EUDEL – Euskadiko Udalen Elkarteak 5 minutuko elkarretaratze isilak deitzera gonbit egiten die udal guztiei, gaur, ostirala, uztailak 15, eguerdiko 12:00etan, udaletxeen aurrean.
EUDELek gaitzespen irmoa adierazi nahi du, bart Nizan gertatu, hildako asko eta zauritu ugari eragin dituen atentatuaren aurrean. EUDELek erabateko irmotasunez gaitzesten du indarkeria terroristaren basakeria, eta dolumina eta elkartasuna helarazi nahi die biktimen senide eta hurbilekoei.
Une latz honetan, Euskadiko Udalok besarkada solidarioena eta hurbiltasun-sentipen sakonena bidali nahi dizkiegu Nizako hiriari eta Frantziako herri osoari.
Bilbon, 2016eko uztailaren 15ean.