Elgoibarko alkateak; Izaro Elorza Oñatiko alkateak; Jon Iraola Eibarko alkateak; Gurutze Etxezabal Orexako alkateak; Kerman Orbegozo Donostiako Udaleko Ogasun eta Finantza zinegotzi ordezkariak; eta Mar Zabala, EUDELeko zuzendari nagusia.
Foru Aldundiaren aldetik, parte hartu dute Jokin Perona, Ogasun eta Finantzetako foru diputatua; Rafaela Romero, Mugikortasuna eta Lurralde Antolaketako foru diputatua; eta Bittori Zabala, Zerga eta Finantza Politiketako zuzendariak.
2022ko UFFFaren likidaziotik eratorritako baliabide gehigarriaren banaketaren harira, lurraldeko udalerri nagusiak honako zenbateko hauek jasoko dituzte: Donostiak aurrekontuan aurreikusitakoa baino 5,4 milioi euro gehiago; Irunen kasuan, 1,7 milioi euro gehiago; Errenteriak, bere aldetik, 1,1 milioi euro gehiago; Eibarrek 745.000 euro gehiago; Zarautzek 619.000 euro gehiago; Arrasatek 591.000 euro gehiago; Hernanik 547.000 milioi euro gehiago; eta, azkenik, Tolosak, 530.000 euro gehigarri.