EAEko Udalen Elkarteak bat egiten du Europako Udalerri eta Eskualdeen Kontseiluaren (CMRE) ekimenarekin, horrela, beste bultzada bat eman nahi dio emakume eta gizonek tokiko bizitzan Berdintasunean bizitzeko Europako Gutunari, bai eta indartu ere.

CMREren (Europako Udalerri eta Eskualdeen Kontseilua) proiektu berria adierazle-sistema bat garatzean datza. Haren bidez, kide bihurtutako eskualde eta udalerrietan Europako Gutunaren aplikazioa ebaluatzeko aukera egongo da. Aurreko hilabetean, irailean, EUDELek tokian tokiko Berdintasunaren ebaluatzeko eta aztertzeko tresna berri hau gauzatzeko konpromisoa hartu zuen, batez ere, Euskadiko Udalerrietan.

Gaur egun, Euskadiko 32 udalek egin dute bat gutunarekin.

Europako Gutunak tokiko eta eskualdeko Europako elkarteak bat egitera eta berdintasunaren aldeko konpromiso publikoa hartzera gonbidatzen ditu.

Sinatzen duten udalerri eta eskualdeek Berdintasunerako Plan bana izan behar dute, eta euren lurraldeko erakunde eta agintariekin lan egin, hartutako konpromisoa bultzatu eta aurrera eramateko.

Gutunaren testuak neurri jakin batzuk proposatzen dizkie gobernu eta agintariei, betiere euren eskumenen arabera.

EUDELek 2006an, gutunaren sorreran, Europako Udalerri eta Eskualdeen Kontseiluarekin batera lan egin zuen, bai eta berau betetzeko eta sustatzeko konpromiso irmoa sinatu ere.

Gutunak, gainera, Europako Batzordearen babesa jaso zuen, gizonen eta emakumeen arteko berdintasunerako ekintza komunitarioko 5. Programaren barruan.

Bilbon, 2013ko irailaren 27an. Ministroen Kontseiluak uztailaren 26an onartutako Toki Administrazioaren Iraunkortasunari eta Arrazionalizatzeari buruzko Lege Proiektuaren kontra dago EUDELEN Batzorde Eragilea. EAEko udalerrien elkartea oso kezkatuta dago erreforma honek Euskadin izango duen eragina dela eta, eta guztiz aurka dago, izan ere, planteatutako lege proiektua onartezina da euskal sistema instituzional eta ekonomiko-finantzario bereziaren barruan.

Balorazio tekniko-juridikoko txosten batek EUDELen jarrera babesten du. Bi dokumentu horiek aste honetan bertan bidali dira Ogasun eta Herri Administrazio Sailera, Kongresuko parlamentuko taldeei, Senatura eta Espainiako Herri eta Eskualdeen Federaziora (FEMP), hurrengo hilabeteetan Lege gisa onartzeko parlamentuan izapidetu aurretik.

Era berean, Lege Proiektuaren balorazioa Eusko Jaurlaritzara bidali da, jakinaren gainean egon daitezen, hiru herrialdeetako Foru Aldundietara, eta EAEko udaletara.

EUDELek egindako oharrek hiru ardatz dauzkate:

• Erreformak eraso egiten dio udal autonomiari.
• Euskal autogobernua urratzen du erreformak.
• Foru erregimenari esker transferitutako eskumenak alboratzen ditu.

EUDELen Batzorde Eragileak askotan kritikatu ditu Lege aurreproiektua zenaren inguruan sortutako zirriborroak; berriki, martxoan, EUDELek EAEko udalei balorazio tekniko-juridiko bat bidali zien, otsailaren 15ean zabaldu zuten Lege aurreproiektua zela eta.

EUDELek IVAP/HAEErekin eta Foru Aldundiekin batera, eskainitako 2013ko prestakuntza-programa jarraituko du urtreko azken hiruhilekoan.

Urrirako eta azarorako programatutako zeharkako planaren ikastaroetan izen-emateak udal bakoitzaren koordinatzailearen bitartez bideratzen jarraituko da. Honek helbide honetara bidaliko du: prestakuntza@ivap.es. IVAP/HAEEk onartutako ikasleen zerrenda baieztatuko du.

Prestakuntza-eskaintzaren edizio honetan, kudeaketa ekonomiko-finantzarioa, berrikuntza eta gardentasuna izan dira ardatzak. Gainera, proiektuak abiarazten laguntzeko tailer berriak antolatu dira.

Tokiko herri-administrazioaren langile guztiei zuzendutako ikastaro hauetan oraindik badago izena emateko aukera eta eskuragarri daude hurrengo helbidean:

IVAP/HAEEk dituen egoitzetan emango da prestakuntza: Bilbao eta Donostia