Eusko Jaurlaritzako Gizarte Politiketako sailburuordeak EUDELen bidez euskal udalei bidali die “COVID-19ak eragindako krisiari aurre egiteko lehen mailako arretako gizarte-zerbitzuetako arduradun politiko eta zuzendarientzako gomendioen dokumentu teknikoa”. Gizarte Eskubideen Estatu Idazkaritzak egin du dokumentu hori. Bertan, gomendio orokorrak ematen zaizkie gizarte-zerbitzuei eta lehen mailako arretako profesionalei, zerbitzu horiei funtsezko zerbitzu-izaera eman baitzaie.
EUDELen laburpena: Gai garrantzuenak
Gomendio orokorrak ezarri dira gizarte-zerbitzuentzat eta lehen mailako arretako profesionalentzat.
Gomendio orokorrak gizarte-zerbitzuentzat
- Prozedurak sinplifikatzea.
- Gizarte Eskubideen Estatu Idazkaritzaren gomendioak betetzea.
- Arreta presentzialaren ordez, arreta telematikoa
- Hirugarren sektoreko erakundeekiko jarduerak koordinatzea eta boluntarioen lana koordinatzea eta zuzentzea.
- Zerbitzuen egitura administratiboak eta teknikoak indartzea eta berrantolatzea.
Profesionalentzat:
- Aurrez aurreko lanak egiteko prest egotea, beharrezkoa bada.
- Urrutitik esku hartzea, azken hiru hilabeteetako zerbitzuen erabiltzaileekin araututako eran harremanetan jarrita.
- Talde ahulen konfinamendua eta arreta
- Etxez Etxeko Laguntza Zerbitzuaren (EELZ) zereginak doitzea eta plan bat prestatzea isolamendu-ordena duten ospitaleetako altetarako.
- EELZn borondatezko baja duten pertsonei telefono bidezko jarraipena egitea.
- Bakarrik bizi diren 65 urtetik gorako pertsonekin telefonoz komunikatzea.
- Herrian dauden egoitza-baliabideekin, publikoekin nahiz pribatuekin, etengabeko harremana
- Arreta berezia jartzea adingabeak, guraso bakarreko familiak, nahi ez den bakardadeko egoerak, emakumeen eta/edo adingabeen aurkako indarkeria daudenean, besteak beste.
- Prestazio ekonomikoak preskribatzea, bete gabeko oinarrizko beharrak antzematen direnean. (Eskualde behartsuetan, berariazko planak egitea prestazio ekonomikoetarako sarbidea bermatzeko).
