Eudel

Author

eudel

Azken berriak

Euskadiko Babes Zibileko Planaren (LABI) Aholku Batzordean ordezkatuta dauden erakundeen arteko bilera dela-eta, horren buru lehendakaria dela, joan den ostegunean jendaurrean aurkeztu zen euskal gizartea sentsibilizatzeko kanpaina, birusaren hedapena geldiarazteko ahalegin bateratuari eusten jarraitzeko.

Kanpainak euskal erakunde guztien babesa du: Eusko Jaurlaritza, Foru Aldundiak, hiriburuetako udalak eta EUDEL-Euskadiko Udalen Elkartea. EUDELen lankidetza markoan, hainbat material (kartelak eta bideoak) helarazten dizkie udalei, herritarren artean zabaldu ditzaten, udalerri bakoitzeko informazio- eta komunikazio-bideen bitartez.

Material guztiak Eusko Jaurlaritzaren webgunetik eta esteka hauetatik deskarga daitezke:

Kartelak (2, horizontala/berticala, pdf eta png)

Bideoak (2 bideo mp4)

*Kanpaina horrek isla izango du gizarte-komunikabideetan, eta erlaxazio-egoerari aurre egitea du helburu, gaixotasun horrek pertsonak ospitalera, ZIUra edo heriotzara eraman ditzakeela gogoraraziz.

ZIU baten hondoarekin, kanpainaren leloa agertzen da: “Eskuak, maskara, distantzia. Denok dakigu nola saihestu “.

Azaroaren 20tik abenduaren 4ra bitartean egingo den ekimen horretan parte hartzeko deia egiten zaie euskal udalerriei

Bilbo, 2020ko azaroaren 20a. Euskaraldiaren bigarren edizio honetan, ekimenaren rolak herritarrekin harremana duten erakundeen artean ere egongo dira, eta EUDEL edizio berriak dakarren hirugarren rolaren parte izango da. Ariguneen helburua da euskararen erabilera indartzea eta ahozko presentzia areagotzea, horrela, hizkuntza ulertu eta hitz egiten duten pertsonen hizkuntza-ohiturak aldatzeko.

Ekimen horrekin bat eginda, EUDELek euskararekiko konpromisoa indartu du, eta konpromiso hori euskal udalekin egiten duen eguneroko lanean hezurmamitzen da, honako ekintza hauen bidez: informazioa eskatutako hizkuntzan bidaltzea, toki-administrazioan euskararen erabileraren normalizazioa sustatzea edo sustapen-plan eta -ekimen zehatzei, jardunaldiei, argitalpenei eta matrikulazio-kanpainei laguntzea.

EUDELek ere EUSKARALDIA koordinatzeko mahaian parte hartzen du, udalerriekin, Hizkuntza Politikarako Sailburuordetzarekin, Euskaltzaleen Topagunearekin eta UEMArekin batera.

Ahobizi eta Belarriprest kideen izen-ematea azaroaren 24ra arte luzatuko da     

Izen-ematea azaroaren 24aren gaueko 23:59ak arte egongo da zabalik izenematea.euskaraldia.eus helbidean, ekitaldiaren lehen egunetan ere izen-ematea formalizatu ahal izateko (URL propioa duten erakundeek aukera bera izango dute).

Ez da izen-ematea azken egunetara arte luzatu nahi, herritarrak ariketa egiteko lekurik gabe geratuko liratekeelako.Hala eta guztiz ere, lehenbailehen izena emateko deia egiten da, ahobiziek eta belarriprestek ahalik eta lasterren izan ditzaten txapa eta jarraibideak.

IKUSI BIDEOA https://drive.google.com/drive/folders/1XewmffyEvdrdVnk-_tAgjlIfSu9Edt1A

Informazio guztia Euskaraldiaren webgunean: https://euskaraldia.eus/meg-2/ (FAQ).

 

Urtero bezala, Azaroaren 25a “Emakumeenganako Indarkeria Ezabatzeko Nazioarteko Eguna” dela eta, EUDELek adierazpen instituzionalerako eredu bat prestatu du Euskadiko udal guztientzat.

EUDELeko Batzorde Eragileak, gaur goizean bideokonferentzia bidez egindako urriko bileran,  Adierazpenaren testua onartu du eta Euskadiko udal guztiei gaur bidaltzea erabaki du, aurkezteko nahikoa denbora izan dezaten Udalbatza, Bozeramaileen Batzar, Gobernu Batzar edo udalerri bakoitzean gaitutako partaidetza-organoan.

Tokiko autonomiari errespetua erakutsiz, Adierazpen eredutzat proposatutako testua eredu irekia da, udal bakoitzak adierazpen hori tokiko errealitatera egokitu dezan.

Adierazpena Emakunderekin eta Berdinsarearekin-Berdintasunaren aldeko Euskadiko Udalen Sarea– adostua izan da.

EUDELen ADIERAZPENA eransten da: “indarkeria matxistari aurre egiten pandemia garaietan”

Udalen parte-hartzea zerga itunduetan 2020 – 2021 eta Covid-19ari aurre egiteko ezohiko neurriak

 

Euskadiko Udalen esku jartzen du EUDELek landutako ‘UDALA- Udal Finantzaketa’ buletin berria, “Udalen parte-hartzea zerga itunduetan 2020-2021 gaiari buruzkoa.

Argitalpen honen bidez, Herri Dirubideen Euskal Kontseiluari buruzko urriko informazioa ematen da, bai eta Finantzen Lurralde Kontseiluen azken bileretan lortutako Udal Finantzaketarako Foru Funtsen datuak ere.

UDALAren zenbaki berezi honetan, Covid-19ari aurre egiteko Lurralde bakoitzean gauzatutako finantzaketa, aurrekontu- eta finantza-egonkortasuneko neurriei buruzko informazioa jasotzen da.

UDALA JAITSI

*Ikusi aurreko UDALAko monografikoak

  • COVID19-ak baldintzatutako urte honetan Beldur Barik lehiaketan izandako parte hartze handiak agerian utzi du gazteek erreferente dutela programa
  • 12 eta 16 urte bitarteko neska-mutilek ikus-entzunezko 200 lan baino gehiago aurkeztu dituzte.
  • Aurten sari-banaketa Donostian egingo da eta streaming bidez jarraitu ahal izango da soilik.
  • Lehiaketan parte hartu duten lanetan gazteek honako gaiak jorratu dituzte: rolak eta estereotipoak, emakumeen ahalduntzea eta gorputzen aniztasuna.

 

Donostia, 2020ko azaroaren 18a. Gaur goizean aurkeztu dute Gipuzkoako Foru Aldundian, Donostian, Beldur Barik 2020 topaketa, gazteen artean indarkeria matxistaren prebentziorako aurtengo programako azken ekimena, Emakundek bultzatua, eta hiru lurraldeetako foru aldundien eta EUDEL-Euskadiko Udalen Elkartearen babesa duena. Ekitaldian izan dira Emakundeko Zuzendaria, Izaskun Landaida; Gipuzkoako Foru Aldundiko Berdintasun Zuzendaria, Miren Elgarresta; Bizkaiako Foru Aldundiko genero politiken Idazkari teknikoa, Cristina Sardui; Arabako Foru Aldundiko Berdintasun eta Giza Eskubideen Zuzendaria, Nerea Melgosa eta EUDEL-eko ordezkaria eta Gordexolako alkatea den Angela Eguia Liñero.

Ángela Eguía Gordexolako alkateak hitza hartu du Batzorde Eragilearen izenean, eta nabarmendu du udalerriek Beldur Barik ekimenean izan duten partaidetza gogobetetzeko modukoa izan dela, pandemiak pandemia, eta tokiko erakundeek programarekin harturiko konpromisoari eutsi diotela aurten ere.

EUDELek Beldur Barik ekimenaren balioa azpimarratu du, “sentsibilizatzeko eta hezteko tresna gisa, gure udalerrietako bizimodua eraldatzeko eta aldatzeko orduan gure gazteak eragile izan daitezen”.

Alde horretatik, Ángela Eguíak jakinarazi du EUDELek Emakunderekin jardungo duela, programak nolako inpaktua izan duen ebaluatzeko hurrengo hilabeteetan egingo den ebaluazioan tokikoaren ikuspegia txertatzeko. Alkateak azaldu duenez, hamar urteko ibilbide honetan, “funtsezkoa zaigu Beldur Barik ekimenak udalerrietan izan duen eragina aztertzea”.

EUDELen ordezkariak, era berean, esan du balioestekoa dela erakunde eta eragile inplikatu guztiek elkarrekin nola jardun duten programan: “Guztiok elkarturik “BELDUR BARIK jarrera” hedatzen jarraitu behar dugu, erreferentzia eredugarria baita herritarrentzat; izan ere, eguneroko ohituretan agertu ohi diren jarrera sexistei, indarkeriari eta mikromatxismoei planto egiteko jokabide irmoa hartu dute”.

 

Beldur Barik  PRENTSAKO OHARRA

Informazio gehiago: www.beldurbarik.eus

 

Eusko Jaurlaritzak eta hiru foru-aldundiek egindako ohar bateratua, 6. puntuaren interpretazio bateratu gisa, Lehendakariaren azaroaren 6ko 30/2020 Dekretuarena, eskola-kirolean murrizketak aplikatzeari buruzkoa.

Eskola kirola – Jakinarazpena 2020/11/11 

Azalpen-oharrak dioenez, BERTAN BEHERA geratzen dira eskola-kiroleko jarduera guztiak, hau da, eskolaz kanpoko ordutegian eta 6 eta 16 urteko eskola-umeentzat egiten diren kirol-jarduera guztiak, barnean harturik ikastetxeek, kirol-klubek, gimnasioek, udalek nahiz beste edozein erakundek antolaturikoak.

Era berean, galdera-erantzunen dokumentu eguneratua erantsi da (azaroaren 11koa), 33. galderan eskolaz kanpoko kirolari buruzko azalpena barne hartuta.

Jarduera fisikoaren eta kirolaren arloari buruzko zalantzarik edo argibiderik nahi izanez gero, helbide elektroniko honetan jar zaitezkete harremanetan: kirolak@euskadi.eus.

  • Gorka Urtaran elkarteburuak batasunerako eta kontsentsurako deia egin du EUDELen, “Euskadiko udalerri guztien elkartea gara-eta”. Gogora ekarri du larrialdi egoera honetan “elkartuta egotea komeni dela gizarte gisa, erakunde gisa eta udal gisa; denak batera”.
  • “Udalak eragile giltzarria gara lehengoratze sozioekonomikoan”. EUDELek elkartasuna adierazi die eragin handiena jasan duten sektoreei, eta Batzorde Eragileak erabaki du gaur bertan bidaltzea Euskadiko udal guztiei aste honetan ostalaritzaren eta sukaldaritzaren sektoreak EUDELi helarazi dion neurrien proposamena.
  • Gorka Urtaranek “Euskal Green Deal Udalak” herri eta hirien transformazio ekologiko, inklusibo eta erresilienterako aukera gisa sustatzea proposatzen du.

 

Elkarteburuaren, Gorka Urtaranen, hitzaldia

Bilbon, 2020ko azaroaren 12an. EUDELek gaur goizean egin du 2020ko Batzar Orokorra, formatu erdi-presentzialean, Elkarteak Bilbon duen egoitzatik. Udalen goi-bilera honek aukera eman die Euskadiko alkate guztiei modu birtualean berriz ere biltzeko, pandemia hasi zenetik lehen aldiz.

EUDELen Batzar Orokorra EUDELen elkarteburu eta Vitoria-Gasteizko alkate Gorka Urtaranek zuzendu du, eta berarekin batera izan dira mahaian Nagore Alkorta, Azpeitiko alkatea, eta Jose Antonio Santano, Irungo alkatea; horiek dira Euskadiko Udalen Elkartearen elkarteburuordeak.

Batzar Orokor honetan, Elkartearen 2020ko ekitaldiko urteko kontuak eta indarreko ekitaldiaren aurrekontua onetsi dira; hain zuzen, 2.784.983,80 euro dira, eta aurreko urtekoa baino % 11,6 txikiagoa da. Halaber, EUDELek 2021. urteko aurrekontua onetsi du; 2.991.680,36 eurokoa izango da.

Gorka Urtaran elkarteburuak Batzarrean eman duen lehen mezua EUDELen gobernu-organo guztietako ordezkariei eskerrak emateko izan da, udalerri guztien “etxe komuna” eraikitzen laguntzen baitute. Gorka Urtaranek gogora ekarri duenez, “hemen gaude interes komunak batzeko, eskuz esku lan egiteko, udalentzat eta euskal gizarte osoarentzat onuragarriak diren helburuak lortzeko”.

Euskadiko udalerrien urteroko topaketa honek aukera eman du pandemia hasi zenetik gertatu den guztiari buruzko balantzea egiteko, bai toki-mailan bai maila globalean, bai eta hausnarketa egiteko ere, Euskadiko udalen gaur egungo erronkei eta etorkizuneko erronkei buruz.

Ostalaritzaren sektoreak proposatutako neurriak

Gorka Urtaranek Batzar Orokorreko kideei jakinarazi die Batzorde Eragileak, saioaren aurretik egin duen bideokonferentzian, erabaki duela gaur bertan bidaltzea Euskadiko udal guztiei ostalaritzaren eta sukaldaritzaren sektoreak EUDELi helarazi dion neurrien proposamena. Sektoreko elkarteek asteartean egindako bilera telematikoan aurkeztu zizkieten neurriak elkarteburuari eta elkarteburuordeei.

EUDELek gaur udal guztiei bidaliko dien komunikazioak bi helburu ditu. Batetik, bere elkartasuna erakustea sektoreari, “gure idiosinkrasiaren parte baita eta gure herriak eta hiriak bizirik mantentzen baititu”. Eta, bestetik, ostalaritzako elkarteen euren eskariz, alkate guztiei jakinaraztea zer neurri proposatu dituzten, udal bakoitzak aztertu ditzan eta, udal autonomiatik, erabaki dezan nola jokatu une bakoitzean eta duen egoeraren arabera.

“Gure ustez, neurri horiek batasunetik har daitezke; izan ere, neurri horiek udal guztien artean koordinatuta hartzen badira, askoz ere eraginkorragoak eta efizienteagoak izango dira” adierazi du Gorka Urtaranek.

Egoera ekonomikoa

EUDELen elkarteburuak Udal Finantzaketarako Foru Funtsei dagozkien datuak errepasatu ditu, bai eta lurralde bakoitzean zer formula ezarri den ere, Ekonomia Itunaren Batzorde Mistoan Foru Aldundiek udalekin partekatzeko defizit-marjinari dagokionez.

Ekintza lerroak

Gorka Urtaranek EUDELen 2021. urterako ekintza lerroak aurkeztu ditu. Bi hauek markatzen dituzte: “osasun-larrialdi batek, hau da, gure bizitzak babesteak” eta “lehentasun batek, leheneratze sozioekonomikoa sustatzeak”.

Elkarteburuak azpimarratu du EUDELek “funtsezko helburua” duela LABI batzordean, osasun-krisia kudeatzeko neurriak koordinaturik egon daitezen eta berdinak izan daitezen Euskadiko udalerri guztietan.

Urtaranek hiru ardatz estrategiko proposatu dizkie bere kideei, Euskadiko udalerrien ekintzei laguntzeko, eta “EUDELen eskutik”.

  1. BATASUNA ETA ERANTZUKIZUN PARTEKATUA:

“Talde-lana” udal gisa, eta EUDELen barneko “kontsentsua zainduz”, tokiko interesak babesteko eta “udalerri bat ere ez dadin atzean gelditu”.

  1. ERAKUNDEEN ARTEKO ELKARLANA; eraginkorra, efizientea eta “norabide bikoitzekoa”:

Erakunde guztien artean estrategia partekatu bat definitu, eta partaidetza zuzenerako kanalak ireki; horrela, udalek Euskadi berraktibatzeko ekarpena egin ahal izango dute, udal autonomia eta nahikotasun finantzarioa baliatuta.

  1. Next Generation eta Green Deal Europaren etorkizuna eraikitzeko tresnen AUKERA:

Aliantza publiko-pribatuak eratu, Tokiko Itun Berdeak (“Green Deal” Euskadiko udalerriak) sustatzeko, Euskadiko udalerrien eraldaketa ekologiko, inklusibo eta erresilientean aurrera egiteko.