EUDEL-IVAP 2013ko Zeharkako Planaren prestakuntza-eskaintzaren osagarri gisa, hurrengo hiruhilekoan ingelesezko ahozko eta idatzizko gramatikako maila guztietako online ikastaroak eskainiko dira. Ikastaro bakoitzaren iraupena 4 hilabetekoa izango da eta tutoretzak barne hartzen ditu ikasteko prozesuaren jarraipen eta ebaluaziorako. Gainera, hitz egiteko eskola praktikoak egongo dira.
Niveles: Beginners, Lower Intermediate, Intermediate, Upper Intermediate, Advanced, Bussiness
Ezaugarriak:
Prestakuntza-plataforma birtualeko autoprestakuntzako online ikastaroa, teoria eta praktika uztartzen dituena. Edukiak tutoretza aktiboarekin indartuko dira eta baita taldekako elkarrizketa birtualeko 8 saiorekin (saio bakoitzeko 30 minutu). Mintzamena eta entzumenari eman zaio garrantzia programa diseinatzeko orduan eta, hain zuzen ere, aipatu gaitasunen inguruan oinarritzen dira ikastaroko edukiak. Ikastaroak 24 ikasgai ditu eta ikasgai bakoitza hurrengo 8 ataletan antolatuta dago.
Izena emateko lekua: HAEE (Herri Administrazioaren Euskal Erakundea)Izena emateko epea: irailaren 12, osteguna arte.
Helburu orokorrak:
Ezagutzak eman eguneroko bizitzan eta bizitza profesionalean ere elkarrizketa errazetan aritzeko. Era berean, baliabideak erabili, ikaskuntza ebaluatu eta hobetzeko, eta hizkuntzaren erabilera errazteko.
Atsekabe-une latz hauetan Done Jakue Compostelakoan gertatutako tren-istripuagatik, Euskadiko Udalen Elkarteak hildako guztien senide eta lagunei elkartasun eta hurbiltasuna helarazi nahi dizkie. Era berean, istripuan zauritutako eta kaltetutako guztiei laster osatzea ere opa die.
EUDELek, Euskadiko udalen izenean, biktimengatik dolu eta elkartasunak bultzatutako ekimen guztien parte izan nahi du, eta batez ere, Galiziako herriari gertaera tragiko eta samingarri honen aurrean babes eta indar guztiak eman.
EUDELek jakinarazi nahi du uztailaren 17tik, asteazkenez, irailaren 30era arte, Udaletan, Foru Aldundian eta Euskal Herriko Unibertsitatean prestakuntza finantzatzeko laguntza-eskabideak aurkezteko epea irekita dagoela, HAEEko Zuzendaritzak onartutako ebazpenaren arabera.
Interesa duten erakundeek HAEEren webgunearen bitartez izapidea egin beharko dute: www.ivap.euskadi.net