AGINDUA, 2014ko uztailaren 30ekoa, Ekonomiaren Garapen eta Lehiakortasuneko sailburuarena, zeinaren bidez onartzen baita Industrialak ez diren Eraikinetako Suteen Aurkako Babes Instalazioen Egiaztagiri-eredua.
Onartzea Industrialak ez diren Eraikinetako Suteen Aurkako Babes Instalazioen Egiaztagiri-eredua. Agindu honen eranskinean dago jasota.
Egiaztagiri-eredua web gune honetan egongo da eskuragarri: http://www.euskadi.net.
EUDELek eta Bizkaiko Foru Aldundiak, Emakunderen parte-hartzearekin batera, Berdinbidean Bizkaia izenpean, 2011n Aholkularitza Zerbitzua abian jarri zuten tamaina txikiko Bizkaiko udalerrientzat, hain zuzen ere, 5.000 herritar baino gutxiago zutenentzat.
Jardueren diseinu eta gauzapena sustatzeko programa hau berdintasunaren aldeko tokiko berezko politikak gauzatzeko baliabide gutxien daukaten udalei zuzenduta dago. Berdinbidean Bizkaiaren bitartez, 2012-2013an jarduerak burutzeko eta konsultei erantzuteko programa bat burutu da. Haren edukia erantsitako txostenean zehaztuta dago.
Landutako arloak:
Jarduera guzti hauek osatzeko, udalerri txikientzako Emakunde-Eudel Jarduera Estrategikoen Plana eta ‘Virginia Woolf Basqueskola’ –tokiko emakume hautetsientzako kontaktatzeko eta prestakuntza jasotzeko sarea daude”.
Nazioarteko Gardentasuna erakundeak UGIren (Udalen Gardentasun Indizea) 2014ko ebaluzioaren edizioa oraintsu plazaratu duela jakinarazi nahi dizue EUDELek.
Honekin batera, aurten erabiliko diren 80 Adierazleen Koadroa bidaltzen dizuet. Horiek ardatz hartuta, 50.000 biztanle baino gehiagoko Udaletan “auditoria” egingo da, bere webguneen bitartez aztertzen eta nabigatzen, informazioa emateko eta gardenak izateko erakunde horren eskakizunak betetzen dituzten egiaztatzeko asmoz.
Halaber, Gardentasunaren aldeko Euskadiko Udalen Sareak garatutako lanaren barruan, EUDELek Udal Gardentasunerantz abiatzeari buruz euskal udalei aholkularitza eta orientazioa eskaintzeko hainbat dokumentu egin dituela jakinarazi nahi dugu. Udaletan berrikuntza laguntzeari (UBL) buruzko azken programekin osatu da Sareko Lana, hainbat alorretan: tramiteei buruzko gidaliburuak, barne-prozedurak edo sinpletze administratiboa.
Programa eta produktuei buruzko informazioa:
http://www.eudel.net/eu/areas/innovacion__modernizacion_y_nuevas_tecnologias
Gardentasunari buruz laguntzeko materialak
Gardentasunaren aldeko Sarearen barruan orain arte egindako materialak mota guztietako udaletan (tamaina txikiko, erdiko eta handikoetan) ezartzeko prestatu dira.
Hemen, “Udal Gardentasuna abian jarri eta kudeatzeko gida” nabarmendu behar dugu. Horretan, adierazleen sistemako eredu zabalagoa eskaintzen da, udalen beharrizanekin bat datorren egitura baten arabera, herritarrentzat ulergarria den informazioa eskainita.
Aipatutako gida osatzeko, EUDELen webguneko hurrengo esteka honetan dauden beste argitalpen bi daude: http://www.eudel.net/destacados/transparencia/
Gardentasun Sareari atxikitzeko:
Informazio honekin Gardentasunaren aldeko Euskal Udalen Sareak lankidetzan egindako lana ezagutarazi nahi dugu, udalek horretan parte hartzera gonbidatuta.
KONTAKTUA: udaltransparencia@eudel.net
Hirugarren boletin elektronikoa Emakunde eta Eudelek bultzatutako Basqueskolari –Euskadiko emakumezko tokiko hautetsientzako eskola– buruzko berriekin. Boletinarekin batera datoz monografikoak, elkarrizketak, berriak eta emakumeen parte-hartze politikoari lotutako beste gai interesgarri batzuk.
Buletina deskargatu
Basqueskolaetatik emakumezko tokiko hautetsiak gonbidatzen dituzte udazkenean hasiko diren ikastaroetan parte hartzera. Aurten, programa hiru lurraldeetan deszentralizatu da, prestakuntzako eskaintza emakume hautetsien beharrizanei eta izaten duten astialdiari egokitzeko.
Erantsitako dokumentazioan informatzeko buletina topatuko duzue 2014ko udazkenerako programa berriari buruzko informazio osoarekin. Gainera, ikastaroen foiletoa eta horietako bakoitzerako izen-emate digitaleko eskabidea ikusiko dituzue. Hurrengo helbide elektroniko honetan eskuratu dezakezue: www.eudel.net/basqueskola)
2014ko irailak 24, Lurreko Telebista Digitalaren (LTD) Plan berriari buruzko errege-dekretua, hil honen 19an Ministroen Kontseiluak onartu duena. Kontseiluak onartu du, halaber, dibidendu digitala deritzonaren liberalizazioa burutzeko akordioa, zeinek telebistako 8 kanal anizkoitzeko eskaintza ekarriko duen.
Energia, Industria eta Turismo Ministerioak berak jakinarazi duenez, prozesua 2015eko urtarrilaren 1a baino lehen egingo da eta, konplexutasun teknikoa dela medio, prozesu honek dakartzan aldaketei buruzko komunikazio-plana aurreikusten da.
EUDEL harremanetan dabil Itelazpi-rekin, asmoa baita laster Euskal Udaletan izango duen hedapenari buruzko saio informatiboa antolatzea.
Adikzioen Legearen Aurreproiektua entzunaldiko izapidean jaso ondoren, Aurreproiektuaren inguruko gogoeta hauek formulatu dira, horretarako zabaldutako epean.
Aurreproiektuaren testua (Irekia) http://www.irekia.euskadi.net/eu/debates/967?stage=conclusions
CGLU-Munduko Herri eta Hirien Batasunaren Ezagutzaren Hiri Digitalen Batzordea
Bilbo, azaroak 6 eta 7.
Honekin batera, CGLUren Ezagutzaren Hiri Digitalen Batzordearen hurrengo nazioarteko topaketari buruzko informazioa igortzen dizuegu. UN-HABITAT Nazio Batuen erakundearekin lankidetzan, Bilbon egingo da, azaroaren 6an eta 7an, hurrengo izenburupean: ‘SMART LOCAL GOVERNANCE: Gobernatzeko Era onaren erronka tokiko administrazioan’.
EUDELek programaren barruan hartuko du parte, zehatz-mehatz, tokiko administrazioen eredu berria sustatzeko “Gardentasunaren aldeko Euskal Udalen Sareak” egindako lanaren aurrerapenak aurkeztuz: gardentasuna, gobernu irekia eta herritarrekiko elkarreragintza.
Smart Local Governance delako kontzeptuaren barruan hurrengo alderdiak daude: parte-hartze politiko aktiboa, herritarrentzako zerbitzuak eta administrazioaren funtzionamendu adimentsua. Hori guzti hori Teknologia Berrien laguntzaz, izan ere, horien bidez Tokiko Administrazioaren eta herritarren arteko harreman-modu berria ezartzeko aukera dago; zehazkiago, online zerbitzu publikoak ezartzea eta herritarrek erabaki publikoetan hobeto parte hartzeko Teknologia berriez baliatzea.
Datak: 2014ko azaroak 6 eta 7
Tokia: Bilbo, Bilbao Ekintzaren ekitaldi-aretoa, Uribitarte pasealekua, 3.
IZEN-EMATEA DOAN
HIZKUNTZA: INGELESA (gaztelerazko aldibereko itzulpena)
*Izena emateko azken eguna: urriak 24
Harremanetan jartzeko informazioa:
Lidia Cobas
Idazkaritza Teknikoa
Ezagutzaren Hiri Digitalaren Batzordea
promotion@bilbaointernational.bilbao.net
tel +34 94 439 82 10
www.cities-localgovernments.org/committees/cdc
Lehengo ikasturtean, 18.000 lagunek euskara ikasi zuten lurralde honetako 66 euskaltegi publiko eta pribatuen sare osoan.
Bilbon, 2014ko irailak 17. Bizkaiko Foru Aldundiak, EUDELek eta lurralde honetako euskaltegi publiko eta pribatuen sareek abian jarri dute «Zatoz euskarara» kanpaina. Haren xedea 2014-2015eko hurrengo ikasturtean euskaltegi sare osoan helduen matrikulazioa sustatzea da. Gainera, kanpaina honekin, Bizkaiko ikasleak eta elkarte euskaltzaleak gonbidatu nahi dituzte euskara eguneroko bizimoduan eta gizartearen edozein alorretan erabiltzera.
Kanpaina gaur goizean aurkeztu dute Bilboko EUDELeko egoitzan Josune Ariztondo Kulturako Foru Sailburuak eta Imanol Landa Getxoko Alkateak, biak EUDELen izenean. Haiekin batera, Bizkaiko euskaltegi publiko eta pribatuen ordezkari bi egon dira.
Imanol Landa EUDELeko ordezkariak herri-erakundeen arteko ahaleginak batzeak daukan garrantzia gogora ekarri zuen. Izan ere, batik bat, Bizkaiko udalentzat euskaltegietan matrikulatzeko kanpainak sustatzen jarraitzea garrantzizkoa eta beharrezkoa da. “Euskararekin dugun konpromisoa irmoa da eta helduen euskalduntzea funtsezko gakoa da euskara normalizatzeko prozesuan. Gainera, euskaltegi publiko zein pribatuen sare osoa sostengatzen lagundu behar dugu, orain arte egin den bezala”.
Ildo horretan, Imanol Landak herritarrak bultzatu zituen gaur egun Bizkaiko eskaintza zabala osatzen duten euskaltegietara hurbiltzera: “herritarrak animatu nahi ditut euskaltegi batera joatera eta horretan matrikula egitera. Ez dira damutuko. Leloak dioenez: Zatoz euskarara“.
Aldundiaz eta EUDELez gain, Alkarbide topaguneak honako ekimen hau sustatzen du. Bertan batzen dira Bizkaiko euskara-zerbitzu guztiak eta helduen euskalduntzean inplikatutako eragileak.
Izan ere, “Zatoz euskarara” kanpainaren bidez Bizkaian bizi eta euskara ezagutzen ez duten edo euskalduntzen dabiltzan helduen artean euskara sustatzeko asmoa dago. Multzo horretan 700.000 lagun daude.
Euskararen irakaskuntzaren eskaintza Bizkaian
Bizkaiak euskaltegi publiko zein pribatuen sare oparoa dau. Hala, sare publikoa 21 udal euskaltegiz osatuta dago, oro har, Bizkaiko herri populatuenetan banatuta. Sare pribatua, berriz, 45 euskaltegiz osatuta dago eta eskaintza joriena Bilbon metatzen den arren, Bizkaiko herri gehientsuenetan ematen dute zerbitzua.
2012-2013 ikasturtean, ia 18.000 ikasle aritu ziren euskara ikasten Bizkaiko euskaltegietan (33.000 EAEkoetan). Horietatik % 30 inguruk (% 27 EAEn) euskaltegi publikoetan ikasi zuten eta % 70ek (% 73 EAEn) euskaltegi pribatuetan.
Guztira, aipatutako ikasturtean, 4.026.743 ikasle-ordu eta 351.462 talde-ordu eman ziren gure lurraldean. Bestetik, datorren ikasturteko matrikulazio datuei begiratuta (matrikulazio-aldia ez da amaitu), esan dezakegu helduen euskalduntzearen inguruko datuak oso-oso antzekoak izango direla amaitu den ikasturtearekin alderatuta.
