Bizkaiko Foru Aldundiaren Gobernu Kontseiluak 2016ko martxoaren 8an Foru Arauaren honako proiektuak onartu ditu (zirkular honi atxikita doaz):
- Ondasun higiezinen gaineko Zergaren Foru Arauari buruzko proiektua.
- Bizkaiko Lurralde Historikoko Ondasun Higiezinen Foru Katastroaren Foru Arauari buruzko proiektua.
Ondorioz, indarrean sartutakoan, indargabeturik geratuko da Ondasun Higiezinen Zergari buruzko ekainaren 30eko 1989/9 Foru Araua, orain OHZri eta Ondasun Higiezinen Foru Katastroari dagozkien xehetasunak arautzen dituena.
Joan den 2015eko azaroaren 30eko informazio-bileran hartutako konpromisoaren jarraipen gisa, eta Lurralde Historikoko landa- eta hiri-lurreko ondasun higiezinen katastro-berrikuspenaren prozesuari dagokionez, EUDELeko Bizkaiko Lurralde Batzordeak, 2016ko martxoaren 17an eginiko bileran, udal guztiei beherago datorren oharra bidaltzea erabaki du.
