EHAAn Arg
EHAAn argitaratu da Osasun Sailburuaren 2020ko abuztuaren 19ko Agindua COVID-19ak eragindako osasun-krisialdiari aurre egiteko beharrezko prebentzio-neurriei buruzkoa.
Esteka: https://www.euskadi.eus/y22-bopv/eu/bopv2/datos/2020/08/2003330e.shtml
Euskal Herriko Agintaritzaren Aldizkariak “Larrialdiei Aurre Egiteko Bidea-LABI” izeneko Euskadiko Babes Zibileko Plana aktibatzen duten bi aginduak, Osasun sailburu Nekane Murgarena eta Segurtasuneko sailburu Estefanía Beltran de Herediarena, eta Iñigo Urkullu Lehendakariaren dekretua argitaratu ditu gaur, astelehena, abuztuak 17. Hala, Iñigo Urkullu Lehendakariak hartuko du bere gain “Larrialdiei Aurre Egiteko Bidea-LABI” izeneko Euskadiko Babes Zibileko Planean jasotako larrialdiko jardueren zuzendaritza bakarra eta koordinazioa, Covid-19ren hedapenaren ondoriozko osasun-alertak sortutako egoeraren aurrean. Hauek dira hiru arauak:
Osasun Sailak hartutako erabakia jakinarazten zaizue non, Eudelen elkartebuari komunikatu ondoren, udalei eskatzen zaien udalekuak ixteko.
COVIDaren datuen bilakaeraren aurrean, hori da Osasun Sailak eta Osakidetzak gaur hartu dituzten prebentziozko eta behin-behineko neurrietako bat, hala nola eguneko zentroen aldi baterako itxiera, eta egoiliarren irteerak murrizketa eta bisitak mugatzea.
Atzoko egunean, Osakidetzak egindako 4.997 PCR probetan 115 kasu positibo detektatu ziren: 9 Araban, 43 Bizkaian eta 63 Gipuzkoan.
Testuinguru horretan, berriz ere erantsi da udalentzako gomendioen dekalogoa, euskal udalerrietan komunitate-transmisioa prebenitzeko.
Osasun-agintariek bereziki azpimarratu dute, Udalen lankidetzarekin herritarrak eta tokiko kolektiboak kontzientziatzeko, maskara nahitaez erabili behar dela, eta zorrotz bete behar direla epidemiaren hedapenari eusteko ezarritako neurriak.
Bilbon, 2020ko uztailaren 16an. Gorka Urtaran EUDELen elkarteburuak eta Jose Antonio Santano eta Nagore Alkorta elkarteburuordeek adostu dute beharrezkoa eta egokia dela udalei dekalogo bat ematea, Euskadiko udalerrietan COVID-19aren transmisio komunitarioak prebenitzeko gomendioekin. Pandemiak eragindako egoera era koordinatuan kudeatzeko Eusko Jaurlaritzaren Osasun Sailarekin EUDELek duen lankidetza estuaren barruan egin da dokumentua.
Dokumentu honekin, EUDELek eta Osasun Sailak agerian jartzen dute udalek, gizartearengandik hurbil egonik, egiten duten lana zer garrantzitsua den jendea kontzientziatzeko eta erantzukizun indibiduala nahiz kolektiboa eskatzeko, autobabesari eta kutsatzeak hedatzearen prebentzioari dagokienez.
Elkarlana, elkartasuna y “komunitate-sena”
Dekalogoaren testuinguruan, Gorka Urtaran elkarteburuak hiru mezu helarazi ditu egungo egoera ikusita eta udalek pandemiaren transmisioa prebenitzeko duten eginkizuna ikusita:
Lehenik, adierazi du alkateen “kezka handia” bizilagunen osasuna babesteko. Gorka Urtaranek udalen eta Eusko Jaurlaritzaren arteko elkarlanaren balioa azpimarratu du, Osasun Sailarekin izandakoa bereziki. “Konfiantza izan dezakegu gure osasun-zerbitzu publikoetan eta lan handia egiten ari diren Osakidetzako langile guztiengan”.
Bigarrenik, udalen eginkizun inportantea nabarmendu du udalerriko gizarte-eragile guztiekin, merkatari, ostalari, elkarteekin koordinatzeko. “Baina hau ez da nahikoa” adierazi du, “herritarren lankidetza behar da, ezinbestekoa da guztiok inplikatzea, erantzukizun kolektibotik eta norberarenetik” “Elkartasunez, elkarri lagunduz, eta, azken batean, komunitate-senez”.
Gaur bidali zaie dekalogoa alkate guztiei, eta, bertan, antolakuntzari buruzko jarraibide orokor batzuk ematen dira, udalen jardun zuzena orientatu eta indartzeko, betiere, herritarren eta udalerriko eragile sozialen inplikazioa kontuan hartuta. Neurrien zerrenda batez ere udari begira eginda dago, festak edota baimen gabeko jarduera oro egitea eragozteko, jende-pilaketak eragin baititzakete, eta, ondorioz, epidemiari eusteko ezarritako osasun betebeharrak eta neurriak ez betetzea eragin.
Gomendioak udalerri bakoitzaren berezitasunetara egokituko dira, tokiko autonomia oinarri hartuta, eta, betiere, eboluzio epidemiologikoari erantzuteko une bakoitzean indarrean dagoen araudia errespetatuz.
EUDELen udalentzako jakinarazpena, gaur euskal alkateei bidalia, herritarrei maskara erabiltzeko mezua indartzeko:
Datorren uztailaren 16an, ostegunarekin, omenaldia egingo zaie pandemiaren biktimei, eta COVID-19aren aurka borrokan aritu eta ari diren osasungintza-langileei eta pertsona eta kolektibo guztiei.
Egun horrek sinbolo ere izan nahi du, gizarte gisa dugun baterako erronka honi erantzuteko eremu guztietako erakunde guztien elkarlanaren sinbolo.Egun, prebentzio- eta babes-neurriak gaixotasunaren hedapena geldiarazteko tresnarik eraginkorrena direla dakigu guztiok.
MASKARA, bereziki, bada eta izaten jarraitu behar du beharrezko eta funtsezko elementua gure herri eta gure hirietako eguneroko bizitzan. Tokiko erakundeetan gure eginkizuna giltzarri da hiritarrak maskara erabiltzen kontzientziatzeko, norbera babesteko eta besteekiko elkartasuna izateko.
Udalak funtsezkoak gara maskararen kultura udalerri guztietara zabaldu dadin. Gure mezua biztanleengandik hurbilago egon daiteke, horrekin bizitzak salbatzen lagun dezakegu eta, ondorioz, osasungintza-langile guztiek egindako lana indartu.
Gure ustez, horixe da, hain zuzen ere, gure osasuna eta gure bizilagunena babesten eta zaintzen duten pertsona guztiei egin diezaiekegun aitorpenik eta esker onik zintzoena.
Hortaz, uztailaren 16ko omenaldiaren markoan, udalerrietan egin litezkeen ekitaldi eta mota guztietako ekimenak direla, EUDELek Euskadiko udalak gonbidatzen ditu maskararen erabilera sustatzera eta gogoraraztera hiritarrei zuzendutako ohar eta/edo adierazpen publikoetan.
Gorka Urtaran
EUDELen Elkartebu
“Eraso sexistarik gabeko uda” kanpaina, eraso sexistak prebenitzen laguntzeko sortutakoa, Beldur Barik programaren barruan kokatzen da, urtero Emakundek bultzatu, eta Arabako, Bizkaiko eta Gipuzkoako Foru Aldundiek eta EUDEL-Euskadiko Udalen Elkarteak laguntzen duten gazteei zuzendutako kanpainan, hain zuzen ere.
Aurreko urteetan jaietako eraso sexistak prebenitzeko kanpaina egin da, baina Covid-19aren pandemiak eragindako aurtengo egoera berezia ikusita, kanpaina ez da jaietan oinarritu baizik eta udan, orokorrean.
Eraso sexistak prebenitzea guztion kezka da: herritarrena eta erakundeena, bereziki tokiko eremuko erakundeentzat, hiritarrengandik gertuen daudelako. Horregatik, eta udan ere errespetuan, berdintasunean eta autonomian oinarritutako jarduerak bultzatzeko helburuz, Beldur Barik programaren barruan zenbait material eskaini zaizkie EAEko udalei haien bidez herritarrak gai horrekin sentikortzera eta inplikatzera zuzendutakoak. Kartel bat eta eraso sexistak prebenitzeko gida bat.
Udalei bidalitako material hauekin, indarkeriaren kontrako irudi bateratu bat bilatzeaz gain, lortu nahi da herrietan lan-prozesu ezberdinak sortzen joatea, gazteekin, aisialdi-giroetan eman daitekeen biolentzia sexuala antzemateko, prebenitzeko eta hari aurre egiteko banakako zein taldeko erantzunak garatzeko.
Kanpaina bultzatzen duten jarrera aktiboa eskatzen dute emakumeak errespetatzen ez dituzten edozein adierazpen fisikoren edo hitzezkoren kontra. Errespetuan, berdintasunean eta autonomian oinarritutako jarrera. Eta gazteei espezifikoki baina hiritar guztiei deia egiten diete euren inplikazio eta jarrera aktiboarekin, udan ere jarrera sexistarik gabeko espazioak sortarazten laguntzeko.
Bilbao, 2020ko uztailaren 2a. UPV/EHUko gizarte antropologiako irakaslea, feminista, aktibista eta jardunaldi honi izenburua eman dion El feminismo y las transformaciones de la política liburuaren egilea den Mari Luz Esteban izango da ekimenaren hizlari nagusia. Gakoak emango ditu ondoren Euskadiko lau hautetsi hauek egingo duten solasaldirako: María Teresa Córdoba Fernández, Lapuebla de Labarcako alkatea; Pilar Legarra Cortajarena, Asteasuko alkatea; Paula Amieva Clemente, Getxoko zinegotzia, eta Idoia Inoriza Bustamante, Muskizko zinegotzia.
Nola eragiten dute mugimendu feministek politika instituzionalaren esparruan eta, zehazkiago, tokiko politikaren esparruan? Zer onura dakar mugimendu feministaren eta politika instituzionalean zuzenean parte hartzen duten emakumeen (alkateak, zinegotziak eta teknikariak) arteko harreman bizi eta aberasgarriak? Gai horiek jarriko dira mahai gainean jardunaldian, besteak beste, eta gai nagusia izango da Euskadin mugimendu feministak azken hamarkadetan bizi izan dituen aldaketak eta horiek zer eragin izan duten politikaren esparruan.
EUDELek eta Emakundek 2012. urtetik sustatu duten Virginia Woolf Basqueskola espazioak aurrera jarraitzen du, Euskadiko emakumezko tokiko hautetsientzat interes handikoak diren gaien inguruko truke, analisi eta eztabaida espazioak antolatzeko lanean. Basqueskola sareak alkate eta zinegotzien lan politikoa babesten du, eta haiek ahalduntzen eta berdintasuneko tokiko politikak ezartzen laguntzen du. Basqueskola espazio parte-hartzaile eta plurala da; aliantzak sortzen ditu Euskadiko udaletan ikuspegi politiko guztietako hautetsien artean, hala gobernuko nola oposizioko hautetsien artean.
Informazioa guztia, hemen: www.virginiawoolfbasqueskola.eus
@basqueskola basqueskola@eudel.eus
Hizlaria:
Mari Luz Esteban. Medikuntzan lizentziaduna eta gizarte antropologian doktorea. Familia plangintzako mediku gisa egin zuen lan 1984tik 1996ra arte. 1994tik gizarte antropologiako klaseak eman izan ditu Leóngo Unibertsitatean lehenengo, Nafarroako Unibertsitate Publikoan (UPNA-NUP) ondoren, eta, gaur egun, Euskal Herriko Unibertsitatean (UPV-EHU). Aditua da antropologia feministan, baita REDAMeko (Medikuntzaren Antropologiaren Latindar Sarea) kidea ere. Bere ikerketek ardatz dituzte Medikuntzaren Antropologiaren esparrua, Antropologia Feminista, eta Gorputzaren eta Emozioen Antropologia. 1980. urtetik, ekimen eta elkarte feminista ugaritan parte hartu izan du: Bizkaia Emakume Asanbladaren kide izan zen, baita Mendekotasunari Arreta eskaintzeko Euskal Sistema Publikoaren aldeko Plataformako kidea ere. Gaur egun, Basauriko Emakumeen Taldeko (Bizkaia) eta Marienea Elkarteko (Basauriko Emakumeen Etxea) kidea da; lehenengo horretan, bere unibertsitate garaitik da kidea. Liburu ugari idatzi ditu; hauxe da azkena: El feminismo y las transformaciones de la política; hain zuzen, hori hartu da erreferentziatzat jardunaldi hau antolatzeko.
Gaurko EHAAn argitaratu den Lanbide-Euskal Enplegu Zerbitzuko zuzendari nagusiaren ebazpenaren testua, zeinaren bidez argitara ematen den enplegua sustatzeko toki-ekintzetarako 2020ko dirulaguntzen deialdia, 42.000.000 de euroko kopuruarekin.
Diruz lagundu daitezkeen proiektuak 4 motatakoak dira:
Eskabideak egiteko epea hilabete batekoa da 1. motan eta 2. motan, deialdia EHAAn argitaratzen denetik, eta urriaren 16ra arte 3. motan eta 4. motan.
