Bilbon, 2025eko uztailaren 18an. Esther Apraizek, Euskadiko Udalen Elkarteko elkarteburuak, eta Iratxe Uriartek, Euskadiko Gazteriaren Kontseiluko presidenteak, bilera bat izan dute gaur goizean, bi erakundeen arteko etorkizuneko lankidetza-bideak aztertzeko. Bilera EUDELek Bilbon duen egoitzan egin da, eta euskal gazteen erronkei buruzko hausnarketak trukatzeko balio izan du, besteak beste, emantzipazio-prozesuak eta prozesu horiek etxebizitzarekin, enpleguarekin eta ekintzailetzarekin edo prestakuntzarekin dituzten loturak.
