Bilbon, 2014ko martxoaren 27an. EUDELek Euskadiko Udal Kontseiluaren laneko lehenengo bileran parte hartu du. Martxoaren 27an, ostegunean egin zuten, eta bertan herri-erakundeetako hiru mailak egon ziren (Gobernua, Foru Aldundiak eta euskal Udalak), etorkizuneko Euskadiko Udal Legea eta Tokiko Administrazioa Arrazionalizaziorako eta Iraunkortasunerako Legeak ekarriko dituen eraginak jorratzeko asmoz.
Lehendakaria bera topaketa honetan egon da. Bertan, Eusko Jaurlaritzak, Aldundiek eta EUDELek lan-talde murritzagoa osatzea adostu dute, Batzorde Eragileak koordinatuta, Kongresuan onartutako Legean zehaztutako berehalako erronkak argitzeko eta haiei erantzuteko asmoz. Bilera horren ostean, zazpi lagunez osatutako taldea eratuko da: Gobernuko kide bi, EUDELeko bi eta Foru Aldundi bakoitzeko bana.
Euskadiko Udalen Kontseilua EUDELek deitu du eta Udalen Elkartearen lehenengo bilera honetarako ordezkaritza anitza izendatu dute, Euskadiko udaletan dauden alderdi eta sentsibilitate guztietako ordezkariez osatuta.
EUDELen izenean Batzorde Eragileko hiru kideak egon ziren: Ibone Bengoetxea Lehendakaria, Jose Antonio Santano Lehenengo Lehendakariordea eta Irungo Alkatea eta Aitor Kerejeta Hondarribiako Alkatea. Gainera, Udalen izenean Manu Uriarte Vitoria-Gasteizko zinegotzia, Aitor Abecia, Zanbranako Alkatea eta Eneko Maioz, Orexako Alkatea egon ziren.
Lehenengo topaketa honetan izan zuten xedea Udal Legeari buruzko laneko lehentasunezko ardatzak aztertzea izan zen. Euskadiko udalek epe labur eta ertainean dituzten erronkak aztertu ziren, batik bat, Arrazionalizazio eta Finantza Iraunkortasunerako Legearen berehalako inpaktuen aurrean erantzunak bilatzea.
Euskal Udalen iritziz, Legea inoiz baino beharrezkoagoa da eta Tokiko Erreforma Euskadiko herri-erakundeen berezko esparruari eta bere berezitasunei egokitzeko aparteko aukera osatzen du. EUDELek inplikatu guztien mesedetarako araua lortzeko adostasunak landu ditu, betiere euskal herritar guztien onerako. Hiru lurralde daudenez gero, EUDELek irizpide bateratuak zehazteari egoki deritzo, gure herriaren partekatutako ikuspegi ordenatua helarazteko asmoz, ahalik eta hemogeneoa eta, gainera, tokiko autonomiaren nahiz lurralde bakoitzaren berezitasunen errespetuan.
Udal Legea herri-erakundeen arkitekturaren gailur gisa hartzeari dagokionez, EUDELeko ordezkariei beste herri-erakundeei euskal udalen hiru aldarrikapen historikoak helarazi dizkiete: eskumenen mugapen zehatza; horiek burutzeko finantzak nahikoak izatea eta udalerriek Finantzan Euskal Kontseiluan parte-hartze aktiboa edukitzea; eta, halaber herri-erakundeetako hiru mailen arteko harremana, koordinatzako organo berrien bitartez, esate baterako, Politika Publikoen Kontseilua.
Bileraren gai ordena
- Etorkizuneko Euskadiko Udal Legean jorratu daitezkeen gai nagusien azterketa.
- Euskadiko Udal Legearen Aurreproiektua idazteko lanak dauden fasea.
- Galde-eskeak.
Herri-erakunde bakoitzeko joandakoak:
- EUDELen izenean: Ibone Bengoetxea, Lehendakaria; Jose Antonio Santano, Irungo Alkate eta Lehenengo Lehendakariordea; Aitor Kerejeta, Hondarribiako Alkatea; Aitor Abecia, Zambranako Alkatea; Eneko Maioz Orexako Alkatea; eta Manuel Uriarte Vitoria-Gasteizko Udalaren Ogasun eta Funtzio Publikoko zinegotzia.
- Gobernuaren izenean, Josu Erkoreka, Eusko Jaurlaritzaren Bozeramailea eta Administrazio Publikoko eta Justiziako Sailburua; Peru Bazako, Herri-erakundeen Harremanen Sailburuordea; Elixabete Etxanobe, Herri-administrazioekiko Harremanetarako Zuzendaria; eta Joseba Alcalde, Ogasun eta Finantza Saileko ordezkaria.
- Arabako FAren izenean: Aitor Uribesalgo, Ogasun, Finantza eta Aurrekontuen Foru Ahalduna; eta Javier Ruiz de Arbulo, Tokiko Administrazioko Foru Ahalduna.
- Bizkaiko FAren izenean: Unai Rementeria, Lehendakaritzako Foru Ahalduna eta Joseba Escribano, Udal Harremanen eta Hirigintzako Zuzendaria.
- Gipuzkoako Foru Aldundiaren izenean: Garbiñe Errekondo, Foru Administrazio eta Funtzio Publikoko Foru Ahalduna; eta Helena Franco, Ogasun eta Finantzako Foru Ahalduna.
Euskadiko Udal Kontseilua hurrengoek osatzen dute: EUDELen izenean sei lagun; foru aldundien izenean sei lagun (lurralde bakoitzeko bi); eta Eusko Jaurlaritzako sei gehienez.
Organo hau 1994an sortu zen eta herri-erakundeen hiru mailen artean elkar topatzeko, adosteko eta laguntzeko kontsultarako gunea da.
