BIDEOA “EUDEL-Euskaraldia”Azaroaren 16an Laudion egindako euskal udalerrien Batzar Orokorrean, Gorka Urtaranek, EUDELeko elkarteburuak, Nagore Alkorta eta Jose Antonio Santano elkartebuordeek, bai eta Batzorde Eragileko beste alkateek ere, udalak deitu zituzten, Euskaraldiarekin bat egiteko:
“Euskaraldia berriro martxan jarriko dugu, eta gizarte-ariketa horri ekiteko ailegatuko da momentua. Euskal udalak inplikatuta gaude, eta gure herritarrak inplikatuko ditugu.
Euskara euskal komunitatearen biltzaile nagusietako bat da. Horrexegatik ere, EUDELen bat egiten dugu euskararekin; ondare linguistiko edo kulturala ezezik, gure gizartearen lehiakortasunerako eta kohesio emozionalerako tresna baliagarria ere badelako.
Euskararen erabilera sustatzeko egingo dugu ahalegina: herriz herri eragiteko herritarren artean, udaletan, kaleetan, etxeetan, lagun artean…edonon.
Ilusioa eta guztion elkarlana izango da Euskaraldia.”
Gorka Urtaran elkarteburua
Elkarteko talde teknikoa ere ilusioz beteta dago Euskaraldiarekin; eta arigunea da, berriz ere.
HITZEZ EKITEKO GARAIA HASI DA!