2. SAIOA: «Tokiko gobernantza egokia: etika, gardentasuna, parte-hartzea eta elkarlana udaletan».
Hizlaria: Rafael Jimenez. Katedraduna. Pompeu Fabra Unibertsitatea.
—————
1. SAIOA: «Arau-esparru berria, instituzionala eta testuingurukoa,non gaitasun nazionaleko funtzionarioek beren zereginak gauzatuko baitituzte Euskadiko udaletan. Mugak eta erronkak».
Hizlaria: Jesus Colás. Zaragozako Diputazioko ofizial nagusia.
—————
- Erakundeen arteko programa honek nesken ahalduntzea eta mutilen erantzunkizun eta interpelazioa bultzatzea bilatzen du
- Bere helburu nagusia gazteria jai-giroetan ematen diren eraso sexisten kontra inplikatzea da
Beldur Barik programak 2015 urte honetan hurrengo ekimena martxan jarri du: Beldur Barik Guneak: Eraso sexisten aurkako 2015ko kanpaina. Kanpaina honen helburua festa eta aisialdi esparruetan indarkeria sexista saihestea da, eta 2009an jaio eta Emakunde eta Eudelek bultzatutako indarkeria sexista sahiesteko urteroko programa baten barruan kokatzen da, Berdinsarea Berdintasunaren aldeko eta Emakumeenganako Indarkeriaren aurkako Euskadiko Udalen Sarearen esparruan. Gaur egun, Emakunderen bultzada eta Araba, Bizkaia eta Gipuzkoako Foru Aldundi eta EUDELen babesa eta finantzaketarekin garatzen den programa da. Gainera, Eusko Jaurlaritzako Hezkuntza, Hizkuntza Politika eta Kultura Saila, Euskal Herriko Unibertsitatea (UPV/EHU) eta EITBren laguntzaileak ditu.
Aurten, Beldur Barik ikusentzutezko lehiaketa (irailaren 11an hasiera emango zaiona) eta Beldur Barik Topaketarekin batera (Azaroaren 28an Amurrion ospatuko dena), berritasun bezala udalerri ezberdinetan jaien inguruan Beldur Barik Gunea esparruen sorkuntza proposamena luzatzen da. Ekimen honen sorrera, jai eta aisialdi esparruetan zentratuta, gazteria indarkeria matxistaren kontrako konpromisua hartzeko beharrean dago, beti errespetuan, berdintasunean eta autonomia jokabide eta jarrerak bultzatuz. Beldur Barik Guneko helburua arazo hau saihesteko nesken ahalduntze jarrera bat garatzea eta mutilen erantzunkizun eta interpelazioa bultzatzea da.
Horretarako, jaietan gazteen artean banatzeko material ezberdina diseinatu da (erasoak saihesteko gida, pegatinak, txapak…), jai esparruetarako musika eta kuña iradokizunak, eta neska eta mutilentzako tailerrak. Sentsibilizazio eta jaietan ematen diren eraso sexisten aurrean erramintak luzatzeko.
Bilbon, 2015eko uztailak 7. EUDELek Batzar Orokorrerako deia egiten die Euskal Udalen alkateei. Batzarra egingo da irailaren 16an, asteazkena, 10:00etatik aurrera, Durangon(Landako gunea), eta bertan euskal udalak egongo dira ordezkatuta eta, halaber, EUDELeko gobernu-organo gorenetako kideak aukeratuko dira: Batzorde Eragilea (udalen 15 ordezkarirekin, Elkarteburua barne) eta hiru Lurralde Batzordeak (9na ordezkarirekin).
Dei-egile ofiziala da 2011tik pasa den astera arte Euskal Udalen ordezkari gorenaren funtzioetan jardun dena, Ibone Bengoetxea, zeinak Elkarteburu izateari utziko dion, behin burututa bere izendapena, hots, Bizkaiko Foru Aldundiaren Herri Administraziorako eta Erakunde Harremanetarako Sailaren foru diputatua (BAO 126 zk., 15/07/03).
Irungo Alkate eta EUDELeko Lehen Elkarteburuorde José Antonio Santano izango da jarduneko Elkarteburuaren zereginak bere gain hartuko dituena, harik eta irailean Batzorde Eragile berria osatzen den arte.
Eusko Jaurlaritzak zabaldu du Euskal Autonomia Erkidegoko itsasertzeko zonaldeak sustatu eta garatzeko laguntzen deialdiari buruzko agindua (Itsaspen programa). Laguntzak 2015-16 urteetan gauzatuko dira, eta 2,3 milioi euro bideratuko dira laguntza horietara.
Besteak beste, hauek finantzatzeko erabiliko dira laguntzak: oinarrizko zerbitzuen ezarpena, ondarearen zaintza, turismo ekimenak sortzea, enpresak modernizatzea, dibertsifikazio ekonomikoa eta autoenplegua. Horrela, legegintzaldian Ekonomiaren Garapen eta Lehiakortasun Saileko lehentasunezkoak diren helburuetako bat lortzeko bidean aurrera egiten da, lehen sektorea modernizatu eta bizi kalitatea hobetzeko helburua lortzeko bidean, alegia.
Eskaerak egiteko epea uztailaren 27an amaituko da. Laguntza hauei buruzko informazio guztia hemen duzu eskuragarri:
Europak Euskadiko udalen esku utzi du berdintasunerako tokiko politiketako lidergoa
- Izendapena CMRE-ko Zuzendaritza Batzordeak egin du ofizial, ostegunean eta ostiralean Munichen egindako bileran. Bertan, hain zuzen ere, Euskadiko Udalen Elkarteko elkarteburuak parte hartu du.
- Ibone Bengoetxeak gustura hartu du albistea, eta oso pozik dagoela adierazi du, Euskadiko udalek eta herritarrek egindako lanaren eta ibilbidearen bermea dela uste duelako. Aldi berean, Euskadiko instituzio guztiek emakume eta gizonen berdintasunaren alde garatutako lankidetza ere aitortu dute horrela: “Elkarrekin lan egin dugu, Euskadi berdintasunerako politika publikoetako erreferentea izan dadin”.
Bilbon, 2015eko ekainaren 26an. Europako Udalen eta Eskualdeen Kontseiluak (CMRE) EUDELen esku utzi du bertako Berdintasuneko Lantaldeko presidentetza (Standing Committee for Equality). Hain zuzen ere, herrialde kideetako berdintasunerako tokiko politikak koordinatzen dituen organo gorena da.
Gaur egun, Galdakaoko alkatea, Ibon Uribe, EUDELeko Batzorde Eragileak dimentsio guztietako berdintasunerako daukan ordezkaria dela kontuan hartuta, lantaldeko presidentetza hartuko du bere ardurapean.
Gaur goizean, izendapena modu ofizialean jakinarazi da Munichen, CMRE-ko Zuzendaritza Batzordeak ekainaren 25ean eta 26an Alemaniako hiri horretako Komunitate Juduaren Zentro sinbolikoan egindako urteko bileran. Ibone Bengoetxea Europako tokiko gobernuetako emakume eta gizon liderren arteko goi mailako topaketara joan da, Euskadiko udalen ordezkari gisa.
Bengoetxeak Euskadiko maila askotako gobernantza-eredua balioetsi du, baita Europa mailako lanerako tresna gisa daukan ahalmena ere. “Emakume eta gizonen berdintasuna lehentasuna da garapen globalari begira. Aurrera egiten jarraitzeko, zenbait herrialdek partekatutako estrategiak eta aliantzak ere aplikatu beharko ditugu”.
Euskadi-Suedia
Hurrengo bi urteetan, 2017. urtearen amaierara arte, Euskadiko Udalen Elkarteak presidentetza izango du bere ardurapean, berdintasunaren arloan berarekin lankidetza-harreman ezin hobea daukan elkarte suediarrak lekukoa eman ostean. Europako Iparraldeko herrialdeak aurreratuenetakoak dira berdintasunaren arloan, eta Euskadiko udalek Europako Iparraldeko eredurantz begiratu dute betidanik.
INFORMAZIO GEHIAGO:
www.eudel.eus/eu/areas/igualdad
www.eudel.eus/eu/areas/igualdad
EUDELek 2015-2019 legealdi berriko alkate eta zinegotzien zerrenda argitaratu du www.eudel.eus/herririkherri bere webgunean.
Era berean, Elkartea ‘Euskal Udalen Tokiko Direktorioa’ liburuaren edizio berria lantzen ari da, eta berorrek udalekin harremanetan jartzeko datu eguneratuak eskainiko ditu (web, posta elektronikoa, telefonoa, faxa, e.a.).
Laster argitalpen horrexeri buruzko informazio gehiago emango dugu.
Durangon, 2015eko ekainaren 22an. Durangoko Landakogunean, agintaldi berriko ia 300 alkate eta zinegotzi elkartu dira, Euskadiko Udalen Elkarteak deituta. Euskadiko Tokiko Gobernuen lehenengo topaketa izan da, EUDELen Batzar Eratzailearen aurretik. Hain zuzen ere, ziurrenik, Batzar Eratzailea uda ostean egingo da, Batzorde Eragile berria eta Lurralde Batzordeak aukeratzeko.
JARDUNALDIKO HITZALDIAK
Harrera eskuliburua: “Udal politika berriaren ardatzak”
Rafael Jiménez Asensio
Udal Gobernuaren testuingurua araudiari eta arlo ekonomiko-finantzarioari dagokienez
Sebastián Zurutuza
Agintaldiaren hasiera: Gobernatzeko gakoak
Enrique Sacanell
Euskadiko udalen ordezkariak tokiko gobernu berriak osatzen dituzten pertsona guztiei helarazi die EUDELek egiten duen lanaren gaineko babesa eta laguntza. Agintaldiaren hasieran, Udalbatzak berritu egiten dira, eta, beraz, garrantzi handiko unea da; hori horrela, EUDELen elkarteburuak beharrezkoak diren adostasunak eskatu ditu berriz ere, Udal Legea onartzeko; izan ere, arau horren bitartez, udalek “ziurtasun handiagoak izango dituzte eguneroko lanean”.
Jardunaldian, herri administrazioari eta udal politikari buruzko aditu batzuek ere hartu dute parte, eta azken lau legegintzaldi-urteei buruz duten ikuspegia eman dute. 2011-2015 denbora-tartean, Tokiko erakundeek araudi-aldaketa handiak izan dituzte: hortxe daude, esate baterako, Aurrekontu Egonkortasunerako eta Iraunkortasun Finantzariorako Legea, eta Tokiko Administrazioaren Arrazionalizazio Legea (tokiko erreforma); azken horri dagokionez, EAErako egin den moldaketan, efekturik sakonenak foru arauen bitartez leundu dira.
Bakoitzaren neurrira eskainitako prestakuntza
Urrian eta azaroan emango den Prestakuntza Programa berriaren bitartez, EUDELek zenbait tresna eskaini nahi dizkie hautetsi berriei, lagungarriak izango zaizkielakoan 2015-2019 agintaldiko gobernu-zereginen garapenean.
2015eko udazkeneko prestakuntza beharrei buruzko galde-sorta
Programa presentziala osatzeko, udal kudeaketarako material eta tresna praktikoak ere eskainiko dira, bai eta laguntzarako dokumentu birtualak ere.
Harrerako Gidaliburua: 2015-2019 Tokiko Politika berriaren ardatzak”
EUDELek argitaratutako Harrerako Gidaliburua udalbatza berrietako kideei dago zuzenduta, bai gobernu-lanetan daudenei zein oposiziokoei. Gidak agintaldi honetako tokiko politikaren ardatz estrategikoei buruzko oinarrizko kontzeptuak, informazio interesgarria eta gomendioak jasotzen ditu: iraunkortasun ekonomiko-finantzarioa eta eraginkortasuna, berrikuntza eta kudeaketa aurreratua, Gobernu ona, gardentasuna, parte-hartzea eta berdintasuna, besteak beste.
Gidaliburuko hasierako kapituluak lan politikorako funtsezkoak diren gaitasunak eta trebetasunak sendotzen ditu; ezaugarri horien artean daude, esate baterako, lidergoa, komunikazioa eta negoziazioa. Era berean, antolakuntza-arloko beste gai batzuk ere jasotzen dira bertan; adibidez, pertsonen zuzendaritza edo politikaren eta kudeaketaren lerrokatzea.
*EUDELen Harrerako Gidaliburua 2015-2019: http://www.eudel.eus/web/docum/manualacogida/Harrera_eskuliburuaEUDEL2015_2019.pdf