EUDELeko ordezkari KOLDO ITURBE bertaratuko da, Getxoko Udaleko Euskara Zinegotzia eta halaber HAKOBA batzordeko kide EUDELen aldetik.
Beste ekimen askoren artean, hizkuntzaren “irudi” berria ere sortu dugu HAKOBAren baitan (Herri Aginteak Koordinatzeko Batzordea), Eusko Jaurlaritzak, hiru foru aldundiek, EUDELek eta hiru hiriburuetako udalek adostuta. Lehen aldia da honelako ekimen bateratua egiten dena. Hizkuntzaren irudi sortu berria txantxangorria da, euskararen txantxangorria, euskaraz egiteko gonbidapen atsegina, hurbila eta erakargarria. Egitasmoa erakunde publikoek sortu badugu ere, hasiera-hasieratik inplikatu dira ekimen pribatu zein sozialeko eragileak, txantxangorria guztiona delako, euskaldunona, euskaldun guztiena.
2016ko urtarrilaren 15ean aurkeztu genuen txantxangorria hauspotzeko ekitaldi berezi bat egingo da Bizkaiko gizarte eragileekin batera, otsailaren 10ean, arratsaldeko 18:30ean, Bilboko Euskalduna Jauregian.
EUDEL-Euskadiko Udalen Elkarteak eta Eusko Jaurlaritzaren arteko hitzarmen honen helburua, Udaletako profesionalen eta etorkinen arteko komunikazioa erraztea da. Sistema honi esker, herritar guztiek berdintasuna izango dute eskubideei dagokienez.
2015 urtean 53 Tokiko Erakundeek (163 udalerri) zerbitzua erabili dute eta bere erabilerak dituen abantailak ezagutzeko aukera izan dute.
Interesa duten Tokiko Erakunde berriek otsailaren 18a baino lehen atxikimendu orria bidali behar dute hurrengo posta elektronikora: gizartegaiak@eudel.eus
ZERBITZUAREN BALDINTZAK:
- 51 hizkuntzatara itzultzea bermatuko da, bai eta interesa duten tokiko erakunde guztientzako telefono pack-ak mantenduko ere; era berean, minutuak biztanle kopuruaren arabera banatuko dira.
- Minutuen guztizko kopurua “solidarioa” izango da; horrenbestez, urte bukaeran, udalerri batek ez baditu esleitutako minutuak kontsumitu, minutuok “minutuen poltsa komun solidario batera” pasatuko dira.
- Minutuen poltsa nahikoa izango ez balitz, hasieran esleitutako minutuen kontsumoa gainditu duten udalerriek beren gain hartu beharko dute gehiegizko gastua, eta zerbitzua ematen duen enpresari gehiegizko kontsumo hori ordaindu.