2014ko, martxoak 31, astelehena.
Eudelek Arabako Batzar Nagusietan agerraldia Toki Administrazioaren eta Finantzen Lurralde Kontseiluaren operatibitate eta efikaziarik ezaren aurrean
Ordua: 11.30
Lekua: Arabako Biltzar Nagusien egoitzan (Vicente Goikoetxea kalea 2) Gasteiz
Bilbon, 2014ko martxoaren 27an. EUDELek Euskadiko Udal Kontseiluaren laneko lehenengo bileran parte hartu du. Martxoaren 27an, ostegunean egin zuten, eta bertan herri-erakundeetako hiru mailak egon ziren (Gobernua, Foru Aldundiak eta euskal Udalak), etorkizuneko Euskadiko Udal Legea eta Tokiko Administrazioa Arrazionalizaziorako eta Iraunkortasunerako Legeak ekarriko dituen eraginak jorratzeko asmoz.
Lehendakaria bera topaketa honetan egon da. Bertan, Eusko Jaurlaritzak, Aldundiek eta EUDELek lan-talde murritzagoa osatzea adostu dute, Batzorde Eragileak koordinatuta, Kongresuan onartutako Legean zehaztutako berehalako erronkak argitzeko eta haiei erantzuteko asmoz. Bilera horren ostean, zazpi lagunez osatutako taldea eratuko da: Gobernuko kide bi, EUDELeko bi eta Foru Aldundi bakoitzeko bana.
Euskadiko Udalen Kontseilua EUDELek deitu du eta Udalen Elkartearen lehenengo bilera honetarako ordezkaritza anitza izendatu dute, Euskadiko udaletan dauden alderdi eta sentsibilitate guztietako ordezkariez osatuta.
EUDELen izenean Batzorde Eragileko hiru kideak egon ziren: Ibone Bengoetxea Lehendakaria, Jose Antonio Santano Lehenengo Lehendakariordea eta Irungo Alkatea eta Aitor Kerejeta Hondarribiako Alkatea. Gainera, Udalen izenean Manu Uriarte Vitoria-Gasteizko zinegotzia, Aitor Abecia, Zanbranako Alkatea eta Eneko Maioz, Orexako Alkatea egon ziren.
Lehenengo topaketa honetan izan zuten xedea Udal Legeari buruzko laneko lehentasunezko ardatzak aztertzea izan zen. Euskadiko udalek epe labur eta ertainean dituzten erronkak aztertu ziren, batik bat, Arrazionalizazio eta Finantza Iraunkortasunerako Legearen berehalako inpaktuen aurrean erantzunak bilatzea.
Euskal Udalen iritziz, Legea inoiz baino beharrezkoagoa da eta Tokiko Erreforma Euskadiko herri-erakundeen berezko esparruari eta bere berezitasunei egokitzeko aparteko aukera osatzen du. EUDELek inplikatu guztien mesedetarako araua lortzeko adostasunak landu ditu, betiere euskal herritar guztien onerako. Hiru lurralde daudenez gero, EUDELek irizpide bateratuak zehazteari egoki deritzo, gure herriaren partekatutako ikuspegi ordenatua helarazteko asmoz, ahalik eta hemogeneoa eta, gainera, tokiko autonomiaren nahiz lurralde bakoitzaren berezitasunen errespetuan.
Udal Legea herri-erakundeen arkitekturaren gailur gisa hartzeari dagokionez, EUDELeko ordezkariei beste herri-erakundeei euskal udalen hiru aldarrikapen historikoak helarazi dizkiete: eskumenen mugapen zehatza; horiek burutzeko finantzak nahikoak izatea eta udalerriek Finantzan Euskal Kontseiluan parte-hartze aktiboa edukitzea; eta, halaber herri-erakundeetako hiru mailen arteko harremana, koordinatzako organo berrien bitartez, esate baterako, Politika Publikoen Kontseilua.
Bileraren gai ordena
Herri-erakunde bakoitzeko joandakoak:
Euskadiko Udal Kontseilua hurrengoek osatzen dute: EUDELen izenean sei lagun; foru aldundien izenean sei lagun (lurralde bakoitzeko bi); eta Eusko Jaurlaritzako sei gehienez.
Organo hau 1994an sortu zen eta herri-erakundeen hiru mailen artean elkar topatzeko, adosteko eta laguntzeko kontsultarako gunea da.
2014an, Eudelek berritu egingo ditu Emakunderekin eta aldundiekin urtero sinatu ohi dituen lau lankidetza hitzarmenak. Hitzarmen horien bidez, udalerriei zuzendutako emakumeen eta gizonen arteko berdintasun politikei buruzko aholkularitza zerbitzuaren baitan programatutako ekintzak koordinatuko dira.
Arabako eta Bizkaiko udalerri txikiek laguntza espezifikoa jasoko dute aurrerantzean ere, ‘BERDINBIDEAN’ zerbitzuaren bidez. Foru aldundiek finantzatutako zerbitzua da, eta Emakundek hiru lurraldeetarako ematen dituen laguntzekin osatzen da haren finantzaketa.
EMAKUNDE-EMAKUMEAREN EUSKAL ERAKUNDEAREKIKO HITZARMENA
Emakunderekin sinatutako urteko bi hitzarmenak berritu dira, berdintasunaren alde eta emakumeenganako indarkeriaren kontra toki administrazioek bideratzen dituzten programak eta zerbitzuak sustatzeko.
Hitzarmen horren baitan, EUDELek 61.500 euroko ekarpena egingo du, idazkaritza teknikoaren gastuak estaltzeko, eta Emakundek, 52.400 eurokoa, programatutako jarduera eta proiektuak finantzatzeko. Lankidetza horren bidez, besteak beste, gazteen artean prebentzioa lantzeko Beldur Barik programa sustatuko da, bai eta tokiko emakume hautetsien Basqueskola eskola ere.
Emakunderekiko esparru hitzarmen horien baitan, halaber, EUDELen eta Arabako eta Bizkaiko foru aldundien arteko lankidetza ere definituko da, 5.000 biztanletik beherako udalerrien dinamizazio eta aholkularitzarako ‘BERDINBIDEAN’ zerbitzua garatzeko. 2014an, bestalde, bi herrialdeei dagozkien hitzarmenak ere berritu dira:
ARABAKO ETA BIZKAIKO BERDINBIDEAN HITZARMENAK
Bizkaiko Foru Aldundiaren Gizarte Ekintza Sailarekiko hitzarmena berritu da, udalerri txikiei zuzendutako emakumeen eta gizonen arteko berdintasun politiken esparruko aholkularitza eta laguntza zerbitzuaren kudeaketari jarraipena emateko. 60.000 euroko inbertsioa egingo da, hain zuzen ere, honako helburu hauek betetzeko:
Arabako Foru Aldundiaren Gizarte Zerbitzuen Sailarekiko hitzarmena, Arabako udalerri txikiei zuzendutako emakumeen eta gizonen arteko berdintasun politiken esparruko aholkularitza eta laguntza zerbitzuaren kudeaketari jarraipena emateko. Hauek izango dira hitzarmenaren xedeak: ekimenak abian jartzea, elkarlana sustatzea, eta koadrilen, udalen eta Aldundiaren arteko ekintzak koordinatzea eta esperientziak trukatzea.
2014ko plangintzak 30.000 euroko inbertsioa barne hartzen du, honako helburu hauek lortzeko:
