Aurtengo edizioa, Lasarte-Orian apirilaren 21 eta 22an egingo dena, zortzigarrena da. Izen-ematea zabalik da apirilaren 15era arte. Udaltopek Lasarte-Oriako Udalak, Gipuzkoako Foru Aldundiak eta Eusko Jaurlaritzako Hezkuntza, Hizkuntza Politika eta Kultura Sailak antolatzen dute, EUDELen, Euskarabidearen eta Uemaren laguntzarekin.
Kirola D ereduan, noizko? Nork eta zer egin genezake gazteen euskarazko kirol jarduna ziurtatzeko? Horixe Udaltop Udaletako Euskara Zerbitzuen Topaketak zortzigarren ediziorako aukeratu duen gaia. Hain zuzen, 8-16 urte artekoen kirola izango da hizpide: antolamendua, araubidea, eskola kirola, kirola eskolak, praktika onak edota etorkizunerako erronkak. Hitzordua Lasarte-Oriako Manuel Lekuona kultur etxean izango da, apirilaren 21ean eta 22an.
Izen-ematea dagoeneko zabalik da. Matrikulazioa www.udaltop.eus webgunean egin behar da, izen-ematea atalean. Prezioa 65 € da, eta izen ematea apirilaren 15ean itxiko da. Prezio horren barruan sartzen dira: jardunaldien saioetako partaide izateko eskubidea, hasieran banatuk oden materiala, bi egunetako aho-gozagarriak eta osteguneko bazkaria.
Informazio gehiago:
EUDELeko elkarteburua Donostian izan da terrorismoaren biktimen omenez egindako ekitaldi instituzionalean
EUDELeko elkarteburua, Imanol Landak Donostian terrorismoaren biktimen omenez egindako ekitaldi instituzionalean hartu du parte. Lehendakaria izan da buru Terrorismoaren Biktimen Europako Egunarekin lotutako ekitaldi horretan. “Haien hutsunea etorkizuna eraikitzeko funtsezkoa da” lemaren pean, 10 minutuko isilaldia egin da.
Ekitaldiak bi helburu zituen. Batetik, alde batetik, terrorismoaren biktima guztiak oroitzea eta horiei elkartasuna adieraztea, jasandako sufrimendu bidegabea errekonozituz. Bestetik, biktimen eta gizartearen arteko elkartzea sustatzea, iraganaren gaineko ikuspegi kritikoaz eta etorkizunaren gaineko ikuspegi itxaropentsuaz.
Informazio gehiago: