- Alkateen ordezkaritza bat Bruselara joan da, kontaktuak lortzeko eta Europako esparruko ereduzko proiektuen berri izateko.
- Euskadiko Udalen Elkartea ekintza-plan bat prestatzen ari da, Gobernantza eta SmartCities-en arloan (udal garapen adimenduna) udalei laguntza emateko.
Brusela, 2017ko urriaren 10a. Euskadiko Udalen Elkarteko alkateen Berrikuntza Batzordea egun hauetan, urriaren 9tik 12ra bitartean, Bruselan egiten ari den Hiri eta Eskualdeen Europar Astean ari da parte hartzen. Azterketa eta trukerako bisita hau 2017-2018ko ekintza-planean sartuta dago, EAEko udaletan Gobernantza eta Udal Garapen Adimenduneko Estrategia bultzatzeko. Estrategia hori EUDELen Berrikuntza Batzordean diseinatzen ari da, Eusko Jaurlaritzaren laguntzarekin, Euskadiko Agenda Digitala 2020 delakoaren esparruan. Beste jarduera batzuen artean, nazioarteko sareekiko eta Europako ereduzko proiektuekiko konexioa dago aurreikusita.
Hainbat tailerretan eta hitzalditan parte hartzeaz gain, Berrikuntza Batzordeak lan-bilera bat egingo du urriaren 11n, asteazkenean, Eusko Jaurlaritzak Bruselan duen egoitzan, SmartCities-en arloko aditu eta Oxfordeko Unibertsitatean Urban Transformations eta Future of Cities programetako aholkuari, irakasle eta ikertzaile seniorra den Igor Calzadarekin. Calzada elkarlanean ari da EUDELek EAEko udalen parte-hartzeaz egin nahi duen Berrikuntza eta Smartcities-en arloko estrategian, aholkulari aditu gisa.
*EUDELen Berrikuntza Batzordea hiru lurraldeetako alkateek eratzen dute: ELGOIBAR, Ane Beitia; ERMUA, Carlos Totorika; LARRABETZU, Iñigo Gastelu; eta ZAMBRANA, Aitor Abecia.* Bruseleko eginkizun horretan Etxebarriko Alkate Loren Oliva eskuordetzen du.
Europaren etorkizunari buruzko eztabaida
Eskualdeen eta Hirien Europako Asteak 15 urte bete ditu, eta edizio honetan, EBeko eskualdeko eta hiriko politikak datozen urteetan izango dituen erronkak aztertuko ditu. Europaren etorkizunari buruzko eztabaida Erromako Itunen urteurrenarekin hasi zen (martxoan), eta 2017an garatuko da. Astea aukera bat da, EBko eskualdeek eta hiriek eztabaida horretan laguntzeko eta adibide politiko nagusiak eta ekarpenak elikatzeko, eskualdeen eta hirien ikuspegitik, Europaren etorkizunari forma emateko.
Europar Astea Eskualdeetako Europar Batzordeak (CDR) eta Europar Batzordeko Eskualde eta Hiri Politikako Zuzendaritza Nagusiak (DG REGIO) antolatuta dago. Ekitaldia administrazio publikoetako langile politikoei eta teknikariei zuzenduta dago. 6.000 lagun eta 600 txostengile inguru eta 100 tailer baino gehiago izanda, ‘ateak zabaltzeko’ bost egun horietan (Open Days), Brusela eskualde eta hiri arloko jardunbide egokiak eta jakintza espezializatuak trukatzeko foro bilakatzen da.
Informazio gehiago: http://cor.europa.eu/es/events/opendays/pages/open-days.aspx
INFORME: FINANCIACIÓN MUNICIPAL
