Sailetako Albisteak

21.06.2017 Nabarmenak

“Udalek hurbiltasunerako funtsezko osagaia gehitzen diegu politikei, udalerrietan aplikatzea errazteko eta herritarrentzat erabilgarriak izan daitezen”

Tokiko Politika Publikoen euskal kontseiluaren eraketa.

EUDELen elkarteburu Imanol Landaren ustez, Kontseilua eratu izana “albiste ona” eta “aurrerapauso esanguratsua” da, bai udalentzat bai erakunde-sistema oro har dinamizatzeko, “aukerak sortzeko tresna bat, borondateak bateratu eta adostasunak biderkatzeko, akordioak lortu eta proposamenak egiteko, helburu komuna lortzeko: herrialdea eraikitzea”.

“Udalak beste erakunde batzuen ondoan jarri gara, udal eskumeneko politika publikoen ‘sukaldearen’ barruan” elkarteburuak azaldu du, udalen interesak aitortu eta neurtu daitezen, gobernuaren tokiko esparruari eragiten dieten politika publikoak diseinatu, sortu, betearazi eta ebaluatzeko prozesuetan.

PRENTSA OHARRA JEITSI

EUDELen ordezkariak Kontseiluari ahalik eta etekin handiena ateratzera animatu ditu erakundeak, “organo bizia izan dadin, funtzionatzen duena eta ondo funtzionatzen duena, gainera”. Landak uste du ezinbestekoa dela organo horrek modu egonkorrean lan egitea bermatzeko beharrezko bitartekoak jartzea, “lantzean behin eta itxurak gordetzeko soilik bildu ez dadin”.

Kontseiluak toki, foru eta autonomia mailako ordezkaritza paritarioa dauka (18 kide guztira, Eusko Jaurlaritzako 6, foru aldundietako 6 eta Euskadiko udaletako 6 ordezkari: gizonezko 3 hautetsi eta emakumezko 3 hautetsi, hiru lurraldeetako udalerrietakoak eta tamaina guztietakoak).

Ekainaren 21a, Vitoria-Gasteiz. EUDELen elkarteburu Imanol Landa komunikabideen aurrean agertu da, Tokiko Politika Publikoen Euskal Kontseilua eratzeko lehen bileraren aurretik, Euskadiko udalen balorazioa helarazteko, udalen interesak kontuan hartuta, tokiko politikak modu bateratuan diseinatzeko erakunde arteko lankidetza-organo berria abian jartzeari dagokionez.

EUDELen elkarteburuaren ustez, Kontseilua eratzea “albiste ona” eta “aurrerapauso esanguratsua” da; izan ere, Euskadiko udalei zeregin garrantzitsua esleitzen die EAEren erakunde-sistemaren harremanen eta funtzionamenduaren esparruan. Aldi berean, Imanol Landak zera nabarmendu du: Kontseilua “aukerak sortzeko tresna da”, zentzu bikoitzean; izan ere, horren baitan askotariko mailatako lankidetza gorpuzteaz gain, “borondateak bateratu eta adostasunak biderkatzen laguntzen du, akordioak lortu eta proposamenak egiteko, helburu komuna lortzeko: herrialdea eraikitzea”.

EUDELen elkarteburuak Kontseilua “udal eskumeneko politikak herrialde mailan egosten diren sukaldea” dela esan du; bertan, udalak lehenengo mailako eragile politikoak izango dira, ordezkaritza paritarioarekin*, Eusko Jaurlaritzarekin eta foru aldundiekin batera.

Imanol Landak azpimarratu duenez, Kontseiluaren xede zehatza tokiko politika publikoak dira, eta azaldu du orain arte “erabaki garrantzitsuenak gobernuaren beste maila batzuetan hartu izan direla, eta eragin handia dutela udalen zereginean”.

Zentzu horretan, EUDELen elkarteburuak defendatu du garrantzitsua dela tokiko gobernuek hasieratik parte hartzea gainerako erakundeekin batera, udal eskumenei eragiten dieten politikak egiteko prozesuan: “udalak hurbiltasunerako funtsezko osagaia gara, politika, plan edo programa horiek udalerrietan modu arrakastatsuan aplikatu daitezen. Azken finean, tokiko politikak herritarrentzako erabilgarriak eta praktikoak izan daitezen lortu nahi dugu, pertsonen bizimoduan benetako onura ekar dezaten”.

EUDELen ordezkariak Kontseiluari ahalik eta etekin handiena ateratzera animatu ditu erakunde guztiak, “organo bizia izan dadin, funtzionatzen duena eta ondo funtzionatzen duena, gainera”. Horretarako, komenigarria dela organo horrek modu egonkorrean lan egitea bermatzeko beharrezko bitartekoak jartzea, “lantzean behin eta itxurak gordetzeko soilik bildu ez dadin”.

Benetako erronka, Legea garatzea

Euskadiko Toki Erakundeen apirilaren 7ko 2/2016 Legearen barruan, sortzea aurreikusi den lehenengo organoa da Kontseilu hau, eta udalen aldarrikapen historikoetako bat da 2010eko martxotik; izan ere, data horretan egin eta Eusko Jaurlaritzari bidali zitzaion “Euskadiko Udal Legerako Oinarrien Dokumentua” (2010eko martxoa).

Horregatik, erakunde guztiek Legean aurreikusitako lehen organoa den Tokiko Politika Publikoen Euskal Kontseilua eratzeko agertutako inplikazioa eta esfortzua balioetsi nahi izan du EUDELen ordezkariak.

EUDELen elkarteburuak adierazi duenez, “benetako erronka orain hasiko da, Legea garatzeko prozesuarekin”, eta “lan handia dago oraindik egiteko”, eskumenen esparruan zein esparru ekonomiko-finantzarioan aurreikusitako mekanismo guztiak abian jartzeko, baita gainerako sektore-esparruei eragiten dietenak martxan jartzeko ere. Imanol Landak “prozesu konplexua, zaila eta neketsua” dela esan du, erakunde guztientzat aldaketa handiak dakartza-eta, “hala gure erakundeen ‘barne kulturan’ eta lan egiteko moduan, nola erakundeen artean erlazionatzeko moduan”, baina, aldi berean, “erronka liluragarria da Euskadiko udalentzat”.

Elkarteburuak baieztatu duenez, Toki Erakundeen Legea “estrategia- eta egitura-ardatza da EUDELentzat”, orain eta hurrengo urteetan. “Adi egongo gara, eta erakunde guztiek hartutako konpromisoak betetzen direla eta udalerrietan modu egokian aplikatzen direla zainduko dugu”.

Tokiko Gobernuen Batzordea

Imanol Landak Tokiko Gobernuen Batzordea ere aipatu du; aipatutako organoa Tokiko Politika Publikoen Euskal Kontseiluaren jarraian eratuko da. Batzorde horretan parte hartuta, araudi berriak euren eskumenen esparruan izandako eragina positiboa edo negatiboa izan den baloratu ahal izango dute udalek. EUDELen elkarteburuak azaldu duenez, “Batzorde honen funtzioak bere osaera zehazten du”; udaletako ordezkariek soilik (tokiko 12 hautetsi) eratutako organo horrek “alerta goiztiar” gisa funtzionatuko du, araudi-aurreproiektuetan udalen autonomia urratzea saihesteko.

“Batzorde honen bitartez, araudiaren testuarekiko aldeko edo kontrako jarrera agertu ahal izango dugu udalek, tramitazioa hasten den unetik bertatik”, aurreratu du Imanol Landak. Azaldu duenez, organo honek “audientzia-eskubidea gainditzen du, eta analisia eta balorazioa egiteko funtzioak gaitzen ditu, eragin juridikoekin”.

*Udaletako ordezkariak Tokiko Politika Publikoen Euskal Kontseiluan, Lehendakariak EUDELen proposamenez izendatutakoak, Euskadiko Toki Erakundeen apirilaren 7ko 2/2016 Legearen 83.3 artikuluarekin bat etorriz:

GETXOko alkate eta EUDELen elkarteburua, Imanol Landa
IRUNgo alkate eta lehen elkarteburuordea, José Antonio Santano
ERRENTERIAko alkateorde eta bigarren elkarteburuordea, Garazi López de Etxezarreta
MUNGIAko alkatea, Ager Izagirre
ASPARRENgo alkatea, Consuelo Auzmendi
BURGELUko alkatea, Mª Natividad López de Munain

21.06.2017 Euskara

2017-2018ko aldian Euskara Sustatzeko Ekintza Plana (ESEP) garatzeko diru-laguntzak

AGINDUA, 2017ko maiatzaren 30ekoa, Kultura eta Hizkuntza Politikako sailburuarena, 2017-2018ko aldian Euskara Sustatzeko Ekintza Plana (ESEP) garatzeko diru-laguntzak emateko araubidea ezarri eta deialdia egiteko dena.

AGINDUA JEITSI

20.06.2017 Ogasuna eta Finantzak

BIZKAIA “GAINBALIOAren zerga”: 8/1989 Foru Araua aldatzen duen Foru Dekretu Arauemailea onartu da

Bizkaiko Foru Aldundiaren Gobernu Kontseiluak, 2017ko ekainaren 20ko saioan, Foru Dekretu Arauemailea onetsi du. Haren bitartez, 8/1989 Foru Araua aldatzen da, ekainaren 30ekoa, Hiri-Lurren Balioaren Gehikuntzari buruzkoa.

Era horretan, kontuan hartu gabe Bizkaiko Lurralde Historikoan ez dela zergaren araubideari buruzko konstituzio-kontrakotasun adierazpenik egon, ziurtasun juridikoa handiago izan dadin, egokitu egiten da Hiri-Lurren Balio Gehikuntzaren Zergari buruzko araudia Konstituzio Auzitegiaren jurisprudentziara. Egokitzapen hori berriki burutu dute Arabako eta Gipuzkoako Foru Aldundiek. Azken lurraldeotan bai, bertan Auzitegi gorenaren adierazpena gertatu da.

Zergari buruzko arauak aldatu izanaren ondorioz, ez dira zergapetuko lurren gehikuntza agerian jartzen ez duten eragiketen ekonomia-ahalmeneko egoera ez-adierazgarriak.

Foru Dekretu Arauemailea Bizkaiko Aldizkari Ofizialean argitaratzen denetik egongo da indarrean. Argitaratzea datozen egunetarako aurreikusten da.

19.06.2017 Berriak

EUDELEN gaitzespen irmoa Londresko azken atentatuaren aurrean

EUDELek gogor gaitzesten du goizaldean Londresen buruturiko azken eraso terrorista, non furgoneta batek hiriburuaren iparraldeko mezkita batetik irteten ari ziren pertsonak zapaldu eta gutxienez lagun bat eta hainbat zauritu gertatu diren.

Euskadiko Udalen Elkarteak erabateko irmotasunez gaitzesten du indarkeria terroristaren basakeria. Era berean, dolumina eta elkartasuna helarazi nahi dizkie biktimen senideei, eta espero du zauritutako pertsona guztiak ahalik eta lasterren sendatzea.

Euskadiko Udaletatik besarkada solidario bat eta hurbiltasun sentimendurik zintzoena bidali nahi diegu Londresko hiriari eta britainiar herritarrei, une latz hauetan.

Bilbon, 2017ko ekainaren 19a.

15.06.2017 Berriak

Udaltzaingoen hautaketa-prozesu bateratuaren deialdirako hitzarmena eta oinarriak onartuta

Arkauteko Zuzendaritza Kontseiluak, gaur goizean onartu du Euskadiko Udaltzaingoaren lehenengo hautaketa-prozesu bateraturako kudeaketa-agindurako hitzarmena, eta nahi duten udalak atxiki ahal izango dira.

Ekimenaren helburua da udaltzaingoetako agenteen hautaketa eta prestakuntza sinplifikatu eta bateratzea eta kidegoei egonkortasuna ematea
Estatuko Aurrekontu Orokorren Lege berria uztailean onartuko dela aurreikusten da, eta horrek ahalbidetuko du Euskadiko udal gehiago sartzea prozesu honetan.
Eskaerak jaso direnez, prozesua abian jartzeko epeak apur bat atzeratu egingo dira ahalik eta gehienak sartu ahal izan daitezen.

Bileran bertan berretsi dira, borondatez eta udal-autonomia erabat errespetatuz, hitzarmena sinatuko duten udaletako udaltzaingoetan hutsik dauden postuak betetzeko oinarri espezifikoak. Orain arte Euskadiko bederatzi udalek agertu dute udaltzainak hautatu eta prestatzeko eta kidegoei egonkortasuna emateko formula honen aldeko interesa.

Ekimena Segurtasun Sailak jarri du, EUDEL-arekin batera, abian udalek eskatuta eta udaltzaingoetako agenteak hautatu eta prestatzeko taldean planteatu ondoren, eta helburu du agenteen hautaketa sinplifikatu eta bateratzea, hautaketa-profil bera aplikatuz eta gainkostu-arazoak saihestuz, efizientzia administratibo hobea lortze aldera.

Hainbat faktore izan dira erabakigarriak Segurtasun Sailak, Polizia eta Larrialdietako Euskal Akademiaren eta Segurtasuna Koordinatzeko Zuzendaritzaren bitartez, kudeaketa-agindurako hitzarmen bat egiteko: udalek dituzten zailtasunak udaltzaingoko oinarrizko mailako agenteen sailkapena osatzeko hautaketa-prozesuak egiteko eta prozesua ikuspegi materialetik kudeatzeko; deialdia egiten duen erakundeari eragiten zaion gastua; eta era horretako prozesuak gauzatzeko langile espezializaturik ez izatea.

Kudeaketa-agindua

Formula juridiko honi esker udalek, euren langileak hautatzeko eta deialdia onartu eta argitaratzeko eskumena duten bakarrak izanik, Akademiari agintzen diote hautaketa-prozesu bateratu bat egitea aurrez adostutako oinarri batzuei jarraituz. Aldez aurretik, udalek Enplegu Eskaintza Publiko bat onartu eta argitaratu behar dute, eta bertan zehaztuko dute zenbat plaza eskaintzen dituzten.

Abantailak

Hautaketa-profil bera aplikatzea, hautaketa-prozesuen ezaugarriak bateratzea, aldi berean hautaketa-prozesu batean baino gehiagotan parte hartzen duten izangaien ihesak eragiten dituen gainkostu-arazoak konpontzea, hautaketa-prozesuetan plazak hutsik ez geratzea lehen adierazitakoarengatik eta prozesuen kostua murriztea, horiexek dira gaur Zuzendaritza Kontseiluak onartu duen kudeaketa-aginduan jasotzen diren abantailetako batzuk.

Bai aginduan bertan bai oinarrietan, hitzarmenari atxikitzen zaizkion udalek izangaiei eskatu nahi dizkieten baldintzak erabaki ahal izango dituzte, besteak beste, hizkuntza eskakizuna eta gidabaimen-motak.

Hautaketa-sistema oposizio-lehiaketa librea izango da, eta bertan egingo dira test erako proba bat, gaitasunak ebaluatzeko test psikotekniko bat eta nortasuna ebaluatzeko beste bat. Era berean, proba fisikoak eta elkarrizketa pertsonala ere egingo dira. Lehiaketa-fasean Udaltzaingoan egindako zerbitzuak baloratuko dira.

Euskararen ezagutza merezimendu gisa baloratuko da izangaiek bete nahi duten plazan eskatutako hizkuntza eskakizuna baino euskara maila handiagoa egiaztatzen duten pertsonen kasuan.

Ondoren, hautatutako pertsonak praktiketako funtzionario izendatuko dira eta prestakuntza-ikastaro bat egingo dute Polizia eta Larrialdietako Euskal Akademian, gehienez ere 30 hilabetekoa.

Kronograma

Estatuko Aurrekontu Orokorren Lege berria uztailean onartuko dela aurreikusten da, eta horrek ahalbidetuko du Euskadiko udal gehiago sartzea prozesu honetan.

Eskaerak jaso direnez, prozesua abian jartzeko epeak apur bat atzeratu egingo dira ahalik eta gehienak sartu ahal izan daitezen.

Horretarako, deialdia Euskal Herriko Agintaritzaren Aldizkarian argitaratuko da irailaren hasieran, eta une horretan zabalduko da eskaerak aurkezteko epea. Aurreikusten da hautaprobak azaroan egitea eta prestakuntza-ikastaroa, berriz, 2018ko urtarrilean.

13.06.2017 Konferentzia: Berdintasuna, aniztasuna eta inklusioa

Bilbao 2018 Konferentziaren lan-planaren berri eman die EUDELek europako udalei

Imanol Landa elkarteburua buru duen EUDELen ordezkaritza batek Europako Udal eta Eskualdeen Kontseiluaren Zuzendaritza Batzordean hartu du parte atzo eta gaur, Chios irla grekoan izandako bileran.
EUDELen elkarteburuak, Bilboko alkate Juan Mari Aburtorekin batera, bideo bidezko mezu baten bitartez, gonbit egin die Europako alkateei, ekainaren 11n, urtebete barru, konferentziaren esparruan antolatuko den hurrengo Zuzendaritza Batzordean parte hartzera.
CMREren batzorde politikoak Europako 47 herrialdetako toki gobernuetako eta udalen elkarteetako ia 200 kide bildu ditu.

PRENTSA OHARRA DESKARGATU

Imanol Landak CMREren konferentzia antolatzeko lanen berri eman die toki ordezkariei. Konferentzia ‘Berdintasuna, aniztasuna eta inklusioa’ gaiei buruzkoa izango da, eta Bilboko Euskalduna Jauregian antolatuko da, 2018ko ekainaren 11tik 13ra.
Chioseko foro honetan, kontinente osoko liderrek ekarpenak egin dituzte, udalek askotariko erronkei aurre egiteko dituzten irtenbideen inguruan. Ekarpen eta ideia guztiak ‘Europaren etorkizunari’ buruzko jarrera-dokumentu batean jasoko dira. Dokumentu hori Europar Batzordean aurkeztuko da, Jean-Claude Juncker presidenteak erakunde guztiei egindako deiari erantzuteko, Batasunaren egoerari buruz datorren abenduan izango den eztabaidan laguntzeko.
Chioseko alkateak migrazioaren eta errefuxiatuen krisiari buruzko eztabaida monografikoa sustatu du. Eztabaida horretan, Europar Batzordearen, Nazio Batuen, OCDEren, CGLUren, Europako Kontseiluaren eta EUDELen beraren ordezkariek hartu dute parte; azken horrek Euskadiko maila askotako estrategiaren berri eman du, Euskadin errefuxiatuen harrera indartzeko.

Bilbo, 2017ko ekainaren 13a. Eudelen elkarteburu Imanol Landak Europako Udal eta Eskualdeen Kontseiluaren Zuzendaritza Batzordean hartu du parte, Galdakaoko alkate Ibon Uriberekin batera, ekainaren 12an eta 13an. Bilera Greziako Chios irlan izan da lehenengo aldiz, eta Europan bizi den migrazioaren eta errefuxiatuen krisiarekin bat egin du. Era berean, Batasunaren etorkizunari buruzko eztabaida betean dago maila sozial eta instituzionalean, proiektua berritzeko dagoen beharraren aurrean, horri zilegitasuna eman, eta herritarren konfiantza berreskuratzeko.

CMREren batzorde politikoak Europako 47 herrialdetako toki gobernuetako eta udalen elkarteetako ia 200 kide bildu ditu. Erakunde horren egoitza Bruselan dago, eta bere egitekoa bikoitza da: udalen izenean, Europako legedian eragitea, eta plataforma bat eskaintzea, erakundeko kideek esperientziak eta praktikak truka ditzaten.

2018. urtean, ekainaren 11tik 13ra, Bilboko Euskalduna Jauregian, Europako udaletako hautetsi eta teknikari guztiak, profesional eta adituekin batera, gonbidatuta daude berdintasunari, aniztasunari eta inklusioari buruzko toki politiken inguruko Europako topaketa garrantzitsuenean parte hartzera. CMREren 2018ko Konferentzia Bilbon antolatzeko akordioa 2016ko abenduan sinatu zen, Maastrichten izandako aurreko batzordean, CMREren eta EUDELen buruen eta Bilboko Alkatearen beraren artean.

Imanol Landak, EUDELen izenean, gonbit egin die udalen elkarteei, “Konferentziaren egitarauan modu aktiboan parte hartzera”. Izan ere, “Europako udal guztien konferentzia da”, eta, era berean, “aukera paregabea da tokiko esparrutik abiatuta gizarte-politika berriak diseinatzeko, behetik gora, pertsonak udal kudeaketaren erdigunean jarrita, zerbitzu publikoen hartzaile izateaz gain”. Landa elkarteburuak gonbit egin die CMREko kide guztiei, Bilboko Konferentziaren esparruan ekainaren 11n (urtebete barru, hain zuzen) hasiko den Zuzendaritza Batzordean parte hartzera.

Bilboko alkate Juan Mari Aburtok, bere aldetik, agurra bidali nahi izan die CMREn bildutako alkateei, Konferentzia hartuko duen hiritik bideo bidezko mezua igorrita. Bere agurrean, Alkateak dei egin die, 2018ko ekaineko hitzorduan parte har dezaten; bere hitzetan, Udala “atsedenik gabe ari da lanean EUDELekin batera, foro honek esperientziak trukatzeko eta ideiak garatzeko tokirik egokiena topatu dezan gure hirian, eta Bilbo Europako eztabaidaren erdigunean kokatzeko, Europa hobea, bidezkogoa, inklusiboagoa eta humanoagoa eraiki dezagun”.

Konferentziaren webgune ofiziala: www.cemrbilbao2018.eu #cemrbilbao2018

Europari, errefuxiatuei eta adiskidetzeari buruzko jarrera bateratua

Chios-eko foro honetan kontinente osoko toki-agintariek balizko irtenbide batzuk eskaini dituzte udaletatik, jendaurreko esparru guztietan dauden erronka ugariri aurre egitea xede: politikoki, ekonomikoki, sozialki, lan-arloan, e.a. Ekarpen eta ideia guztiak dokumentu jakin batean agertuko dira, eta bertan “Europako etorkizunari” buruzko tokiko gobernuen jarrera bateratua islatuko da, Jean-Claude Juncker Lehendakariaren deiari erantzunez. Dei hori joan den urrian egin zitzaien europar erakunde guztiei, Batasunaren egoerari buruzko eztabaidan laguntzeko.

Eztabaida irailean hasiko da, Juncker lehendakariaren hitzaldi batekin, asmoa izanik lehenbiziko ideiak orduantxe azaltzea, hain zuzen Europako Kontseiluaren 2017ko abenduko bileran ondorioak atera baino lehen. Horrek jardunbide-lerroa zehazten lagunduko du, garaiz garatzerik egon dadin 2019ko ekaineko Europar Legebiltzarrerako hauteskundeei begira.

“Europaren etorkizunari buruzko Liburu Zuria” delakoaz gain, Batzordeak landua, bestelako hausnarketa-dokumentuak ere egongo dira, hala nola CEMR-k datozen hilabeteetan mahaigaineratuko dituenak. Bertan 2025eko Europarako ideiak, proposamenak, aukerak eta zenbait agertoki eskainiko dira.

Chios hiriko Manolis Vournous alkateak greziar udalen elkarteak (KEDE), beren aldetik, migrazio-krisiari buruzko eztabaida monografikoa sustatu dute. Bertan parte hartu dute Europar Batzordeko goi ordezkariek, Europako Kontseiluak, Iheslarientzako Nazio Batuen Goi Komisarioak, ELGEk (Ekonomiako Lankidetza eta Garapenerako Erakundea) eta MTKH-k (munduko toki-gobernuak eta hiriak), beste organismo ofizial batzuekin batera. Eztabaidan EUDELeko elkarteburuak ere hartu du parte, Imanol Landak, zeinek jakinarazi baitie nazioarteko zein europar ordezkariei zertan datzan Eusko Jaurlaritzako Lehendakaria gidatzen ari den maila anitzeko euskal estrategia, erakunde eta gizarte-entitate guztiekin elkarlanean, xede izanik Euskadin babes hartu duten pertsonen harrera sendotzea, euskal udalen inplikazio zuzenarekin eta konpromisoarekin.

Ekaineko Batzorde Gidari honetan europar esparruan garrantzi politiko eta instituzional nabarmena duten beste dokumentu batzuk ere aurkeztu dituzte, hala nola ‘Position paper on work-life balance’ delakoa, tokiko enplegu publikoaren esparruan lan-bizitza eta familia bateragarri egiteko neurriei buruzkoa. Berau Ibon Uribek azaldu du, CEMR-ko Berdintasun Batzordeko egungo lehendakari denak.

CEMR Batzorde Gidariari buruzko informazio guztia: http://www.ccre.org/

13.06.2017 Berdintasuna

Larrabetzu se integra en la red de municipios por la igualdad ‘Berdinsarea’ (07/06/2017)

El municipio de Larrabetzu (Bizkaia) se ha adherido este mes de Junio de 2017 a la red ‘Berdinsarea’ que agrupa a los municipios vascos comprometidos con el trabajo conjunto en favor de la igualdad y contra la violencia hacia las mujeres.

Esta iniciativa tiene como objetivo impulsar, fortalecer, coordinar y evaluar programas y servicios gestionados desde los ayuntamientos con estos objetivos. La Asociación de Municipios Vascos, EUDEL, y el Instituto Vasco de la Mujer, Emakunde, como impulsoras de la Red, pretenden que el trabajo coordinado y agrupado mejore la eficacia de la respuesta de los municipios en estas materias y sirva como nexo de unión entre los ayuntamientos y otras entidades supramunicipales.

La administración local se compromete a contribuir al cumplimiento de la Ley para la igualdad de hombres y mujeres del 18 de febrero del 2005. También garantiza la realización de programas y actividades dirigidas a eliminar las desigualdades y la violencia. Si bien el ayuntamiento de Larrabetzu trabaja ya por la mayoría de estos objetivos, con su adhesión a ‘Berdinsarea’ potenciará también el intercambio de experiencias, la coordinación y la unificación de criterios de actuación a la hora de realizar acciones en el ámbito local. Igualmente, aportará un mayor impulso a los acuerdos de protocolo y colaboración supramunicipal.

La red Berdinsarea está compuesta por 64 municipios en favor de la Igualdad. Cada año esta red suma nuevas adhesiones y con las últimas, en 2017 de Larrabetzu y también de Andoain (en abril); y en 2016, de Bedia, Oñati y Ordizia, su cobertura alcanza a más del 78% de la población de Euskadi.

El funcionamiento de Berdinsarea y su metodología de trabajo multinivel, entre municipios y entre el conjunto de instituciones vascas, supone un modelo de referencia tanto para el trabajo en Igualdad como en el resto de ámbitos sectoriales; y ello le ha valido el reconocimiento a nivel europeo (CMRE-Consejo de Municipios y Regiones de Europa).

X Aniversario

El pasado 2016 se cumplieron diez años de la creación de Berdinsarea y para celebrarlo, el 21 de diciembre se organizó en Bilbao un acto conmemorativo al que fueron invitadas todas las personas que hacen posible la Red (municipios, instituciones, asociaciones, empresas, etc.).

En este encuentro se repasaron los avances realizados a lo largo de una década de trabajo en red entre municipios para el impulso de las políticas de igualdad en la vida local.

Más información:

EUDEL área de Igualdad

Berdinsarea

04.06.2017 Berriak

CONDENA ENÉRGICA DE EUDEL ANTE EL NUEVO ATENTADO EN LONDRES

EUDEL condena enérgicamente los ataques terroristas perpetrados la pasada noche en el Puente de Londres y en el Mercado de Borough, en el centro de la capital británica, que han causado la muerte a un gran número de personas y otras muchas han resultado heridas. La Asociación de Municipios Vascos muestra su más absoluta repulsa ante la barbarie de la violencia terrorista y traslada su pesar y solidaridad a las familias de las víctimas, deseando una pronta recuperación de todas las personas heridas.

Desde los Municipios Vascos se quiere enviar un solidario abrazo y el sentimiento más profundo de cercanía a la ciudad de Londres y a todo el pueblo británico en estos difíciles momentos.

Bilbao, a 4 de junio de 2017.

Berriak

Azken berriak