EUDEL-Euskadiko Udalen Elkarteak bere gaitzespen irmoena azaldu du Sestaon gertatutako emakumeren hilketaren aurrean, eta elkartasuna adierazten die biktimaren senideei eta hurbilekoei.
EUDEL-Berdinsareak gogorarazten du heriotzek emakumeenganako indarkeriaren arazoaren alderdi bat baino ez dutela erakusten, izan ere, egoera hori emakumeen eta gizonen arteko desberdintasunean sortzen da.
Emakumeenganako indarkeria (psikologikoa, ekonomikoa, fisikoa, sexuala) emakumeen duintasunaren eta segurtasun fisiko nahiz moralaren aurkako eraso larria da, eta, ondorioz, giza eskubideen urraketa larri eta onartezina.
Tragedia honek berriro dakarkigu gogora hala erakundeek nola euskal gizarte osoak daukagun erantzukizuna, gure udalerrietan Berdintasuna eraginkor egiteko. Zentzu horretan, gure sentsibilizazio eta prebentzio ekintzak indartzen jarraitu behar dugu, etorkizuna ordezkatzen dutenei zuzenduta, gure herritar gazteenei zuzenduta, alegia.
EUDELek bat egiten du Sestaoko Udalak deitu duen gaitzesteko elkarretaratzearekin. Elkarretaratzea bihar izango dela, otsailak 13, 12:00etan, Udaletxeko plazaren aurrean.
Euskadiko Udalen Elkarteak bat egiten du antola litezkeen gaitzespen-ekimen guztiekin.
Tokiko Zuzenbidearen Euskal Mintegia EUDELek eta IVAPek elkarrekin diseinatzen duten prestakuntza-eskaintzaren barruan sendotuta dagoen programetako bat da, eta 15. edizioa izango du aurtengoa.
Edizio honetan, 5 saio egingo dira, martxotik azarora, eta, horietan, honako gai hauek jorratuko dira: Telelana, Modernizazioa eta Europako funtsei buruzko Errege Lege Dekretua, Hautaketa-prozesu digitalak, Hiri Agenda eta 2030 Agenda, Digitalizazioa eta adimen artifiziala.
Prestakuntza-programa hau 2006tik egiten da, eta Euskal Autonomia Erkidegoko toki-erakundeetako langile juridikoei beren eginkizunak kalitate profesional handiagoz garatzeko behar diren tresnak ematea du xede.
Hainbat saio monografikotan dago egituratuta mintegia, eta honako hauek hartzen dituzte:
Ponentzia akademikoak, adituen eta profesionalen kontura, tokiko zuzenbide publikoaren funtsezko gaiei buruzkoak.
“Tokiko Zuzenbidearen Behatokia”: araudien, jurisprudentziaren, dokumentuen eta bibliografiaren arloan dauden berritasunak aztertzeko gunea.
Aldizkari digitala barne: bertan, intereseko jurisprudentzia, arauen aipamenak eta bibliografia jasotzen dira.
TOKIKO ZUZENBIDEAREN EUSKAL MINTEGIAREN 2021EKO PROGRAMA
Bost saio (20 ordu): martxoak 26, apirilak 23, maiatzak 28, urriak 1 eta azaroak 5
EUDELek eta Emakundek estatu mailako lehen gida sustatu dute, biziraun duten emakume biktimei eragindako kaltea konpontzeko ekintzak garatzeko udalerrietan, eta, era horretan, euren ingurune hurbilean osa daitezen bermatzeko.
Tresna horrek oinarrizko jarraibideak eskainiko dizkie udaletako arduradun eta teknikoei, tokiko esku-hartzean erreparazioaren ikuspegia garatzeko. Era berean, euskal udal batzuk azken urteotan abian jartzen ari diren ekimenak jaso ditu, ildo horretan pausoak nola eman daitezkeen erakusteko adibide gisa.
Vitoria-Gasteiz, 2021eko otsailaren 3a. EUDELen elkarteburu Gorka Urtaranek eta Emakunde-Emakumearen Euskal Erakundearen zuzendari Izaskun Landaidak tresna tekniko bat aurkeztu dute gaur goizean, tokiko erakundeei indarkeria matxistaren biktima diren emakumeen erreparazioko eskubidea zehazteko eta gauzatzeko, udal eskumeneko esparruaren baitan eta justizia ezartzeko prozesuarekin batera.
Espainiako estatuan ez dago antzeko tresnarik eta Gida didaktikoaren forma hartzen du. Gida honen asmoa da lehen urrats gisa baliagarria izatea udalak, mankomunitateak eta kuadrilak beraien ekintzak berrikusten hasteko, hain gai sentikor eta konplexu batean. Izan ere, ikuspegi berri honek hausnarketa berria eskatzen du, bai eta prestakuntza espezifikoa eta praktiken berrikuspena ere.
Istanbulgo Hitzarmenaren nazioarteko esparruan, erreparazio printzipioak esan nahi du indarkeria matxistaren biktimen eskubideak jarri behar direla erreparaziorako arreta eta tokiko jarduketen prozesu osoaren erdigunean, dauden beharrei eta eskaerei entzunez eta erantzunez.
EUDELen eta Emakunderen ekimenak ikuspegi berritzaile bat eskaintzen du, udal-plangintza laguntzatik eta/edo arretatik harago bideratzea, bizirik iraun duten emakume biktimei eragindako kalteak ikusarazteko eta konpontzeko, bai eta ingurune komunitarioan haien leheneratzea errazteko ere, herritartasun bete aktiboaren izaera berrezarriz. Halaber, balioa eman zaie gure udalerrietan indarkeria matxista errepika ez dadin baldintzak eratzeko tokiko prebentzio-programei.
Gida EAEko udalen Berdinsarearen baitan gauzatu da. 2006az geroztik, sare hori berdintasunerako tokiko politiken aurrerapausoak gidatzen ari da, EUDELek koordinatuta, Emakunderen laguntzarekin. Duela bost urte baino gehiago hasitako lan prozesu baten emaitza da, udaletako berdintasun arloen eta, bereziki, udalerri txikienen lankidetzarekin. Izan ere, komunitate osoari udalerri horietan erasaten diote gehien herriko emakumeen aurkako indarkeria egoerek.
Emakunde eta EUDEL bat datoz inplikatutako instantzia guztien arteko koordinazioak duen garrantzia neurtzean, indarkeria matxistaren biktimen errekuperazio integrala eta urratutako eskubideak itzultzea bermatuko duten arreta eta erreparaziorako baliabideak gauza daitezen.
Izaskun Landaida Emakunderen zuzendariak gogorarazi duenez, Istanbulgo Hitzarmenak, besteak beste, botere publikoei eskatzen die indarkeriaren biktima diren emakumeei erreparazioa emateko neurriak hartzeko. Legebiltzarrean Berdintasunerako Legearen aldaketa izapidetzen ari da, eta, bere hitzetan, biktimei erreparazioa emateko eskubidea aitortzen du, eta horren inguruko neurriak hartzeko betebeharra planteatzen du.
Landaidak gogora ekarri du biktimen erreparaziorako esku-hartze prozesuak ahalduntze prozesu bat izan behar duela: indarkeriaren egoera gainditzeko haien gaitasunak eta autonomia indartzera bideratutako esku-hartze bat. Era berean, Landaidak euskal erakunde guztiek emakumeen aurkako indarkeriaren aurrean egiten duten lan koordinatua nabarmendu du: “Erakundeen arteko lankidetzan ibilbide luzea egin dugu, eta, horri esker, arreta onena eskaini nahi duten egitura sendoak ditugu, zalantzarik gabe”.
Bestalde, Gorka Urtaranek azpimarratu duenez, “indarkeria matxistaren aurrean, toki erakundeen esku-hartzea funtsezkoa da, indarkeria horrek gure udalerrietako emakumeen bizitza eta eskubideak erasotzen ditu.” EUDELen elkarteburuak honako hau azaldu du: “Udalok ezinbesteko zeregina dugu gure herritarrei kontzientziatzeko eta komunitate osoa inplikatzeko emakume biktima-bizirauleei babesa eta aitortza emateko. Horrez gain, lagundu behar diegu ahalduntzeko eta autonomia pertsonala berreskuratzeko prozesuan”.
Ildo horretan, Gorka Urtaranek ondorengo hau ere adierazi du: “bizitzen ari garena bezalako une kritikoenetan, ezin dugu atzerapausorik egin; erakundeok koordinatuta jarraitu behar dugu, aurrerapausoak emanez, gure herri eta hirietan berdintasuna benetan gauza dadin”. Horretarako, jakinarazi du EUDELek eta Emakundek gida hau sustatu dutela, honako hiru helburu nagusi hauekin:
Lehenengo helburua, erakundeen konpromisoa berrestea, tokiko jarduerak berrikustea eta indarkeria matxistaren biktima guztien aurkako indarkeria desagerrarazteko ikuspegia zabaltzea, esparru eta forma guztietan;
Bigarren helburua, gizarte osoak indarkeria matxistaren aurkako borrokan parte har dezan kontzientziatzea eta sentsibilizatzea, eta zero tolerantziako jarrera sustatzea;
Hirugarren helburua, erreparazio sozial eta sinbolikoko politikak lantzen hastea, bizirik iraun duten biktimen erasan guztiei arreta emateko, bai eta beren eskubideak urratzea bideratu duten baldintzak gehiago errepika ez daitezen bermatzeko neurri zehatzagoak gauzatzea ere.
Gidako edukiak
Gida hiru hizkuntzatan egin da (euskaraz, gaztelaniaz eta ingelesaz), eta 1.000 ale banatu dira euskal udal guztietan. Bi bertsio editatu dira, bata izaera teknikoagoa duen bertsio hedatua, eta bestea aplikazio praktikoko funtsezko alderdien laburpen modukoa. Biak deskarga daitezke EUDEL eta Emakunderen erakunde webetan.
Giza Eskubideen ikuspegiaz gain, gida honen beste alderdi berritzaile bat da biktimen kontzeptua berrikustea proposatzen duela, biktima guztiekiko eta indarkeriak beren bizitzetan dituen inpaktu guztiekiko ikuspegia zabalduz, eta horien bizirik irauteko ahaleginak eta gaitasunak gogoan hartuz.
Era berean, legedia eta araudia (nazioartekoa, estatukoa eta autonomikoa) berrikusten ditu, eta aztertzen du tokiko gobernuek zer eskumen tarte duten indarkeria matxistaren aurkako borroka arloko jarduketak ikuspegi konpontzailez gauzatzeko.
Argitalpenaren egituran honako atal hauek daude: kontzeptuetara hurbiltzea, arauen aipamena eta erreparazio printzipioaren garapenean udal arduradunek aintzat hartu beharreko araudia eta jarraibideak.
Gidak, halaber, tokiko eremuan egin daitezkeen jarduketen adibideak aurkezten ditu, besteak beste: arreta sanitarioa, psikologikoa eta harrera baliabideak lehenbailehen eskuratzera bideratzea, berriz laneratzeko enpresekin eta beste erakunde batzuekin bitartekaritza lanak egitea, biktimen ahalduntzea eta haien lan kolektiboa sustatzea Emakumeen elkarte eta etxeen bidez; herritarrekin sentsibilizazio jardunaldiak eta tailerrak antolatzea, biktimen omenaldi ekitaldiak egitea, hala nola memorialak eta kaleen izenak.
Erreparazio printzipioa dagoeneko lantzen ari diren udalerri batzuen Praktika Egokiak ere jaso dira, hala nola Andoain, Basauri, Urduliz, Vitoria-Gasteiz eta Durangaldeakoak. Tamaina eta lurralde guztietako udalerrien esperientzia horiek erreferentzia izan daitezke beste udal batzuetan lanari eki
Dokumentu honen 2021ko urtarrilaren 25eko zortzigarren edizioa da eta herritarrek planteatutako zalantza berriekin eguneratu da. Galdera eta erantzun berriak sartu dira, eta erantzun batzuk zehaztu edo zuzendu dira, hobeto uler daitezen.
Dokumentua egitura honen arabera ordenatuta dago:
Oinarrizkoa galderak
Mugikortasuna
Ostalaritza
Kirola
Besteak
Herritarren zalantzak, orain arte egin den bezala, ZUZENEAN herritarrentzako zerbitzuaren bidez bideratuko dira: https://www.euskadi.eus/eusko-jaurlaritza/zuzenean-herritarrentzako-zerbitzua/
Hezkuntza Sailak 2,5 milioi euroko ezohiko funtsa sortu du, udalek Covid-19k ikastetxeetan eragindako garbiketa-gastu gehigarriei aurre egin diezaieten
Haur eta Lehen Hezkuntzako ikastetxe publikoen instalazioen titular diren 170 udalei zuzendua da laguntza
Jokin Bildarratz Hezkuntza sailburuak Gorka Urtaran EUDELeko elkarteburuarekin bilera izan du gaur arratsaldean, Eusko Jaurlaritzaren Gasteizko egoitzan. Batzarrean, Hezkuntza Sailak sortu duen 2,5 milioi euroko aparteko funtsaren inguruko akordio instituzionala zehaztu dute bi arduradunek. Funts honen xedea, EAEko udalak ikastetxeetan Covid-19ri aurre egiteko izaten ari diren garbiketa-gastu gehigarria ordaintzea da.
Akordio horren arabera, Hezkuntza Sailak 2.594.875 euroko funts honen bidez diruz lagunduko ditu udal-titulartasuneko Haur eta Lehen Hezkuntzako ikastetxeetan Covid-19ren aurkako prebentzio-protokoloek eskatzen dituzten garbiketa-neurriak aplikatzearen ondorioz sortu diren gastu gehigarriak, 2020-2021 ikasturte honetan.
Gastu gehigarri horien artean sartzen dira garbiketako langileak kontratatzea eta lehendik daudenen ordu kopurua handitzea (langile propioak edo azpikontratatuak izan), bai eta garbiketa-produktuak erostea ere, baldin eta Covid-19ren aurkako prebentzio-protokoloak betetzeko neurriek hala eskatzen badute.
Guztira, euren titulartasuneko Haur Hezkuntzako eta Lehen Hezkuntzako instalazio publikoak dituzten EAEko 170 udalek jasoko dituzte laguntza hauek.
Garbiketa-neurri gehigarriek udaletan sor dezaketen gainkostuaz jabetuta, Hezkuntza Sailak horiek finantzatzen laguntzen du, ezohiko laguntza hauen bidez. Zuzeneko dirulaguntza hauek aipatutako protokoloek eskatutako neurriak aplikatzearen ondoriozko garbiketa-gastu gehigarrien %60 finantzatzen dute. Diruz lagundu daitezkeen gastuak 2020ko irailaren 1etik 2021eko ekainaren 30era bitarteko aldian eginak izan beharko dira.
Bileraren ostean, Jokin Bildarratz sailburuak Eusko Jaurlaritzaren eta udalen arteko lankidetza estuaren garrantzia azpimarratu nahi izan du, batez ere hezkuntza arloari dagokionez: “Pandemiak segurtasun eta higiene neurriak zorroztera behartzen gaitu arlo guztietan, baita hezkuntzan ere. Gure lehentasuna ikasleen eta langileen segurtasuna da, baina baita udalen eta familien lehentasuna ere. Jakitun gara hezkuntza-guneak intentsitate handiagoz garbitzeak erakundeei ahalegin ekonomikoa eskatzen diela, eta akordio honen bidez lan horretan lagundu nahi diegu, udalak egiten ari diren ahaleginari aitortza egitearekin batera”.
Bestalde, Gorka Urtaran EUDELen elkarteburuak adierazi duenez, “Alkateak kezkatuta gaude egoerarekin eta helburu komun bat dugu: gure bizilagunen osasuna babestea, udalerriko gune guztietan eta are gehiago ikastetxeetan. Udalok aparteko ahaleginak egiten ari gara, funts propioen bidez, Covid-19aren aurkako protokoloak aplikatzeko hezkuntza-jarduerarako udal-instalazioen garbiketan. Beraz, eskerrak eman nahi dizkiot Bildarratz Sailburuari eta, hedaduraz, Eusko Jaurlaritzari, gure eskaria entzun eta aintzat hartzeagatik. Horixe da erakundeen arteko norabide bikoitzeko lankidetza-eredua, Herri gisa kohesionatzen gaituena eta euskal udalerri guztientzat defendatzen duguna”.
Covid-19aren aurkako protokoloak
Hezkuntza Sailak 2020-2021 ikasturterako koronabirusaren aurrean jarduteko prestaturiko protokoloek, besteak beste, ikastetxeetan higiene eta garbitasun-neurriak zorrozteko eta indartzeko beharra azpimarratzen dute. Horren ondorioz, aipaturiko protokoloak eta horietan jasotako neurriak behar bezala aplikatzeko, hezkuntza-instalazioen titular diren udalek garbiketako langileak kontratatu behar izan dituzte edo lehendik zeudenen ordu kopurua gehitu, Haur eta Lehen Hezkuntzako udal-titulartasuneko eraikinetarako.
Hezkuntza Sailak ikasturte honetarako aurrez aurreko hezkuntza-jardueraren aldeko apustua egin du, eta horixe da lehentasun nagusietako bat. Horregatik, eta ikasgelek gune seguruak izaten jarrai dezaten, ikasturte honetan erakusten ari diren bezala, garbiketa funtsezko elementua da ikastetxeetan.
Bigarren Lehendakariorde eta Lan eta Enpleguko Sailburuaren Agindua, 2021ko urtarrilaren 22koa, zeinaren bidez bermatzen baita komunitatearentzako funtsezko zerbitzuei eutsiko zaiela Araba, Gipuzkoa eta Bizkaiko zaintzaren esparruan (hirugarren adinekoen egoitzak, etxebizitza komunitarioak eta eguneko zentroak; desgaitasuna duten pertsonei arreta emateko zentroak eta zerbitzuak; etxez etxeko laguntza; telelaguntza; esku-hartze soziala) 2021eko urtarrilaren 26 eta martxoaren 4rako deitutako greban.
EUDELek eta Emakundek sustatzen duten Basqueskola sareak antolatuta, Silvia Soriano ikertzailearekin solasaldia egingo da bihar, urtarrilaren 26an, arratsaldez, emakumezko alkate, zinegotzi eta berdintasun-arloko langileei zuzenduta.
EAEko udaletan dauden 1.200dik gora emakume hautetsiei zuzendutako ahalduntze-, truke- eta eragin-gune horrek bere trebakuntza-programaren barruan antolatu du jardunaldia.
Euskadiko hautetsien % 46 eta alkateen % 29 emakumezkoak dira, eta, honenbestez, Europan gizon-emakumeen arteko oreka handiena duten lurraldeetako bat da.
2021eko urtarrilaren 25ean. Emakumezko euskal alkate eta zinegotziak buru dituen Basqueskola sareak gonbidapena egin dio Silvia Soriano irakasle eta ikertzaileari, politikaren eremuan emakumeen aurkako bortizkeriaren kontzeptua ezagutzen hasteko eta hura identifikatzeko gakoak emateko.
Tokiko emakume hautetsien bizipenei buruz Latinoamerikan egin dituen azterketetan oinarriturik, bortxakeria-mota horren adierazpideez jardungo du Sorianok, baita hura agertzen deneko egoera zehatzez ere. Hitzaldian, azpimarratu egingo da zer-nolako oztopoak eta berdintasun faltak jasaten dituzten erakundeen barruan erantzukizun publikoko karguak dituzten emakumeek.
Izan ere, gaia ez da oso ezaguna eta gutxitan aztertzen da udal-eremuan, hau da, herritarrengandik gertukoenean; horrek interesa piztu die Basqueskolaren talde eragileko hautetsiei, eta horregatik prestatu dute trebakuntza-saioa. Antolatzaileen esanetan, indarkeria-moldeak identifikatzea, baita botere-gune eta erabakiguneetan ere, egiteke dagoen lana da, eta lagunduko luke hobekuntza-ekintzak sustatzen, emakumeek politikan parte hartzeko baldintzak lortze aldera.
Lehenbiziko saio horren helburu nagusia bertaratuko diren emakume hautetsien artean hausnarketa eta eztabaida sustatzea da. Hala, parte-hartzaileek aukera izango dute hizlariari galderak egiteko, osteko solasaldian. Sareak asmoa du etorkizunean azterketa bat egiteko emakumezko hautetsiekin, politikan jardutean desberdintasunak nola atzematen dituzten galdetzeko. Izan ere, kontzientzia hartzea da lehenbiziko urratsa berdintasunik ezaren aurka borrokatzeko.
Hizlaria
Silvia Soriano Konstituzio Zuzenbideko irakaslea eta Extremadurako Unibertsitateko berdintasun-bulegoko zuzendaria da. Ikertzaile modura ibilbide luzea egin du hainbat lantaldetan, Konstituzio Zuzenbideko Sare Feministan adibidez, eta espezializatutako artikuluak argitaratu ditu Politikaren eremuan emakumeen aurkako Bortxakeria aztertuz.
Gaur egun, Soriano ikerketa bat egiten dabil Extremadurako landa- eta udal-eremuko genero-berdintasunari buruz, diagnostikoa eta proposamenak barne.
Emakumezko euskal Alkate eta Zinegotzien Sarea
Europako Udal eta Eskualdeen Kontseiluak (EUEK) 2019ko abenduan egindako azken azterketaren arabera, Euskadi eskualderik aurreratuenetakoa da emakumeek toki-gobernuetan duten ordezkaritzaz den bezainbatean. Emakumezko hautetsien portzentajea % 46koa du Euskadik, eta, horrenbestez, Islandia baizik ez du aurretik (% 47). Aitzitik, Europako (% 29) eta Estatuko (% 32) batezbestekoen oso gainetik dabil.
EUDELek eta Emakundek 2012tik sustatzen duten Virginia Woolf BASQUESKOLA guneak aurrera jarraitzen du, emakumezko alkate eta zinegotzientzat interes handikoak diren gaiei buruzko truke-, analisi- eta elkarrizketa-guneak eratzeko helburua bete nahian.
Basqueskola sarea EAEko udaletako emakume hautetsi guztiei zuzentzen zaie. Egunero tokiko euskal politikan lan egiten duten 1.200 emakume baino gehiago dira; gobernukoak eta oposiziokoak; alderdi politikoetakoak eta herritarren plataformetakoak; udal handietakoak eta txikietakoak.
Basqueskola Sarea estrategiaren helburua politikaren ingurunean aldaketak sortzea da, euskal emakume hautetsien berdintasun erreala errazteko. Horretarako, ezbaian jarri behar dira emakumeen eta gizonen berdintasunezko parte-hartze soziopolitikoa oztopatzen duten estereotipoak eta rolak.
Joan den 2020/12/31n, Estatuko 2021erako Aurrekontu Orokorrei buruzko abenduaren 30eko 11/2020 Legea argitaratu zen BOEn.
Lege horrek, III. tituluko I. kapituluan, sektore publikoaren zerbitzuko langileen gastuak arautzen ditu, eta, zehazki, 18. artikuluan, 2021eko ekitaldirako ordainsari-igoeren mugei heltzen die, eta honako hau arautzen du:
(…)Bi. 2021. urtean, sektore publikoaren zerbitzura dauden langileen ordainsariek ezin izango dute ehuneko 0,9ko igoera baino handiagoa izan 2020ko abenduaren 31n indarrean zeudenekiko, bai langile kopuruari, bai antzinatasunari dagokienez, alderaketaren bi aldietarako homogeneotasuna mantenduz. Gizarte-ekintzako gastuak, oro har, ezin izango dira handitu 2020koen aldean. Horri dagokionez, gizarte-ekintzako gastuak egindako lanagatiko kontraprestazioez bestelako onurak, osagarriak edo hobekuntzak direla jotzen da, sektore publikoaren zerbitzura dauden langile horien inguruabar pertsonalen ondoriozko premia jakin batzuk asetzea helburu dutenak.
Aurrekoa ikusita, abenduaren 30eko 11/2020 Legea indarrean sartu ondoren, eta Eudelek aurreko ekitaldietako ordainsari-igoerei dagokienez egin duen bezala, egin ditzakeen interpretazioak argitze aldera, egokitzat jotzen da euskal udalei honako hau egitea:
GOMENDIOA
11/2020 Legearen 18 Bi artikuluaren edukiari dagokionez, Eudelek gomendatzen du sektore publikoko langileen ordainsariak handitzea, 2021/01/01etik aurrerako ondorioekin, legez onartutako gehienekoa, hau da, 2020ko abenduaren 31n indarrean zeudenekiko %0,9, konparazioaren bi aldietarako, bai langile kopuruari, bai antzinatasunari dagokionez, homogeneotasuna mantenduz.
Gomendio horren bidez, Eudelek lege-agindu horren irismen juridikoa argitu nahi du, eta horrek guztiak negoziazio kolektiboaren esparruan etorkizunean aurrera egiteko bidea erraztuko duelakoan, UDALHITZ Akordio arautzaile berri bat lortu ahal izateko.
Era berean, EUDELek berretsi du garrantzitsua dela “UDALHITZ 2008-2010 Akordioa” bere terminoetan betetzea, lortutako akordioak benetan betetzean baitago haren berme nagusia, eta, gainera, sektoreko akordio berri bat lortzeko legitimazio gisa balio du. Ildo horretan, gaur egungo UDALHITZ 2008-2010 betetzeak izan ditzakeen hutsuneak konpontzeko tresnak, azken zirkularretan gogorarazi dizuegun bezala, erakunde bakoitzean gaitutako “jarraipen-mahaiak” izan beharko luke. Gogorarazten dizuegu mahai hauen xedea dela, soil-soilik, egungo UDALHITZ
2008-2010 Akordioan gerta daitezkeen balizko ez-betetze puntualak konpontzeko akordioak erraztea, eta ez dutela ireki behar kanpoko gaiei buruzko edozein negoziazio-prozesu, zeinaren aplikazio-eremua EUDELen eta sindikatuen arteko UDALHITZ Negoziazio Mahai Orokorrean dagoen.
Tokiko Zuzenbidearen Euskal Mintegia EUDELek eta IVAPek elkarrekin diseinatzen duten prestakuntza-eskaintzaren barruan sendotuta dagoen programetako bat da, eta 15. edizioa izango du aurtengoa.
Bestalde, Gorka Urtaranek azpimarratu duenez, “indarkeria matxistaren aurrean, toki erakundeen esku-hartzea funtsezkoa da, indarkeria horrek gure udalerrietako emakumeen bizitza eta eskubideak erasotzen ditu.” EUDELen elkarteburuak honako hau azaldu du: “Udalok ezinbesteko zeregina dugu gure herritarrei kontzientziatzeko eta komunitate osoa inplikatzeko emakume biktima-bizirauleei babesa eta aitortza emateko. Horrez gain, lagundu behar diegu ahalduntzeko eta autonomia pertsonala berreskuratzeko prozesuan”.
Argitalpenaren egituran honako atal hauek daude: kontzeptuetara hurbiltzea, arauen aipamena eta erreparazio printzipioaren garapenean udal arduradunek aintzat hartu beharreko araudia eta jarraibideak.
