- Eguna: 2019ko urriaren 3a, osteguna
- Ordutegia: 10:00-12:00
- Lekua: Ondare aretoa, Foru Artxibategia (María Díaz Harokoa kalea 11, Bilbo)
Gai-zerrenda:
I. 7/2019 Legea, Euskal Autonomia Erkidegoko Poliziari buruzko Legearen bosgarren aldaketarena: berritasun nagusiak
II. 4. hautaketa prozesu bateratuaren aurkezpena:
- Udaltzainen kidegoetan sartzeko hautaketa prozeduraren deialdia egiteko agindua
- Hautaketa prozeduraren oinarrien proposamena
- Prozesuaren kronograma
Hartzaileak:
politikariak eta teknikariak (alkateak edo/eta zinegotziak, idazkariak, Giza Baliabideak, Funtzio Publikoa, Segurtasuna/Udaltzaingoa sailak, etab.).
Parte-hartzaileak:
Eusko Jaurlaritzaren aldetik, Malentxo Arruabarrena, Polizia eta Larrialdietako Akademiaren zuzendari nagusia, Rodrigo Gartzia, Segurtasun Koordinazioko zuzendaria, Eugenio Artetxe, Segurtasun Saileko Araubide Juridikoaren zuzendaria, eta Josu González, Polizia eta Larrialdietako Akademiaren beraren Langileak eta Araubide Juridikoa kudeatzako Arloko burua.
• TESTUINGURUA
2019an, berritasun ugari egon dira udaltzainen alorreko arauei dagokienez. Urtarrilean Udaltzainei erretiro-adina murrizteko koefizientea ezartzeko Errege Lege-dekretua indarrean sartu ondoren, uztailaren 9an, Euskal Autonomia Erkidegoko Poliziari buruzko Legearen bosgarren aldaketaren 7/2019 Legea sartu zen indarrean.
Agertoki berri horretan, ezinbestekoa da behar bezala antolatzea dauden giza baliabideak eta ahalik eta gehien bizkortzea langileak ordeztearena, dagozkion enplegu publikoko eskaintzak eginez, hala gure udaletako plantillak egonkortuko baitira –desiragarria da–, etorkizuneko behar eta erronkei aurre egiteko.
Ildo horretan, hautaketa prozesu bateratuak tresna oso erabilgarriak izan daitezke hautaketaren alorrean, azken urteetan ikusi ahal izan den moduan. Hala nahi duten udalek era boluntarioan aukera horrekin bat egin dezakete, enplegu publikoaren esparruko xedeak betetzeko.
Sor litezkeen zalantzak argitzeko eta EUDELen eta Eusko Jaurlaritzaren Lankidetza-hitzarmenaren barruan, gonbidatuta zaude 4. hautaketa prozesu bateratuaren aurkezpenera; hori izango da egingo den lehena Euskal Autonomia Erkidegoko Poliziari buruzko Legearen bosgarren aldaketaren 7/2019 Legea indarrean sartu zenetik.