Euskal Herriko Agintaritzaren Aldizkaria argitaratu berri da, birusaren transmisioa eteteko mugikortasuna eta kontaktuak are gehiago mugatzeko neurriak jasotzen dituen Lehendakariaren Dekretuarekin. Neurriak Euskadiko Babes Zibileko Planaren Aholku Batzordean (LABI) hartu ziren. Neurri berriak azaroaren 7an, larunbatean, 00.00ean, sartuko dira indarrean.
Vitoria-Gasteiz, 2020ko azaroaren 4a
Idoia Mendia lehendakariorde eta Eusko Jaurlaritzako Lan eta Enpleguko sailburuak Gorka Urtaran Eudeleko presidenteari jakinarazi dio udalek enplegua berreskuratzeko plan eraginkorrak abian jartzeko duten garrantzia. Urtaran elkarteburua Euskadiko Udalen Elkarteko elkarteburuordeekin batera egon da bileran, Nagore Alkorta eta José Antonio Santano, baita zuzendari nagusiarekin ere, Mar Zabala. Jaurlaritzako ordezkaritzan, halaber, Gloria Múgica Lanbideko zuzendaria eta Elena Pérez Barredo Enplegu sailburuordea egon dira.
Gaur goizean egindako bilera batean, eragile sozial eta instituzional guztiekin izan dituen elkarrizketen barruan, Mendiak azken urteetan martxan jarritako tokiko eta eskualdeko enplegu planen garapena baloratu du, “Oso tresna erabilgarria baita, Udalek egoki erabiltzen jakin dutena, oso ondo ezagutzen baitute bertako udalerrien eta bizilagunen errealitatea”.
Lehendakariordeak aurreratu duenez, plan horiek baliatuko dituzten langileak hobeto zehazteko, egoeraren araberako irtenbidea izan ez dadin, etorkizunekoa baizik.
Eusko Jaurlaritzak eguneratu egin du Covid-19ko prebentzio-neurriei buruzko galdera ohikoenak biltzen dituen dokumentua.
Dokumentu honen lehen edizioa 2020ko urriaren 26koa da. Azaroaren 2ko hau herritarrek planteatutako zalantza berriekin eguneratu da. Galdera eta erantzun berriak sartu dira, eta erantzun batzuk zehaztu edo zuzendu dira, hobeto uler daitezen.
Dokumentu hau interpretatzailea baino ez da, eta ez du inola ere ordezten dagokion aldizkari ofizialean argitaratutako dekretuaren edukia.
Herritarren zalantzak, orain arte egin den bezala, Zuzenean herritarrentzako zerbitzuaren bidez bideratuko dira:
https://www.euskadi.eus/eusko-jaurlaritza/zuzenean-herritarrentzako-zerbitzua/
Memoriaren Egunaren 2020rako aukeratu den leloak memoriaren transmisioak duen garrantzia eta gure gazteek iragan hurbila ezagutzeko duten eskubidea azpimarratu nahi ditu.
COVID-19aren pandemiak eragindako murrizketak direla eta, konzentrazio eta bestelako ekitaldirik ezingo dugu burutu. Hori dela eta, euskal udalerrien eskura jarri nahi ditu aurtengo gaiarekin lotuta sortu ditugun materialeak: posterrak, spot-ak eta bideoak. Guztia eskuragarri izango duzue Gogora webgunean, hurrengo helbideetan:
https://www.gogora.euskadi.eus/memoriaren-eguna-2020/aa82-biogogor/eu/
Bertan eskuragarri duzue kartela PDF eran. Gogora institutoak horiek inprimatzeko eta udal bulegoetan jartzeko deia egin du. Baita ere, eduki hauek Udaleko webguneetan eta sareetan zabaldu daitezke.
Memoriaren Eguneko ekitaldi Nagusia Gogoran egingo da, azaroaren 10ean, arratsaldeko 5:30etan eta streaming bidez ikusi ahal izango da Irekian.
“Ertzaintzak eta Udaltzaingoak osasun-alarman aplikatzeko irizpideak” dokumentua 2020/10/27).
EJarduera fisikoa eta kirola osasun-alarmako egoeran egiteko jarraibideen dokumentua, Eusko Jaurlaritzak egina.
Egoera epidemiologikoaren bilakaeraren ondorioz, Eusko Jaurlaritzak prebentzio-neurri berriak bilduko dituen dekretua argitaratuko du. Neurrien artean, honako hauek nabarmentzen dira: pertsonek udalerrira zirkulatzeko duten askatasuna mugatzea, gaueko ordutegian mugikortasuna mugatzea (23: 00etatik 06: 00etara) eta pertsona-taldeak espazio publiko eta pribatuetan egotea gehienez ere seiren mende egongo da. Neurri horien helburua da koronabirus bidezko infekzioen hedapenari eustea.
Arau horiek eztabaidatu eta adostu dira Iñigo Urkullu lehendakaria buru duen Euskadiko Babes Zibileko Planaren Aholku Kontseiluan (LABI).
NEURRI AIPAGARRIENAK
BAT – Gauez zirkulatzeko askatasuna mugatzea (23: 00etatik 06: 00etara).
Urriaren 25eko 926/2020 Errege Dekretuaren 5.1 artikuluan aurreikusitako jarduerak egiteko bakarrik zirkulatu ahal izango dute pertsonek erabilera publikoko bideetatik edo espazioetatik. Beharrezko jarduera horien artean, honako hauek nabarmentzen dira, besteak beste: osasun-jarduerak, lanekoak, profesionalak, hezkuntzakoak, adinekoak edo adingabeak zaintzea.
BI- Euskal Autonomia Erkidegoko lurraldean pertsonak sartzeko eta irteteko mugak.
Horrez gain, mugatu egiten da pertsonek bizilekua finkatuta duten udalerriko mugarte bakoitzean pertsonak sartzeko eta irteteko modua. Jarduera sozioekonomikoak egiteko, ohiko igarobideko udalerri mugakideen arteko mugikortasuna baimenduko da.
Puntu honetarako jasotako salbuespenak dira, halaber, osasun-arlokoak, lan-arlokoak, profesionalak, hezkuntzakoak, menpekoen, adinekoen edo adingabeen zaintzakoak, besteak beste.
HIRU – Pertsona-taldeak espazio publiko eta pribatuetan egoteko muga: gehienez 6 pertsona.
Salbuespenak izango dira bizikideak izatea.
Indargabetuta geratuko dira dekretu honetan eta haren eranskinean ezarritakoaren aurkakoak diren maila bereko eta beheragoko arau eta egintza guztiak, eta, bereziki, indargabetuta geratzen dira Osasun sailburuaren 2020ko urriaren 22ko Aginduak, osasun publikoaren arloan prebentzio-neurri espezifikoak hartu zituztenak.
Dekretu honetan aurreikusitako neurrien jarraipena eta etengabeko ebaluazioa egingo da, gehienez ere 15 eguneko epean, egoera epidemiologikoaren bilakaerara egokitzen direla bermatzeko. Ondorio horietarako, neurriak luzatu, aldatu edo ondoriorik gabe utzi ahal izango dira.
Iturria: IREKIA-EUSKO JAURLARITZA
