Eudel

Author

eudel

Azken berriak

31.01.2014 Prestakuntza

‘HAZ’ ezarpenerako trebakuntza eta laguntza plan berria

TBA -Toki Berrikuntzako Agendaren ekimenaren markoak EUDEL eta HAEE/IVAPek, 2014rako Herritarren Arretarako Zerbitzu Osoen (HAZ) ezarpen eta hobekuntzatako trebakuntza eta laguntza plana programatu dute 5000 biztanle baina gehiago euskal udaletan.

Laguntza prozesu horren helburua zera da; urte baterako aurreikusten den aldian, udalak, herritarrekiko arreta zerbitzu integrala bere erakundean ezarria izatea.

Helburu hau lortzeko beharrezkoa da proiektuari atxikitze-konpromisoa sinatzea, EUDEL, HAEE/IVAP eta udal bakoitzak.

EUDEL eta HAEE/IVAP euskal udalen etengabeko berrikuntza eta modernizazioaren alde ari dira elkarlanean, 2014rako herritarren arretan oinarritutako udal zerbitzuen programa berriarekin.

Programak prestakuntzako eta laguntzako jarduerak -aurrez aurrekoak eta on line- aurreikusten ditu, bere udalerrietan herritarren arretarako zerbitzu osoa martxan jarri nahi duten udalentzat laguntza pertsonalizatua eskaintzeko.

Laguntza pertsonalizatuko prozesuaren helburua da urte bateko epea bukatzean parte hartzen duen udalak zerbitzua ezarrita izatea.

Aurkezpena
deskargatu

Programa hau 2013ko irailetik dago garapenean, 5 udalerriko talde pilotu batean (Abanto-Zierbena, Eibar, Etxebarri, Galdakao eta Gernika-Lumo). Bertan, bere esperientzia ekarriz, beste udalerri batzuk ere laguntzen dute, jada HAZ ezarri dutenak eta hobetzen daudenak (Arrigorriaga, Ermua, Urnieta, Irun, Zalla).

Proiektu pilotuko udalen prozesua positiboa denez, orain programa parte hartzeko interesa duten udal guztietara zabaltzen da, beti ere 5.000 biztanletik gorakoak badira.

Planaren Fitxa

Zer egin behar da parte hartzeko?

MATRIKULA ETA ATXIKIMENDU KONPROMISOAK Parte hartzeko beharrezkoa da matrikula gisa 1.000€ ordaintza eta udal bakoitzak Planari atxikitze hitzarmena sinatzea, non, besteak beste, hurrengo konpromisoak agertzen diren.

  • Gobernu organoaren akordioa hartu.
  • Prozesuaren arduradun politikoa izendatu (Alkate edo zinegotzi ordezkariak)
  • Prozesuaren arduradun teknikotzat gutxienez HIRU langile publiko izendatu.
  • Arduradun politikoaren zein arduradun teknikoen parte hartzea erraztu eta sustatu, trebakuntza Planaren eta tutoriaren ekintza zuzen eta on-lineetan.
  • Planean zehazten den atazen garapen eta gauzatzea sustatzea, hala nola, prozeduren arrazionalizazio eta sinplifikazioa, espazio fisikoaren egokitzapena, baliabide materialen hornidura, herritarren arreta zerbitzurako izendatutako langileen trebakuntza, etab.

Eskaera otsailaren 14a baino lehen Programan parte hartzeko interesa duten udalek otsailaren 14a baino lehen eman beharko dute izena, hurrengo helbide elektronikoen bidez:

Esther Ibarlucea EUDELeko arduradun teknikoa: ibarlucea.e@eudel.net

Miriam Berasategi IVAPeko arduraduna: miriam-berasategi@ivap.es

** Eskaerak sartzen diren hurrenkeran aintzat hartuko dira.

Continue Reading
By

31.01.2014 Berriak

Ikas-ingurune komunitarioak sortzeko euskadiko udalerrien sarea

Ikas-Ingurune Komunitarioen Laborategiak euskal udalerrien sare bat, Haurren Hirien Sarea, jarriko du martxan, gizarte-gune komunak ikasgune berritzaile, inklusibo eta malgu bihurtzeko, pertsonen burujabetasuna sustatu eta hauek beren hazkunde-ahalmen guztia garatu ahal izateko.

Haurren Hirien Sarea proiektua eta Ikas-Ingurune Komunitarioen Laborategia agente publiko eta pribatuen partzuergo batek bultzatzen ditu: Eusko Jaurlaritzako Hezkuntza Saila, Bizkaiko Foru Aldundia, Leioako Udala, EHUko Irakasle Unibertsitate Eskola, Solasgune eta Innobasque-Berrikuntzaren Euskal Agentzia daude partzuergoan.

· Italiar pedagogo ospetsua den Francesco Tonucci-ren la Cittá de i Bambini nazioarteko proiektuak haurren parte-hartze aktiboa proposatzen du hirien kudeaketan, eta Haurren Hirien Sarea oinarritzeko parametroak jartzen ditu.

Ikas-Ingurune Komunitarioen Laborategia eta Haurren Hirien Sarearen abiapuntua Herrigune Leioa esperientzia da: 10 urte baino gehiago daramatza udalerriko zenbait eragilerekin lankidetzan hazkunde komunitarioko plana sortu eta garatzen bere herritarrentzat. Gainera, Alkatetzak organo aholku-emaile bat du, Umeen Kontseilua, eta konprometituta dago honen gomendioak entzutera. Gomendio horiek organoa osatzen duten haurren ikuspegia adierazten dute. Horren haritik, mundu osoan Francesco Tonuccik sustatzen duen La Cittá de i Bambini-k hiriak gobernatzeko beste eredu bat proposatzen du, haurrak harturik herritar guztien beharrizan edo premien parametro eta berme gisa. Kontua ez da haurrentzako baliabideak eta zerbitzuak gehitzea, baizik eta guztiontzako hiri hobea eraikitzea. Haurren Hiriak hirietan haurrei burujabetasuna itzultzeko ekintzak gauzatzen ditu, eta horien parte-hartzea sustatzen du tokiko gobernuetan, ahotsa emanez beraiengan pentsatuz egitura daitezen hiriak.

Prentsa Oharra jeitsi
Continue Reading
By

24.01.2014 Berriak

Ikas ingurune komunitarioen laborategiaren eta “HaurrenHirienSarea”ren aurkezpena

Data: 2014/01/30
Ordutegia: 10:00 – 13:30 tara
Lekua: Bizkaia Aretoa Avenida Abandoibarra, 3 Bilbao, 48009
Antolatzailea:Bizkaiko Foru Aldundia, Innobasque, Eusko Jaurlaritza, EHU, Solasgune eta Leioako Udala.

Ekitaldian Francesco Tonucci adituaren hitzaldiaz gozatzeko aukeraz gain, gure herrialdean dauden edo eratu daitezken eredu ezberdinen abiapuntua izan dadin.
Gaur egun, gizarte berritzaile eta inklusiboak, ezagutzaren gizarteak, gizarte kohesionatuak, bizitza osorako ikaskuntza, etab. lehentasun eta premia bihurtu dira gure ingurune hurbilean eta baita Europan ere.
Hau honela izanik, ezinbestekoa da ingurune lokalak berpentsatu eta berrantolatzeko guneak sortzea; han eraikiko baititugu garapen eredu komunitarioak, espazio komuna berreskuratuz, ardurak partekatuz eta gizarte konpromisoa sendotuz.

Izen ematea

Jardunaldiaren edukiak

10.00 – Jardunaldiari hasiera (Bizkaiko Foru Aldundia eta EHU)
10.30 – Beharra (Innobasque)
10.50 – Jitoan: HerriguneLeioa (Leioako Udala)
11.10 – Atsedenaldia
11.25 – Francesco Tonucci. La CittádeiBanbini.
12.45 – Galderak
13.15 – Amaiera instituzionala

Azkenik, urtarrilaren 31an eta otsailaren 1ean (goizez eta arratsaldez, 40€ kostuarekin) arduradun politiko, udal teknikari eta eragile sozialei zuzendutako ikastaro bat ere eskainiko dugu Francesco Tonucciren eskutik. Plazak mugatuak diren heinean, ikastaroari buruzko informazio gehigarria eta baldintzak ezagutu nahi izanez gero Eukene Fernandezekin ( eukene@solasgune.com ) lehen bait lehen kontaktuan jartzea eskertuko genizuke.

Continue Reading
By