Sailetako Albisteak

02.07.2020 Berdintasuna

EUDELek eta Emakundek online jardunaldi bat antolatu dute emakumezko alkate eta zinegotzientzat, feminismoak udal politikan duen eraginari buruz

‘Virginia Woolf Basqueskola’ tokiko hautetsien sareak webinar bat antolatu du uztailaren 3rako, “Feminismoa eta eraldaketa politikoak” gaiari buruz, Mari Luz Esteban antropologo feministaren eskutik.

EUDELeko ordezkari Angela Eguiak (Gordexolako alkatea) eta Emakundeko zuzendari Izaskun Landaidak irekiko dute jardunaldia, 16:30ean. Streaming bidez ikusi ahal izango da, webgune honetan: virginiawoolfbasqueskola.eus

Hitzaldiaren ondoren, lau udal hautetsik gidatutako solasaldia egingo da. Webinarrean izena ematen duten emakumezko alkate eta zinegotziek modu aktiboan parte hartu ahal izango dute, zoom plataformaren txataren bitartez galderak eta iruzkinak eginez.

Bilbao, 2020ko uztailaren 2a. UPV/EHUko gizarte antropologiako irakaslea, feminista, aktibista eta jardunaldi honi izenburua eman dion El feminismo y las transformaciones de la política liburuaren egilea den Mari Luz Esteban izango da ekimenaren hizlari nagusia. Gakoak emango ditu ondoren Euskadiko lau hautetsi hauek egingo duten solasaldirako: María Teresa Córdoba Fernández, Lapuebla de Labarcako alkatea; Pilar Legarra Cortajarena, Asteasuko alkatea; Paula Amieva Clemente, Getxoko zinegotzia, eta Idoia Inoriza Bustamante, Muskizko zinegotzia.

Nola eragiten dute mugimendu feministek politika instituzionalaren esparruan eta, zehazkiago, tokiko politikaren esparruan? Zer onura dakar mugimendu feministaren eta politika instituzionalean zuzenean parte hartzen duten emakumeen (alkateak, zinegotziak eta teknikariak) arteko harreman bizi eta aberasgarriak? Gai horiek jarriko dira mahai gainean jardunaldian, besteak beste, eta gai nagusia izango da Euskadin mugimendu feministak azken hamarkadetan bizi izan dituen aldaketak eta horiek zer eragin izan duten politikaren esparruan.

EUDELek eta Emakundek 2012. urtetik sustatu duten Virginia Woolf Basqueskola espazioak aurrera jarraitzen du, Euskadiko emakumezko tokiko hautetsientzat interes handikoak diren gaien inguruko truke, analisi eta eztabaida espazioak antolatzeko lanean. Basqueskola sareak alkate eta zinegotzien lan politikoa babesten du, eta haiek ahalduntzen eta berdintasuneko tokiko politikak ezartzen laguntzen du. Basqueskola espazio parte-hartzaile eta plurala da; aliantzak sortzen ditu Euskadiko udaletan ikuspegi politiko guztietako hautetsien artean, hala gobernuko nola oposizioko hautetsien artean.

Informazioa guztia, hemen: www.virginiawoolfbasqueskola.eus

@basqueskola basqueskola@eudel.eus

Hizlaria:

Mari Luz Esteban. Medikuntzan lizentziaduna eta gizarte antropologian doktorea. Familia plangintzako mediku gisa egin zuen lan 1984tik 1996ra arte. 1994tik gizarte antropologiako klaseak eman izan ditu Leóngo Unibertsitatean lehenengo, Nafarroako Unibertsitate Publikoan (UPNA-NUP) ondoren, eta, gaur egun, Euskal Herriko Unibertsitatean (UPV-EHU). Aditua da antropologia feministan, baita REDAMeko (Medikuntzaren Antropologiaren Latindar Sarea) kidea ere. Bere ikerketek ardatz dituzte Medikuntzaren Antropologiaren esparrua, Antropologia Feminista, eta Gorputzaren eta Emozioen Antropologia. 1980. urtetik, ekimen eta elkarte feminista ugaritan parte hartu izan du: Bizkaia Emakume Asanbladaren kide izan zen, baita Mendekotasunari Arreta eskaintzeko Euskal Sistema Publikoaren aldeko Plataformako kidea ere. Gaur egun, Basauriko Emakumeen Taldeko (Bizkaia) eta Marienea Elkarteko (Basauriko Emakumeen Etxea) kidea da; lehenengo horretan, bere unibertsitate garaitik da kidea. Liburu ugari idatzi ditu; hauxe da azkena: El feminismo y las transformaciones de la política; hain zuzen, hori hartu da erreferentziatzat jardunaldi hau antolatzeko.

30.06.2020 Tokiko Garapena eta Enplegua

EHAAn argitaratu da enplegua sustatzeko toki-ekintzetarako 2020ko dirulaguntzen deialdia

Gaurko EHAAn argitaratu den Lanbide-Euskal Enplegu Zerbitzuko zuzendari nagusiaren ebazpenaren testua, zeinaren bidez argitara ematen den enplegua sustatzeko toki-ekintzetarako 2020ko dirulaguntzen deialdia, 42.000.000 de euroko kopuruarekin.

eranskinean aurrekontuaren banaketa ageri da lurralde-eremuen arabera eta langabezia-tasen arabera.

Diruz lagundu daitezkeen proiektuak 4 motatakoak dira:

MOTA. Enplegua sustatzea
MOTA. Kontrataziorako laguntzak
MOTA. Proiektu estrategikoak
MOTA. Laneratzen laguntzeko jarduerak

Eskabideak egiteko epea hilabete batekoa da 1. motan eta 2. motan, deialdia EHAAn argitaratzen denetik, eta urriaren 16ra arte 3. motan eta 4. motan.

Ikusi 2020ko DIRULAGUNTZEN DEIALDIA

29.06.2020 Ogasuna eta Finantzak

Bizkaiko udalerriek 18 hilabeteko epean itzuliko dute datu guztien arabera negatiboa izango den Udalkutxaren 2020ko likidazio negatiboa.

Gaur goizean Finantzen Lurralde Kontseilua bildu da eta bertan Udalkutxa 2020 Bizkaiko udalerriei aurtengo bigarren seihilekoan, hau da, 2020ko uztailetik abendura bitartean, biak barne, kontura eman beharreko zenbatekoak % 20 murrizteko udalen proposamena onartu da.

Bizkaia, 2020ko ekainak 29. Bizkaiko Finantzen Lurralde Kontseiluak Udalkutxa, Udal Finantzaketarako Foru Funtsaren, seguruenik negatiboa izango den 2020ko likidazioa malgutzea erabaki du. 18 hilabeteko epean egingo da, aurtengo uztailetik hasita. EUDELen lurralde batzordeak ekainaren 24an onartu zuen proposamen hori, eta gaur onartu dute.

Horrela, lurraldeko udalek Udalkutxa Udal Finantzaketarako Foru Funtsaren konturako ekarpenen % 20 jasotzeari utziko diote, 2020ko ekitaldiari dagokionez. Era berean, udalerriek Udalkutxa 2020ren likidaziotik eratorritako itzuli beharreko zenbatekoak, hala badagokio, lehenik eta behin, aurreko urteko likidazioaren ondoriozko eskubideen bidez konpentsatuko direla erabaki da, eta konpentsazioa egin ondoren itzuli gabeko zenbatekorik geratzen bada, zorra hilero zatituko dela 2021eko abendura arte.

Azkenik, Finantzen Lurralde Kontseiluak egokitzat jotzen diren ezohiko bilerak egitea erabaki du, datozen hilabeteetan zergen bilketa nola gauzatzen den aztertzeko eta, ondorioz, horrek Udalkutxa Funtsean izan dezakeen eragina aztertzeko. Horretan oinarrituta, Bizkaiko Finantzen Lurralde Kontseiluak une bakoitzean dauden egoera ekonomikoetara egokitzeko behar diren ekintzak proposatuko ditu.

28.06.2020 Berdintasuna

Berdinduren Ekainak 28ko komunikatua , sexu-askapenaren nazioarteko egunean

LGTBI kolektiboa, berriro biltzen da ekainaren 28an, aurten ere, euskal gizartearen aurrean eskubideak eta bizikidetza aniztasunetik aldarrikatzeko., 1969ko ekainaren 28an, joan den urtean 50. urteurrena ospatzen ari ginela, Stonewalleko errebolta gertatu zen New Yorken, eta data hori bihurtu da, urtero, gure aldarrikapenak eta lorpenak agerian jartzeko eguna; ezinbestean, data hori izan behar da oraindik lortu gabe dugun guztia agerian jartzeko eguna ere.

Eusko Jaurlaritzaren LGTBI kolektiboarentzako Informazio eta Laguntza Zerbitzua den Berdindu zerbitzu publikoak, eskerrak eman nahi ditu bizitza eta ahaleginak eman dituzten pertsona guztiei sexu-askapenaren aldeko borrokaren alde, eta, gaur egun, gizartea sentsibilizatzeko, kontzientziatzeko eta eraldatzeko lana antolatzen eta gauzatzen jarraitzen dutenei. Era berean, hemen eta gure mugetatik kanpo isilik irauten duten pertsona guztiak aitortu eta ahaldundu nahi ditu. Eta oso bereziki 2020. urte honetan, hain ohikoa ez den egoera bat bizitzen ari garen honetan.

Mundu guztian zehar etxeetako itxialdi orokorrera behartu gaituen pandemiak, kolektiboko pertsona asko erabateko babesgabetasunera eta ikusezintasunera eraman ditu. Eman diren egoera askoren artean, arreta jarri nahi dugu beren bizikidetza-ingurunean armairuan berriz gordetzeko betebeharra ikusi duten pertsona guztiengan, bai eta hurbileko pertsonen zainketen zama beren gain hartzen duten eta honengatik, aldi honetan bereziki bakardadea eta urruntasuna jasan duten LGTBI kolektiboko pertsona guzti horiengan.

Berdindu! -n argi dugu ezin dela adi egoteari utzi. Azken urteotan, agerikoa da faxismoa defendatzen duten taldeen itzulera eta foro publiko jakin batzuetatik ere egiten diren saiakerak, LGTBI kolektiboaren eskubideei buruzko zalantzaren hazia mahai gainean jartzea, bai eta pertsona guztien berdintasunari buruzkoa ere.

Horregatik uste dugu berebiziko garrantzia dutela bizitza eta eskubideak babesten dituzten lege arau berrituak. Oso garrantzitsua da, halaber, LGTBI kolektiboaren egungo errealitatea ezagutzea, hiri-zurrumurru eta -kondairez gain, egiaztatutako eta kuantifikatutako datuekin.

Ikusgaitasun lesbiko, trans eta bi-en egunak, trans despatologizazioaren aurkakoak, LGTBIfobiaren kontrakoak… bat egiten dute gaur egun, garen bezala izatearen eta nahi dugun bezala desiratzearen harrotasunaren aldarrikapenean, bakoitza bere erara, denak eta anitzak.

Hori guztiagatik, Berdindu!-tik pertsona guztiei egun hau sexu-askapenaren alde egiten ari garen aurrerapen guztiak ospatzeko aprobetxatzera animatzen ditugu.

COVID-19ren urtean, oso konplexua da LGTBI kolektiboarentzat kalera irtetea errealitatea ikusarazi eta aldarrikatzera. Gainera, arduragabekeria litzateke herritarrei kalean bilera masiboak egitera deitzea. Baina, krisietatik aukerak atera behar dira, eta, horregatik, ez da aukera galdu behar denboraldi honek gure gizartea eraldatzeko eman duen hausnarketan; eta hori egin beharra dago banantzen gaituen guztia kenduz eta izateko eta adierazteko askatasuna eman behar diren bizikidetza-arauak indartuz, LGTBI kolektiboko pertsonei, eta gainerako pertsona guztiei.

Herritarrei eskatzen diegu, beraz, sentsibilizazio- eta aldarrikapen-ekitaldi guztiekin bat egin dezatela, foro publikoetatik, komunikabideetatik eta sare sozialetatik erakuts dezatela gaur aniztasunaren aldeko borroka-eguna dela, eta balkoietan eta leihoetan bandera zintzilika dezatela.

25.06.2020 Euskara

EUDEL ere arigune izango da Euskaraldiaren bigarren edizioan

Aurtengo edizioan, azaroaren 20tik abenduaren 4ra, EUDEL euskaraz eroso aritzeko gunea izango da ohi bezala. Bigarren edizio honetan, entitateek herritarrekin duten harremanean ere ekimenaren rolak sartuko dira, eta edizio berriak ekarri duen hirugarren rol horren parte izango da EUDEL.

Konpromiso honekin batera, Euskadiko Udalen Elkarteak orain egiten duen lana indartu ahal izango du, bai udal guztiei, bere helburuen barruan, informazioa eskatutako hizkuntzan igortzean, bai administrazioetan hizkuntzen erabilera normalizatzeko inplikazioan, aspalditik bultzatu baititu berariazko sustapen-ekimenak eta -planak, jardunaldiak, argitalpenak eta matrikulazio-kanpainak, besteak beste.

Hortaz, antolatu ere egiten duen ekimen honekin bat egingo du bere bi alderdietan, izan ere, EUDEL udalerrien koordinazio-mahaiaren parte baita, Hizkuntza Politika Sailburuordetza, Euskaltzaleen Topagunea eta UEMArekin batera.

Azken berriak

Udaletan ariguneak osatzeko proposamena

Azaroaren 20tik abenduaren 4ra bitartean egingo dugu aurtengo EUSKARALDIA ariketa, 15 egunez jarraian. Egoeraren kontziente gara, eta arestian aipatutako elkar zaintza eta gertutasuna behar-beharrezkoak ditugu. Bide horretan, gure arteko sareak ehuntzea oso garrantzitsua da, eta konbentzituta gaude Euskaraldiak horretan lagunduko duela. Horregatik, herritarren hizkuntza-ohiturak aldatzeko duela bi urte hasitako bideari jarraipena emango diogu aurten ere. Euskara gehiago, gehiagorekin eta gehiagotan erabiltzea da helburua, sano eta naturaltasunez, premiazkoa iruditzen baitzaigu euskararen erabilera berrindartzea.

Une honetan 300 udalerritik gora daude Euskaraldia antolatzeko martxan. Horretarako, bi zutoinak behar ditu: euskalgintza soziala eta instituzionala.

Udaletan ariguneak osatzeko deia, irailaren 27ra arte

Aurtengo edizioko berritasun nagusiena ariguneak dira: euskaraz lasai aritzeko guneak. Espazio hauetan, euskaraz dakitenek eta ulertzen dutenek beraien arteko harremanak euskaraz ehuntzeko aukera edukiko dute, patxada osoz, bai entitate barruko jardueran zein kanporakoan, herritarrekin duten tratuan. Mota guztietako elkarte, enpresa zein erakundeetan ariguneak osatu eta hizkuntza praktikak eraldatzeko aukera eman nahi diegu ahobizi eta belarriprestei, eremu ezberdinetako langile, bazkide edo kideek hizkuntza erabilera-sare berriak eraiki ditzaten.

Esan gabe doa: badakigu gure herrietako entitateen egoera izugarri zaildu dela larrialdiaren kausaz. Ondorioz, ardura eta adeitasunez jokatzea dagokigu, unean uneko estutasunak kontutan hartuta landuz beraienganako zubiak, beti ere jarrera ulerkor eta eskuzabala erakutsiz.

Entitateek izena emateko epea ireki da dagoeneko, eta herrietako batzordeak hasiak dira jada enpresa, elkarte eta erakundeetan ariguneak antolatzeko lanetan. Gutun honen bidez, zuen herri batzordeko eragile gisa ekimenaren bideratzaile izateaz gain, entitate moduan ere Euskaraldian parte hartzeko lanketarekin hasteko gonbita luzatu nahi genizueke, udaleko sail ezberdinetan ARIGUNEAK identifikatuz, eta Euskaraldian aritzeko lehen urratsak emanez. Horretarako, www.euskaraldia.eus atarian edo entitateak@euskaraldia.eus helbidearen bidez gurekin harremanetan jarrita aurkituko duzue beharrezko informazio guztia.

*Entitateen izen ematea irailaren 27a arte dagoela zabalik.

25.06.2020 COVID19

BERDINSAREAK lehen “berdinlanak” jarri ditu martxan, udalen berdintasun politiketatik abiatuta COVID-19aren eraginari aurre egiteko

Gaur egingo da “Genero ikuspegia normaltasun berrian” berdinlana lehen bilera, COVID-19ak eragindako egoeran berdintasun politikei eusteko EUDELek egindako azken gomendioen ildotik. Batzorde honetan hiru lurraldeko hogei bat udalerrik parte hartzen dute.
Udal txikien berdinlana eta indarkeria matxistarena dira ekainetik abian egongo diren beste bi batzorde.
Berdintasunaren aldeko eta emakumeenganako indarkeriaren kontrako Euskadiko udalen Sarea 2006an sortu zen; EUDELek koordinatzen du, Emakunderekin elkarlanean. Europako Udalerri eta Eskualdeen Kontseiluak (CMRE) esperientzia eredugarritzat jo du.
Berdinsarean, 69 udalerritako teknikari eta politikariek diseinatu eta adosten dituzte ekintza eta irizpide komunak, eta udal guztietara hedatzen dira EUDELen bitartez. Sareari atxikitako udalerriak

Bilbo, 2020ko ekainaren 25a. BERDINSAREAK ez du jarduna eten alarma egoerak iraun duen bitartean. EUDELek eta Emakundek bultzatutako sare hau udalentzako erreferente nagusia da, eta oso aktibo egon da alarma egoeran eta itxialdian. Hilabete hauek balio izan dute hausnarketa estrategikoa abiarazteko bi batzorderen bitartez: bata politikariekin martxoan, eta bestea berdintasuneko teknikariekin maiatzean.

Berdinsareak “normaltasun berriaren” etapari aurre egiten dio, berdintasuneko tokiko politiken norabide berria eta emakumeenganako indarkeriaren kontrako borroka diseinatzeko aukera bat bezala.

EUDELek ekainaren 11n emandako azken gomendioen ildotik, berehalako helburua da udaletan Berdintasun politikak, baliabideak eta programak eustea eta indartzea, atzerapausorik egon gabe, COVID-19 pandemiak sortutako egoeran.

Berdinlan: “Genero ikuspegia normaltasun berrian”

Gaur, osteguna, 10:30ean, lehen saioa egingo da modu telematikoan. Batzorde hori hogei bat udalerrik osatzen dute Abadiño, Azkoitia, Elorrio, Elgoibar, Galdakao, Getxo, Oñati, Ordizia, Urduña, Vitoria-Gasteiz eta Zallako Udalen, Urola Garaiako mankomunitatearen eta Aiarako eta Gorbeialdeko koadrilen artean.

Abiapuntua: emakumezkoen eta gizonezkoen artean dauden eragin bereizgarriak aztertzea eta egungo egoeran berdintasuneko udal politikek zer eragin duten ikertzea, pandemiaren ondoriozko eraginak eta ezarritako kontrol-neurriak kontuan hartuta.
Helburua: udal politikak bideratu eta indartzea, pandemiaren eragin negatiboa konpentsatzeko eta, bereziki, genero-arrakala saihesteko COVIDaren osteko etapan aplikatuko diren ekintzetan.

Irizpide komunak eta jardunbide onak

Berdinsarea EUDELen baitan koordinatzen da, zenbait batzorderen bitartez, udaletako politikari eta teknikarien parte-hartzearekin. Batzorde bakoitzak gai zehatz bat jorratzen du, eta udalen talde batekin egiten du lan. Une honetan, hiru batzorde daude aktibo: udal txikiei babesa emateko batzordea, genero ikuspegia udal politikan batzordea eta indarkeria matxistaren kontrako batzordea.

Batzorde bakoitzaren emaitzak askotarikoak dira: gidak, gomendioak edo adierazpen instituzionalak ‒A25 eta martxoak 8, adibidez‒ eta tokiko ekintzako programa eta protokolo bateratuak ‒ Irizpide komunak eta jardunbide onak EAEko udal guztiekin partekatzen dira EUDELen bitartez.

Berdinsarea “esperientzia eredugarritzat” jo du Tokiko Bizitzan Berdintasunaren aldeko Europako Gutunaren Behatokiak (CMRE https://charter-equality.eu/). Daukan ibilbide luzean, Euskadiko sarea inspirazioa eta erreferentzia izan da Europako eta Estatuko udalen sare batzuentzat.

Zer da Berdinsarea: https://www.eudel.eus/destacados/berdinsarea/eu/

24.06.2020 COVID19

Adinekoentzako zentroetan jarduerara itzultzeari buruzko osasun-gomendioak

Gomendio-dokumentu hau antolaketa-neurri orokor, higieniko eta teknikoen bilduma gisa ulertzen da, eta adinekoen zentro bakoitzaren berezitasunetara egokitu beharko dira.

Langile guztien erantzukizuna da ezarritako babes-neurriak zorrotz betetzen laguntzea, COVID-19 gaitzaren zabalpena kontrolatu eta murrizteko.

COVID-19 pandemiaren bilakaerak sortutako egoeraren ondorioz, herritarren osasuna babesteko ezohiko neurriak hartu behar izan dira; besteak beste, Euskadiko adinekoen zentroetan jarduera etetea.

Aldi hori igaro eta gero, egoera epidemiologikoaren ondorioz, martxan jarri da deseskalada, normaltasun berrira itzultzeko, oinarritzat hartuta hala araudia nola Eusko Jaurlaritzako Bizi Berri Plana. Izan ere, helburua da apurka-apurka kentzea neurri bereziak, mugikortasuna eta kontaktu soziala murrizteko jarriak.

2020ko ekainaren 19an, Osasun sailburuaren agindua argitaratu zen, zeinak jasotzen baitzuen zer prebentzio neurri hartu behar ziren COVID-19ak eragindako osasun-krisialdiari aurre egiteko, normaltasun berrirako trantsiziorako planaren III. fasea gainditu eta gero.

JEITSI GOMEDIOEN DOKUMENTUA (PDF)

Eusko Jaurlaritzaren Osasun Sailak egindako dokumentua

XEDEA

Adinekoentzako zentroetara itzultzean COVID19 gaitzaren transmisioa minimizatzeko eta kontrolatzeko prebentzio-neurri orokorrak ezartzea.

ERANTZUKIZUNAK

Inplikatutako pertsona guztien ardura da, bai erabiltzaileena, bai langileena, bai zentrora joaten direnena, COVID-19 gaitzaren transmisioa kontrolatu eta murriztera bideratutako prebentzio-neurriak betetzen laguntzea.

SEGURTASUN- ETA HIGIENE-NEURRIAK

Adinekoentzako zentroetan, COVID19 gaitza kutsatzea prebenitzeko, arnas-tanten bidezko transmisio zuzenean jardun behar da, eta azalera kutsatuen bidezko kontaktuko zeharkako transmisioan.

Badira hainbat ekintza, batuta, oso murriz dezaketenak SARS-CoV-2 gaitza transmititzea, eta bost ildotan batu daitezke:

1,5 metroko segurtasun-distantzia mantentzea pertsonen artean. Oinarrizko neurria da, infekzioa transmititzen duten arnas-tanten eremutik kanpo egoteko. Tanta horiek hitz egitean edo doministiku edo eztul egitean sortzen dira.
Maskarak erabiltzea eta arnas-higienea. Arnas higienekoari eusteko eta infekzioa zabal ez dadin, maskarak erabili behar dira jendea hurbil dagoenean eta ezin zaionean 1,5 metroko segurtasun-tarteari eutsi pertsonen artean. Maskararik ez badaukagu doministiku edo eztul egitean, garrantzitsua da erabili eta botatzeko musuzapiak erabiltzea, ahoa eta sudurra estaltzeko; bestela, ukondoa tolestuta jarri behar da horretarako.
Esku-higienea. Neurri garrantzitsua da, eskuek gainazaletatik transmiti dezaketelako birusa. Uraz eta xaboiaz garbitu daitezke, edota disoluzio hidroalkoholikoekin.
Garbitzea, desinfektatzea eta aireztatzea. Sarritan garbitu eta desinfektatu behar dira pertsonekin kontaktuan dauden azalerak. Aldian-aldian eta egokiro aireztatzea ere garrantzitsua da espazio itxietan kutsatzeko arriskua gutxitzeko.
Kontaktu-kopurua murriztea. Mugatu egin behar da talde-jardueretan parte hartzen duten pertsonen kopurua. Ahal dela, jarduerak talde txikiagoetan egin behar dira, talde egonkorrak osatuz eta distantziei eutsiz pertsonen artean.

ANTOLAMENDU-NEURRIAK

Sarrerak kudeatzea. Jendea sartu eta irteten denean, ahal dela, ez da aglomeraziorik sortu behar, eta segurtasun-tarteei eutsi behar zaie. Pertsonen arteko harremanak murrizteko alternatibak aztertu behar dira, adibidez, zentrora aurrez ezarritako orduetan joatea.

Espazioak okupatzeko maiztasunak eta txandak (areto komunak). Espazio batean pertsonen arteko 1,5 metroko distantziari eustea ezinezkoa denean, ordutegietan eta okupazio-denboretan (iraunkortasuna) aldaketak ezarriko dira, eta espazio horien erabilera ahal den neurrian mailakatzen saiatuko da.

Talde txikiak eta egonkorrak. Ahal den neurrian, jarduerak talde txiki eta egonkorretan egin daitezen saiatu behar da. Taldeak zenbat eta txikiagoak izan, orduan eta txikiagoa izango da transmisio-probabilitatea, eta kontaktuen miaketa eraginkorragoa izango da. Talde bakoitzak egunean zehar instalazioaren eremu bera erabiltzeko ahalegina egingo da.

Espazio komunetako altzariak egokitzea. Altzari finkoak jarrita bermatuko da segurtasun-tarteei eustea. Espazio komunetatik kendu beharko dira beharrezkoak ez diren altzariak.

Saihestea objektuak partekatzea. Ahal den neurrian, objektuak (kartak, tresnak, teklatuak) partekatzea mugatu eta ez partekatu talde desberdinetan. Maiz garbitu eta desinfektatuko dira, betiere talde desberdinek erabili aurretik. Beharrezkoak ez diren objektuak eta garbitzeko zailak diren itemak ezabatzea.

Maskarak erabiltzea. Zentroko erabiltzaile eta langile guztiek erabili beharko dituzte maskarak.

GARBIKETA- ETA DESINFEKZIO-NEURRI PREBENTIBOAK

Esku-higienea erraztea Bermatu behar da ura eta xaboia dagoela komunetan, bai langileentzat, bai erabiltzaileentzat. Eskuak lehortzeko, berriz, airea edo papera erabili behar dira, eta, ahal dela, zakarrontziek tapa eta pedala izan behar dute. Soluzio hidroalkoholikoak emango dira hainbat lekutan.

Garbiketa- eta desinfekzio-lanak areagotzea. Programa bat egin behar da garbiketa-lanak areagotzeko. Behin eta berriro desinfektatu behar dira objektuak eta azalerak, baldin eta sarritan badaude pertsonen eskuetan.

Honako hauek hartu beharko dira kontuan: AGINDUA, 2020ko apirilaren 2koa, Osasuneko sailburuarena, gainazalak garbitzeko eta desinfektatzeko neurriak eta bestelako higiene-neurriak hartzen dituena SARS-CoV-2 (Covid-19) birusak eragindako pandemia dela eta; eta haren jarraibide teknikoak. https://cutt.us/RozMO

Bermatuko da behar besteko maiztasunaz garbitu eta desinfektatzen direla gehien ukitzen diren gainazalak (etengailuak, eskumuturrak, eskudelak …).

Aireztatzea. Lokalen aireztapen naturala eta mekanikoa areagotu beharko da, barruan airea berritu ahal izateko. Ahal den neurrian, kanpoko airearekin lan egingo da, birzirkulazioa minimizatuz eta barneko aire-korronteak saihestuz.

Arropa garbitzea.

Ahal den guztietan, langileen arropa 60º-ko tenperaturan garbituko da egunero.

INFORMAZIO- ETA PRESTAKUNTZA-NEURRIAK

Funtsezkoa da langileek eta erabiltzaileek zentroan ezarritako prebentzio-arauak eta -jarduerak ezagutzea.

COVID-19 GAITZAREKIN SINTOMA BATERAGARRIAK DITUEN PERTSONA BATEN AURREAN BETE BEHARREKO JARRAIBIDEAK

COVID-19rekin bateragarriak diren sintomak dituzten pertsonek (sukarra, eztula, arnasa hartzeko zailtasuna …) autoisolamendua egin behar dute etxean, eta telefonoz eta atzerapenik gabe jarri behar dute harremanetan osasun-zentroarekin.

Talde egonkorrak dituzten zentroetan, COVID 19rako kontingentzia-planak izango dira, egoiliarren, langileen eta euren kontaktuen artean egon daitezkeen kutsatze-kasuak garaiz identifikatzeko, eta, hala badagokio, kasuan kasuko osasun-zerbitzuaren egiturarekin koordinatzeko prozedurak aktibatuko dira.

Erabiltzaileren batek gaixotasunaren sintomak izan ditzakeela susmatuz gero (sukarra, eztula, arnasa hartzeko zailtasuna…), etxera joan behar duzu, ahal izanez gero, edo familiari deitu behar dio bila joan daitezen. Bitartean, gainerako taldearengandik bereizita egongo da, aireztatzeko eta sortutako materiala eta hondakinak biltzeko baldintza egokiak dituen gela batean. Erabiltzaileak eta harekin kontaktuan dagoenak maskara kirurgikoa erabiliko dute

19.06.2020 COVID19

Lehendakariaren 14/2020 Dekretua eta Osasuneko Agindua “Normaltasun berria”-n sartzeko

Ekainaren 18ko Lehendakariaren 14/2020 Dekretua gaur ostiralean EHAAn argitaratu da. Haren bidez, deklaratzen baita deseskaladarako planaren 3. fasea gainditu dela. Horrenbestez, indargabetuta geratuko dira alarma-egoeraren esparruan hartutako neurriak, eta 2020ko ekainaren 19ko 00:00etan hasiko da «normaltasun berria».

14/2020 DEKRETUA JEITSI

Dekretuaren batera, gaur, ostirala, sartuko da indarrean Agindua, 2020ko ekainaren 18koa, Osasuneko sailburuarena, COVID-19ak eragindako osasun-krisialdiari aurre egiteko beharrezko prebentzio-neurriei buruzkoa, Normaltasun Berrirako Trantsiziorako Planaren 3. fasea gainditu eta gero.

OSASUN SAILBURUAREN AGINDUA JEITSI

Berriak

Azken berriak