Tokiko Administrazioaren arrazionalizazio eta iraunkortasunari buruzko Legearen Proiektua.
Ganberako Mahaiak gaur 2013ko irailaren 6an egindako bileran aipatutako gaiari buruzko hurrengo erabakia hartu du.
Lege Proiektua.
Egilea: Gobernua. Diputatuen Kongresua. X. Legegintzaldia.
Tokiko Administrazioaren arrazionalizazio eta iraunkortasunari buruzko Legearen Proiektua.
Erabakia:
Araudiko 148. artikuluaren arabera Ogasun eta Herri Administrazioen Batzordeari, eskumen legegile osoz, hura onartzeko agintzea. Halaber, Gorte Nagusien Aldizkari Ofizialean hura argitaratzea. Horrekin batera, hamabost laneguneko epea ezarri da emendakinak aurkezteko eta 2013ko irailaren 24an amaituko da.
Erabaki hori gauzatzeko, hura argitaratzea agindu da, Ganbarako Araudiaren 97. artikuluan xedatutakoaren arabera.
Diputatuen Kongresuko Jauregian, 2013ko irailaren 3an.
P.D. Diputatuen Kongresuko Idazkari Nagusia, Manuel Alba Navarro.
Azken bosgarren xedapena. Indarrean hasteko eguna.
Honako lege hau «Estatuaren Aldizkari Ofizialean» (BOE) argitaratu ondorengo egunean indarrean hasiko da.
Euskadiko hamar udalerritan herritarrentzako bide-segurtasunari buruzko prestakuntza eskainiko duen autobus-zerbitzua egongo da. EUDELek Eusko Jaurlaritzaren Trafiko Zuzendaritzaren honako ekimen honetan parte hartu du, 2011tik antolatzen ibili diren informazio-kanpainen barruan.
2013ko abendura arte, udalek aukeratutako datan bisita bakarra egingo dute autobusek, bide-segurtasunari buruzko materiala eman eta informazioa zabaltzeko xedez. Autobusetan ordenagailuak eta herritar guztientzako jokoak egongo dira.
Honako zerbitzu hau jaso nahi duten udalerriak koordinatzeaz arduratuko da EUDEL. Haren bidez, istripuak eta haren ondorioak murrizteko estrategiak edo ohiturak sustatzen dira.
Egoitza Madrilen duen Herriaren Defendatzailearen jakinarazpena jaso du EUDELek, eta, bertan, Ingurumen eta Hirigintza Sailaren bitartez, udalei zuzendutako gomendio orokorraren berri ematen da, hasieran onartutako erregelamenduko arau orokorren testu osoak (ordenantzak, araudiak, aurrekontuak eta hirigintza planak) argitara ditzaten euren webgune instituzionaletan, “herritarrek modu errazagoan kontsultatu ahal izan ditzaten, agiriok jendaurrean jartzeko epeak irauten duen bitartean. Modu horretan, ez dute udal egoitzara berariaz joan beharrik izango”.
Defendatzaileak dio, webguneetan arau orokorrak ediktuen tauletan bezala argitaratuz gero, “arreta hobea emango zitzaiela interesdunen informazio-eskariei, eta interesdunek modu errazagoan, azkarragoan eta hara joan beharrik gabe eta ordutegirik gabe ezagutu ahal izango zituzten testu horiek. Ondorioz, gehiago parte hartu ahal izango lukete toki esparruko gai publikoetan”.