Hona hemen 2013ko Udal Berrikuntzako Agendak sustatzeko prozesuari buruzko ebaluazioaren emaitzak eta ondorioak dakartzan txostena.
Analisia aberasteko, aztertutako alderdi ugari 2009-2013 aldian sustatutako Berrikuntzako 41 Agendenekin alderatu dira, besteak beste, Udalarenak.
Udal berrikuntzarako agenda burutzen ari diren udalerrietako bizilagunei emandako zerbitzuak eguneratzeko eta hobetzeko konpromisoa eta lana aitortu nahi ditu EUDELek. Ildo horretan, EUDELek bide horretan sakontzeko asmo irmoa berretsi nahi du.
Jarraian, 2013ko txostenaren ondorio nagusietako hamar aurreratzen dira:
- 2013an lagundutako 8 Agendetan 35 proiektu gehitu dira, hau da, 4,4 proiektu Agenda bakoitzeko.
- Kudeaketa-sistematikak ezartzea xede duten proiektuak dira bereizgarrienak (11 proiektu), eta ondotik datoz prozesuen sinplifikazioa eta kudeaketa helburu dutenak (10 proiektu) eta herritarrentzako arretan aurrera egin nahi dutenak (4 proiektua).
- Agenden osaketak argi utzi du, parte hartu duten udalen interesgune nagusia antolakuntza indartzea dela.
- 122 pertsonaren parte-hartzea sustatu zuten; horietatik 21ek profil politikoa dute, 99k profil teknikoa eta 2 pertsonak zerbitzuak ematen dituzte sozietate publikoetan.
- Agenda bakoitzean 15 pertsonak parte hartu dute
- Prozesuaren iraupena (3 hilabete) gehienbat laburtzat jo da.
- Aurreikuspenen betetze-maila handia izan da. Parte hartu duten udalen %100ak erabilgarri deritzote garatutako TBAri eta beste udalei ere gomendatuko liekete.
- Partaidetza politiko eta teknikoa tarteko duten lankidetzazko lan-esparruak garatzea.
- Udalen %60k Agenda Udalbatzarraren aurrean aurkeztuko dute; gainontzeko %40ek Informazio Batzordearen aurrean.
- Ekarpen esanguratsuenak: “Sailen arteko harremana hobetzea”; “Proiektu egingarrien zehaztapena”; “Lan-prozesua epe luzeagora zehaztea”; “Aldatu beharraren pertzepzioa handitzea”.
Europako Udalerri eta Eskualdeen Kontseilua (CMRE) toki eta eskualde mailako administrazioen elkarterik antzinakoena eta handiena da Europan. 41 herrialdetako toki eta eskualde mailako agintarien elkarte nazionalak biltzen dituen erakunde bakarra da, eta, horien bitartez, lurralde-maila guztiak ordezkatzen ditu: tokikoa, bitartekoa eta eskualdekoa.
1951n sortu zenetik, CMREk Europa batuagoa, baketsuagoa eta demokratikoagoa eraiki nahi du, tokiko autogobernuan oinarrituta eta subsidiariotasun printzipioa zein herritarren partaidetza errespetatuta.
“Europako Parlamentuko kideak herritarrek aukeratzen dituzte zuzenean, eta instituzio hori da, hain zuzen ere, Europar Batasunean hala jokatzen duen bakarra. Europako Parlamentuak onartzen dituen zuzentarauen %70 inguru toki eta eskualde mailan aplikatzen dira, eta herritarrentzat funtsezkoak diren esfera politiko eta zerbitzu ugaritan izaten dute eragina. Beraz, 2014ko hauteskundeak aukera aparta dira Europaren etorkizunari buruzko eztabaida publikoa sustatzeko gobernu-esferen eta herritarren artean.”
Annemarie Jorritsma Almereko alkatea, CMREko presidentea
CMREren kide diren 57 sekzio eta elkartetako ordezkari hautetsiek aho batez onartu zuten manifestu hau Pragan, 2013ko abenduaren 3an.
9 mezu Europa biziberritzeko
- Gazteen enpleguari lehentasuna ematen jarraitzea. Manifestuko 1. puntua, 11. orrialdea.
- Egiturazko funtsen betearazpena zaintzea, lurraldearen kohesioa hobetzeko, batez ere elkartze-printzipioa eta Jarrera Kodea aplikatuz. Manifestuko 2. puntua, 13. orrialdea.
- Araudi arin eta sinpleagoari lehentasuna ematea. Sarrera, 9. orrialdea.
- Subsidiariotasun eta proportzionaltasun printzipioak errespetatzea. Manifestuko 3. puntua, 14. orrialdea.
- 2030. urtea baino lehen, energia berriztagarriak eta eraginkortasun energetikoa garatzeko eta berotegi-efektuko gasen isurketak murrizteko helburu handinahiak finkatzea. Manifestuko 4. puntua, 16. orrialdea.
- Europa Programaren aurrekontua herritarrekin handitzea, Europar Batasuneko herritarren jabekuntza sustatzeko asmoz. Manifestuko 5, 6 eta 7. puntuak; 18, 20 eta 21. orrialdeak.
- Europar Batasunaren zilegitasun demokratikoa eta integrazio handiagoa defendatzea, eta Europar Batasuneko Oinarrizko Legea idazteko hitzarmena proposatzea. Manifestuko 8. puntua, 22. orrialdea.
- Europar Batasunaren zabalkundea babestea eta negoziazio-prozesuan toki eta eskualde mailako agintari guztien inplikazio handiagoa sustatzea. Manifestuko 9. puntua, 23. orrialdea.
- Ikuspuntu integratu eta globalak ahalbidetzea. Manifestuko 10. puntua, 24. orrialdea.
- Bideoa ingelesez eta frantsesez
- Manifestua, PDF formatuan: frantsesez, ingelesez eta gaztelaniaz
- Twitter, #myEUvoice hashtag-arekin
- Frédéric Vallier gure idazkari nagusiarekin izandako elkarrizketa, ingelesez eta frantsesez
- Manifestuari eskainitako orrialdea, webgunean: ingelesez eta frantsesez
Otsailaren 27an, gaixotasun arraroen Nazioarteko Eguna ospatzearekin batera, Eusko Legebiltzarrak aho batez bat egin zuen EAEko FEDERrekin (Gaixotasun Arraroak Jotakoen Federazioarekin) lan egiteko konpromisoa berresten duen adierazpen instituzionalarekin.
Eusko Legebiltzarreko Adierazpen instituzionaletik ateratako konpromisoa:
“Eusko Legebiltzarrak bere babesa adierazten die eragindako pertsona guztiei eta Federri Gaixotasun Arraroen Munduko Egunean, eta inplikatu egiten da 2014. urte honetarako 14 proposamenen bidez planteatu diren helburuak lortzeko, oso ohikoa ez den gaixotasunen batek eragindako pertsonen osasun- eta gizarte-eskubideen babesari eutsiz.”
EAEko FEDERek egindako lana sustatzeko asmoz, EUDELeko Batzorde Eragileak 2014ko martxoaren 20an egindako bileran aipatu Adierazpenarekin bat egiteko eta Euskadiko Udalen artean zabaltzeko erabakia hartu zuen. Hala, udal gobernuek haren berri eduki eta aintzat hartzeko aukera izango dute, betiere udal autonomiari zor zaion begirune osoa gordeta.
EAEko FEDERen lana
FEDERen webgune ofizialaren informazioa: www.federpaisvasco.org
EAEko FEDER Gaixotasun Arraroen Federazioaren ordezkaritza da. Federazio horren xedea Gaixotasun Arraroen garrantzia eta herritarrengan duten eragina erakustea da, eragindako pertsonak eta haien familiak gizarteratzeko asmoz. Hala, Euskadin duten bizi-kalitatea hobetuko da.
Ez ohiko gaixotasunak 10.000 herritarretik 5engan baino gutxiagorengan eragina dutenak dira. Eusko Jaurlaritzaren kalkuluen arabera, Euskadin, 40.000 lagun daude zuzenean eraginda eta 150.000 baino gehiago zeharka. EAEko FEDERek pertsona guzti horien alde lan egiten du, laguntza eta orientabidea, baliabide, prestazio eta laguntzei buruzko informazioa eta desgaitasunari lotutako gaiei buruzko orientabidea eskainita.