• Virginia Woolf Basqueskola, euskal emakume alkate eta zinegotzien sarea, erreferentzia eta gida da Aragoiko Tokiko Emakume Hautetsientzako Lidergo eta Ahalduntze Eskolaren sorreran.

• EUDELen eta Emakunderen ekimen aitzindaria berdintasun-arloko jardunbide egokitzat aurkeztu da, udal-politikan diharduten emakumeak ahalduntzeko eta esperientziak trukatzeko daukan sare-eredua dela eta.

• Euskadiko emakume hautetsien ordezkaritza batek truke-mahai batean parte hartu du Zaragozan, EAEko eta Aragoiko emakume politikarien artean esperientziak partekatzeko.

2017ko urriaren 5a. EAEko hiru lurraldeetako emakume alkate eta zinegotzien ordezkaritza bat –hainbat tamainatako udaletako eta hainbat talde politikotako kideak daudela– Zaragozara joan da Virginia Woolf Basqueskola ordezkatuz, Aragoiko homologoekin batera egoteko urriaren 4an (asteazkena) ELEM, hots, Aragoiko Tokiko Emakume Hautetsientzako Lidergo eta Ahalduntze Eskola inauguratzeko izandako jardunaldian.

EUDEL-Euskadiko Udalen Elkarteak eta Emakunde-Emakumearen Euskal Erakundeak bultzatuta, Basqueskola ekimen aitzindaria da, 2012an sortua prestakuntza, lidergo eta ahalduntze politikorako eskola gisa, eta Euskadiko emakume alkate eta zinegotzientzako “berezko espazio” gisa.  Prestakuntzako, coaching-eko eta komunikazioko ikastaroak zenbait ediziotan egin eta gero, gaur egun benetako lan- eta aliantza-sare gisa sendotzen ari da Basqueskola, EAEko udaletan politikan diharduten emakumeen artean.

2016. eta 2017. urteen artean, Euskadiko udalerrietan zehar jarduera ugariko ibilbide bat egin da, eta eskualdeko bilerak antolatu dira Bizkaian eta Gipuzkoan, bai eta topaketak ere, Arabako kuadrilletako udalerri txiki guztiekin.

Kontaktu horien guztien ondorioz, Basqueskola bere ibilbideko fase berri batean sartu da, bere jarduera-eremuan hedadura eta eragin handiagoak erdiesteko. Hala, bada, sareak bere jardunaren zabalkundea areagotuko du, eta EAEtik kanpoko udaletako beste emakume hautetsi batzuekin harremanetan sartuko da, Aragoikoekin kasu, bai eta Europako esparrukoekin ere, bereziki, Bilbon 2018ko ekainaren 11tik 13ra bitartean egitekoa den Berdintasunari, Aniztasunari eta Inklusioari buruzko Europako Udalerrien Konferentzia dela-eta.

Alderdi guztietako talde eragile berria

Natividad López de Munain, Arabako Burgelu udalerri txikiko alkatea eta, halaber, EUDEL Batzorde Eragilearen ordezkaria, izendatu dute Basqueskolako kideek sarearen ibilbidearen nahiz egungo egoeraren berri emateko. “Bultzada-etapa berri bat”, azaldu duenez, talde eragile batek gidatuko duena –beste talde kolaboratzaile batekin batera–, non EAEko udaletan dauden indar politiko guztietako emakume alkate eta zinegotziak egongo diren:

“Bost urte hauetan “ereintzako” lana egin eta gero, Basqueskola “inspirazio-olatu” bilakatu da beste toki batzuetan emakume-sare berriak ehuntzeko. Eskola ‘mugimendu’ baten hazia izan da, eta mugimendu horrek bere ibilbidea izango du eta denborarekin eragin handiagoa lortzeko asmoa du.

Emakume hautetsien sare gisa, gure azken xedea da, udaletan ez ezik, erabakiak hartzeko eginkizunean bertan ere egotea. Parte-hartze politikoak berezkoa du, orobat, erabakiak hartzeko eta eragina izateko ahalmena edukitzea, politika egiteko era berriak bultzatzeko, berdintasuna udal-agendaren erdigunean jartzeko, eta gizarteari kutsatzeko.”

Natividad López de Munain, era berean, tokiko esperientziei buruzko mahai-inguru bat moderatzeaz arduratu da; mahai-inguruan Aragoiko Erkidegoko hainbat udaletako zazpi emakume alkate eta zinegotzik parte hartu dute.

Zaragozako jardunaldiarekin batera, ondoren bilera bat ere egin da Euskadiko eta Aragoiko tokiko emakume politikarien artean, ikuspegiak eta esperientziak partekatzeko, emakume gisa udal-politikan garatzen duten eguneroko jardunaren inguruan.

Burgeluko alkatearekin, Zaragozara Josune Irabien Amurrioko alkatea eta Paula Amieva eta Mari Luz Palacio Getxoko eta Sondikako zinegotziak ere joan dira. Udal, Eskualde eta Probintzien Federazioko (FAMCP) buru Carmen Sánchez Pérezek berak egin zion gonbidapena, ekitaldiko anfitrioi gisa, Euskadiko ordezkaritzari, EUDELen bitartez.

Basqueskola zer den eta haren egungo jarduera (berriak, ikastaroak, gidak eta argitalpenak) zein den azaltzen duen informazio guztia webgune ofizialean dago eskuragarri: www.virginiawoolfbasqueskola.eus eta sare sozialetan ere:

EUDEL-Euskadiko Udalen Elkarteak irmo bere gaitzespena azaldu du emakume gasteiztarra eta Lantaron auzotarraren hilketaren aurrean, eta elkartasuna adierazten die senideei eta  biktimen hurbilekoei.

EUDELek bat egiten du antola litezkeen gaitzespen-ekimen guztiekin: Vitoria-Gasteizko Udalak deitu duen gaurko elkarretaratze instituzionalarekin, eta bihar ostegunerako arratsaldeko zazpietan Lantarongo udaletxe aurrean.

EUDEL-Berdinsareak gogorarazten du heriotzek  emakumeenganako indarkeriaren arazoaren alderdi bat baino ez dutela erakusten, izan ere, egoera hori emakumeen eta gizonen arteko desberdintasunean sortzen da.

Emakumeenganako indarkeria (psikologikoa, ekonomikoa,  fisikoa, sexuala) emakumeen duintasunaren eta segurtasun fisiko nahiz moralaren aurkako eraso larria da, eta, ondorioz, giza eskubideen urraketa larri eta onartezina.

Tragedia honek berriro dakarkigu gogora hala erakundeek nola euskal gizarte osoak daukagun erantzukizuna, gure udalerrietan Berdintasuna eraginkor egiteko. Zentzu horretan, gure sentsibilizazio eta prebentzio ekintzak indartzen jarraitu behar dugu, etorkizuna ordezkatzen dutenei zuzenduta, gure herritar gazteenei zuzenduta, alegia.

Bilbon, 2017ko urriak 4.

EUDEL-Asociación de Municipios Vascos muestra su más enérgica repulsa y condena ante el asesinato de una mujer en Sestao, y traslada su solidaridad a la familia y personas cercanas a la víctima.

EUDEL-Berdinsarea recuerda que las muertes sólo muestran una parte del problema de la violencia contra las mujeres cuyo caldo de cultivo se genera en la desigualdad de mujeres y hombres.

La violencia que en sus diferentes formas (psicológica, económica, física, sexual) se ejerce contra las mujeres, supone un serio atentado contra su dignidad e  integridad física y moral; en consecuencia, una grave e intolerable violación de los derechos humanos.

Esta tragedia nos enfrenta a la responsabilidad que tenemos las instituciones y el conjunto de la sociedad vasca en hacer efectiva la Igualdad en nuestros municipios. En este sentido, debemos seguir reforzando nuestras acciones de sensibilización y prevención con quienes representan el futuro, nuestras ciudadanas y ciudadanos más jóvenes.

EUDEL, apoya la concentración institucional convocada por el Ayuntamiento de Sestao para mañana viernes, día 29 de septiembre, a las 12:00 h. del mediodía, en la plaza frente al ayuntamiento.

La Asociación de Municipios Vascos se suma a todas las muestras de repulsa que se organicen.

Bilbao, a 28 de septiembre de 2017.