• Ekainaren18tik aurrera eta bost egunez jardunaldi teknikoak egingo dira Vitoria-Gasteizko Europa jauregian.
• EEEk Alkateen Itunari buruzko jardunaldia antolatu du ekainaren 18rako, eta Euskadin ibilgailu elektrikoaren garapenaz jardunaldi monografiko bat ostiralerako, hilaren 22rako.
Informazio osoa: web orrira esteka
Abian da 2012ko Beldur Barik! programa, HAMAIKA JARRERA, HAMAIKA AUKERA! izenburupean. Lehenengo jarduera ikus-entzunezko lehiaketa izango da, gazteen arteko harremanetan balio positiboak sustatzea xede duena; zehazki, errespetua, berdintasuna eta indarkeria sexistaren prebentzioa sustatzea.
Aurten, irudi berri batekin datorkigu Beldur Barik: komikiaren estetikaren ukitua du irudi horrek, eta, irudi errealaren eta marrazkiaren bidez, eguneroko bizitzako hainbat egoeratan “heroi” modura ageri diren neska gazteak erakusten ditu.
Beldur Barik! urtez urteko programa gazteen artean indarkeria sexistaren prebentzioa lantzeko xedez sortu zen, 2009an, Eudelek bultzatuta eta berdintasunaren aldeko euskal udalen Berdinsarea sarearen ekimenez. Gaur egun, euskal erakunde guztien babesa dauka programak: Emakunde, Eusko Jaurlaritzako Genero Indarkeriaren Biktimei Laguntzeko Zuzendaritza, eta Arabako, Bizkaiko eta Gipuzkoako Foru Aldundiak. Ekimenarekin lankidetzan dihardute, gainera, Eusko Jaurlaritzako Hezkuntza Sailak, Euskal Herriko Unibertsitateak (UPV/EHU) eta EITBk.
Beldur Barik III. Lehiaketa
Beldur Barik! lehiaketa gazteei begira antolatzen da (12 eta 26 urte bitarteko gazteei begira). Hirugarren urtea du aurtengoa, eta aurreko deialdian 250 lanetik gora aurkeztu ziren; bistan da, beraz, arrakasta handia duela eta urtez urte sendotzen ari dela.
> Lanen formatua: ikus-entzunezkoa (bideoak, argazkiak, musika…), eta edozein diziplina artistiko erakusten duena (dantza, pintura, performancea, antzerkia…). Banakoek egindako lanak nahiz talde, elkarte, ikastetxe edo ikasgeletan egindakoak aurkeztu ahal izango dira.
> Sailak: lehiaketan, bi sail bereizi dira: 12 eta 17 urte bitarteko gazteen saila, eta 18 eta 26 urte bitartekoena.
>Hiru sari: sail bakoitzeko bi sari banatuko dira, 1.000 eurokoak. Ikus-entzunezkoen arloan adituak diren kideek eta erakundeen ordezkariek osatutako epaimahai batek emango du sail horien gaineko epai ofiziala (azaroaren 16tik 19ra bitartean). Eta beste sari bat ere izango da, 300 eurokoa, Beldur Barik programaren YouTubeko kanalaren bidez egingo den herri-bozketa bidez (azaroaren 14ra bitartean) aukeratutako lanarentzat.
Saridunen izenak ezagutzera emateko, azaroaren 24a aukeratu da; hain zuzen ere, egun horretan egingo da Beldur Barik Topaketa, urtero antolatu ohi den jaialdia, eztabaidak, prestakuntza tailerrak eta jarduera ludikoak biltzen dituena.
> Parte hartzeko epea: lanak aurkezteko epea urriaren 31ra arte egongo da zabalik. Proposamenak posta elektronikoz igorri behar dira, honako helbide honetara: jarrera@beldurbarik.org
Informazio gehiago: www.beldurbarik.org
Euskadiko udaletan erantzukizun politikoko eginkizunak betetzen dituzten emakumeek parte hartu ahal izango dute eskolan, hala gobernukoek, nola oposiziokoek. Emakundek eta Biktimei Laguntzeko Zuzendaritzak esku hartzen dute proiektuan, instituzio lankide gisa.
Proiektu berri honen bidez, EUDELek Euskadiko alkate eta zinegotzi andreen jabekuntza lortu nahi du, hartara, lider gisa aritu daitezen, Euskadiko udalerri guztietan berdintasunari buruzko politikak sendotzeko lanetan.
JUSTIZIA ETA HERRI ADMINISTRAZIO SAILA; HAEE
EBAZPENA, 2012ko maiatzaren 24koa, Herri Arduralaritzaren Euskal Erakundeko zuzendaria Udal-administrazioei diru-laguntzak emateko 2012ko aurrekontu orokorretan IVAPentzat izendatutako dirua jakitera ematen duena. Helburua: lanpostuan derrigorrezko hizkuntza-eskakizuna izanik euskarazko klaseetara joaten diren udal-administrazioetako langileak ordezkatzea. Era berean, euskarazko klaseetara doazen langileak ordezkatzeagatik diruz lagun daitezkeen moduluei dagozkien diru-kopuruak eguneratzen dira.
http://www.euskadi.net/cgi-bin_k54/bopv_41?c&201202468
ARGITARATU DIRA ONDASUN HIGIEZINEN GAINEKO ZERGAREN (OHZ) FORU ARAUAREN ALDAKETAK
Maiatzaren 30ean (asteazkena), Ondasun Higiezinen gaineko Zergari buruzko ekainaren 30eko 9/1989 Foru Araua aldatzen duen maiatzaren 23ko 4/2012 Foru Araua argitaratu zen. Bizkaiko Foru Aldundia katastroa berrikusteko egiten ari den prozeduraren barruan egindako aldaketa da; horren arabera, katastro-balio berriak 2013ko urtarrilaren 1ean sartuko dira indarrean. Ondorioz, udalek 2012ko ekainean hartu behar dute zerga-tasei buruzko behin-behineko erabakia, eta Aldundira bidali 2012ko uztailaren 1a baino lehen.
Hori dela eta, soilik katastroa berrikusteko prozedurari buruzko arloei mugatutako behin-behineko akordioa prestatu dugu, udalek prozedura horren markoan egin behar duten lana errazteko asmoz. Aipatutako lanen barruan daude zerga-tasari buruzko akordioa hartzea eta hautazko hobaria ezartzeko aukera, Diru-sarreren Bermerako Errenta jasotzen duten eta ohiko etxebizitza baten jabe diren pertsonei aplika dakiekeen zergaren kuotetan izan daitezkeen igoerak leuntzeko.
Akordio ereduan zuriz dauden atalak bete behar dira, eredu hori udal bakoitzak hartutako akordiora egokitzeko. Era berean, agiria hobeto bete ahal izateko, 30 azalpen-ohar jarri dira orrialdearen behealdean.
Ondorengo loturen bitartez, agiri hauek eskuratu daitezke:
Eusko Jaurlaritzak eta EUDELek lankidetza-hitzarmen bat sinatu dute euskal udalerrietan berrikuntza bultzatzeko.
Eusko Jaurlaritzaren Industria, Berrikuntza, Merkataritza eta Turismo Sailaren eta EUDELen arteko lankidetza-harremanak ezartzen ditu hitzarmenak, Tokiko Berrikuntza Agenda zabaltzeko Euskadiko udaletan.
2012. urterako 150.000 euroko aurrekontua duela, tokiko administrazioetan berrikuntza, modernizazioa eta gardentasuna sustatzeko ekintza-plan bat bultzatzea ahalbidetuko du hitzarmenak.
2015eko Agenda Digitalari loturiko ekintza horretan 20 udalek parte hartzen dute jada, eta beste 13udal ere gehituko zaizkie.
Emplegu Planak Dinamizatzeko Laguntzak 2012
Eusko Jaurlaritza (Lan eta Gizarte gaiak)
AGINDUA, 2012ko maiatzaren 9koa, Enplegu eta Gizarte Gaietako sailburuarena, Eskualdeko Enplegu Planak dinamizatzeko laguntzetarako deialdia egiten duena.
AGINDUA, 2012ko apirilaren 24koa, Kulturako sailburuarena, Euskal Autonomia Erkidegoko toki-entitateetan Euskara Biziberritzeko Plan Nagusia (EBPN) garatzeko diru-laguntzak emateko modua arautzen duena.
