Sailetako Albisteak

29.03.2014 Berdintasuna

Erakundeek lankidetza, udalerriei berdintasunaren arloko aholkularitza emateko

2014an, Eudelek berritu egingo ditu Emakunderekin eta aldundiekin urtero sinatu ohi dituen lau lankidetza hitzarmenak. Hitzarmen horien bidez, udalerriei zuzendutako emakumeen eta gizonen arteko berdintasun politikei buruzko aholkularitza zerbitzuaren baitan programatutako ekintzak koordinatuko dira.

Arabako eta Bizkaiko udalerri txikiek laguntza espezifikoa jasoko dute aurrerantzean ere, ‘BERDINBIDEAN’ zerbitzuaren bidez. Foru aldundiek finantzatutako zerbitzua da, eta Emakundek hiru lurraldeetarako ematen dituen laguntzekin osatzen da haren finantzaketa.

EMAKUNDE-EMAKUMEAREN EUSKAL ERAKUNDEAREKIKO HITZARMENA

Emakunderekin sinatutako urteko bi hitzarmenak berritu dira, berdintasunaren alde eta emakumeenganako indarkeriaren kontra toki administrazioek bideratzen dituzten programak eta zerbitzuak sustatzeko.

BERDINSAREA hitzarmena, berdintasunaren aldeko eta emakumeenganako indarkeriaren kontrako Euskadiko udalerrien sarearen garapena helburu duena. 2014ko hitzarmenak jarraipena emango dio lehen aldiz 2005ean sinatutakoari.

Hitzarmen horren baitan, EUDELek 61.500 euroko ekarpena egingo du, idazkaritza teknikoaren gastuak estaltzeko, eta Emakundek, 52.400 eurokoa, programatutako jarduera eta proiektuak finantzatzeko. Lankidetza horren bidez, besteak beste, gazteen artean prebentzioa lantzeko Beldur Barik programa sustatuko da, bai eta tokiko emakume hautetsien Basqueskola eskola ere.

Deskargatu Berdinsarea Emakunde-Eudel 2014ko hitzarmena

Hiru lurraldeetako udalerri txikietan ekintzak gauzatzeko finantzaketa hitzarmena. Hitzarmen berriak jarraipena emango dio lehen aldiz 2011n sinatutakoari.
Hitzarmen honen baitan, EUDELek 18.000 euroko ekarpena egingo du, laguntza teknikorako, eta Emakundek, 32.400 eurokoa, ekintzak gauzatzeko.

Emakunderekiko esparru hitzarmen horien baitan, halaber, EUDELen eta Arabako eta Bizkaiko foru aldundien arteko lankidetza ere definituko da, 5.000 biztanletik beherako udalerrien dinamizazio eta aholkularitzarako ‘BERDINBIDEAN’ zerbitzua garatzeko. 2014an, bestalde, bi herrialdeei dagozkien hitzarmenak ere berritu dira:

ARABAKO ETA BIZKAIKO BERDINBIDEAN HITZARMENAK

Bizkaiko udalerri txikiak

Bizkaiko Foru Aldundiaren Gizarte Ekintza Sailarekiko hitzarmena berritu da, udalerri txikiei zuzendutako emakumeen eta gizonen arteko berdintasun politiken esparruko aholkularitza eta laguntza zerbitzuaren kudeaketari jarraipena emateko. 60.000 euroko inbertsioa egingo da, hain zuzen ere, honako helburu hauek betetzeko:

Bizkaiko udalerri txikiei aukera ematea emakume eta gizonen berdintasuna sustatzeko diren politikak abian jartzeko
Toki mailan hurbilartaztea erraztea, eta esperientzien trukea, koordinazioa eta jarduerak elkarrekin egitea udal eta/edo udal taldeen mailan.
Bere jarduera koordinatzea Bizkaiko Foru Aldundiko Berdintasunerako Zuzendaritza Nagusiak abian jartzen dituen beste ekimen batzuekin, udalerri eta eskualdeetan antzemandako beharrizanen arabera.

Deskargatu Berdinbidean Bizkaia 2014 BFA-EUDEL hitzarmena

Arabako udalerri txikiak

Arabako Foru Aldundiaren Gizarte Zerbitzuen Sailarekiko hitzarmena, Arabako udalerri txikiei zuzendutako emakumeen eta gizonen arteko berdintasun politiken esparruko aholkularitza eta laguntza zerbitzuaren kudeaketari jarraipena emateko. Hauek izango dira hitzarmenaren xedeak: ekimenak abian jartzea, elkarlana sustatzea, eta koadrilen, udalen eta Aldundiaren arteko ekintzak koordinatzea eta esperientziak trukatzea.

2014ko plangintzak 30.000 euroko inbertsioa barne hartzen du, honako helburu hauek lortzeko:

Udalerri txikiei laguntza eskaintzea emakumeen eta gizonen arteko berdintasuna sustatzeko ekimenak abian jartzeko.
Udalerriei eta kuadrillen arteko elkarlana sustatzea berdintasunaren arloan, bai eta esperientzien trukea ere.
Udalerrien eta kuadrillen ekintzak Arabako Foru Aldundiaren berdintasun politikekin koordinatzea.

Deskargatu Berdinbidean Araba 2014 AFA-EUDEL hitzarmena

24.03.2014 Nabarmenak

Prozedura Administratiboen Eskuliburua

EUDELek eta IVAPek prestakuntza eta laguntza pertsonalizaturako plana prestatu dute, oraindik hala egin ez duten euskal udalek haien prozedurak berrikusten, arrazionalizatzen eta sinplifikatzen hasi daitezen, eragozpenak eta behar ez diren itxaronaldiak ekiditeko eta karga administratiboak murrizteko dokumentu batean bilduta.

Hori guzti hori, herritarrei eskainitako zerbitzuetan kalitatezko kudeaketa eraginkorragoa lortzeko.

Aurkezpena deskargatu

Prozesu honen xedea, prozeduren kudeaketan Administrazio Elektronikorako urratsa egiten laguntzea da.

Eskabideak: apirilak 4 baino lehen

Programan parte hartzeko interesa duten udalek apirilaren 4a baino lehen aurkeztu beharko dute eskabidea, hurrengo helbide elektronikoen bidez:

EUDELeko arduraduna: Esther Ibarluzea ibarlucea.e@eudel.net

IVAPeko arduraduna: Miriam Berasategi miriam-berasategi@ivap.es

** Eskaerak sartzen diren ordenaren arabera onartuko dira.

Euskal udaletarako Planaren Fitxa

Iraupena: 2014ko apirila – 2015eko otsaila

Garapen eta jarraipena: 10 hilabete

Nori zuzendua: arduradun politikoak eta teknikariak.

Matrikula: 1.000 euro

Gainbegiratze eta koordinazioa: EUDEL-IVAP

Helburua: arduradun politiko eta teknikoei asistentzia eta laguntza, Prozedura Administratiboen Udal Eskuliburuaren diseinatu, garatu eta ezartzeko prozesua burutzeko. Prozesuaren ebaluazioa.

Metodologia: bertaratutako saioak eta online laguntza (Moodle plataforma). Udalek TBAk (Toki Berrikuntzako Agendak) sortutako metodologiarekin lan egingo dute.

21.03.2014 Nabarmenak

Iñaki Azkuna 1943 – 2014

Iñaki Azkuna Urreta

1943 – 2014

Bilboko Alkatea

EUDELek bere atsekabea adierazten du, eta bat egiten du Iñaki Azkunaren heriotzak eragindako saminarekin. Era berean, doluminak helarazten dizkie haren familiari eta lagunei, Udal Korporazio guztiari, eta Bilboko Udalean izan dituen laguntzaile guztiei. Bereziki, EUDELek animo eta elkartasunezko besarkada handia eman nahi die bilbotar guztiei, atzo arratsaldean Alkate handi bat galdu baitzuten. Euskal udalgintza atsekabetuta dago bete-betean bere hiriaren alde lanean aritu den herri-zerbitzari eta lagun handi baten galeragatik.

19.03.2014 Función Pública

Tokiko Zuzenbideko 2014ko Mintegia 100 lagun baino gehiagorekin jarriko da abian

Tokiko Erreforma gai bakartzat hartuta, Mintegiaren 8. Edizioa hurrengo ostiralean, martxoaren 21ean hasiko da. Lehenengo bileran bi gai aztertuko dira: euskal herri-erakundeen eredua batetik eta Tokiko Administrazioaren Arrazionalizazio eta Iraunkortasun Legearen garapenari dagokionez foruen izaera berezia bestetik.

Edizio honek sorrarazi duen eskaria handiaren aurrean, 100 lagun baino gehiagok izena eman dutelako, EUDEL eta HAEE/IVAPen bilerak jende gehiago sartu daitekeen beste leku batera egitea erabaki du, hain zuzen ere, EHUko Paraninfora (BIZKAIA ARETOA, Baroja gela).

Edizio honetako programa martxotik azarora bitartekoa izango da eta, guztira, 20 orduko bost saio egongo dira.

LEHENENGO SAIOAREN PROGRAMA: martxoak 21 ostirala

9:30etik 11:00etara. Hitzaldia:
Herri-erakundeen eredua eta foruen izaera berezia udal erreforman. EAEko erakundeek eta Lurralde Historikoek tokiko erreformaren garapenean duten eginkizuna.
Martin Razquin, Nafarroako Unibertsitateko Zuzenbide Administratiboko katedraduna.

11:00etatik 11:30era. Kaferako atsedenaldia.

11:30etik 12:15era. Tokiko gobernantza arloko arau berriak, esperientziak eta praktika onak:
Foru berezitasunak tokiko erreforman dituen ondorio praktikoak
Juan Landa. Abokatua. Ekain

12:15etik 13:30era. Tokiko Zuzenbidearen Euskal Behatokia.

Urte osoan, besteak beste, hurrengo gaiak jorratuko dira: herri-erakundeen eredua eta foruen izaera berezia; udal eskumenen sistema; “benetako kostua” kontzeptua; Mankomunitate eta Partzuergoentzako inplikazioak; edo udal kontu-hartzailetzaren eginkizuna.
5 saioetariko bakoitzak hurrengo alderdiak ditu:

Hitzaldi akademikoak, aditu eta profesionalen eskutik,
Eztabaida panelak, tokiko gobernuen alorreko araudietan dauden berritasunei, esperientziei eta praktika onei buruzkoak.
“Tokiko Zuzenbidearen Behatokia”: arauen, jurisprudentziaren, dokumentuen eta bibliografiaren gaineko berritasunak aztertzeko espazioa.

“EUDELek HAEE/IVAPekin batera antolatu du honako Mintegia eta programa honetan hiru lurralde historikoetako Foru Aldundiek parte hartu dute.”

18.03.2014 Berdintasuna

Buletina II Basqueskola. 2014ko martxoa

‘NORK BERE ESKOLA’

Virginia Woolf BASQUESKOLA

Euskadiko emakumezko tokiko hautetsientzako eskola

BASQUESKOLAren II. BOLETINA

Basqueskolaren gaur egungo gaiei buruzko bigarren boletin elektronikoa aurkeztu nahi dizuegu. Boletinarekin batera datoz monografikoak, elkarrizketak, berriak eta emakumeen parte-hartze politikoari lotutako beste gai interesgarri batzuk.

Buletina
Jeitsi

Informazio-tresna berri hau udal hautetsien ezagutza- eta harreman-sarea zabaltzeko erabilgarria eta lagungarria izango delakoan gaude.

Honekin batera, gogorarazi nahi dizuegu Basqueskolako ikastaroen 3. Edizioa Aste Santuaren ostean hasiko dela. Laster bidaliko dizuegu egitarauaren berri zehatza.

Informazio gehiago: www.eudel.net/destacados/basqueskola/eu/

18.03.2014 Nabarmenak

Mungian izandako genero-indarkeriagatiko hilketa gaitzesteko adierazpena

EUDELek irmo gaitzesten Mungiako (Bizkaia) emakumearen hilketa, indarkeria matxistaren biktima. Era berean, gogorarazten du heriotzek emakumeenganako indarkeriaren arazoaren alderdi bat baino ez dutela erakusten, izan ere, egoera hori emakumeen eta gizonen arteko desberdintasunean sortzen da.

Emakumeenganako indarkeria (psikologikoa, ekonomikoa, fisikoa, sexuala) emakumeen duintasunaren eta segurtasun fisiko nahiz moralaren aurkako eraso larria da, eta, ondorioz, giza eskubideen urraketa larri eta onartezina.

Mungiako
Udaleko
Adierazpena
Deskargatu

Tragedia honek berriro dakarkigu gogora hala erakundeek nola euskal gizarte osoak daukagun erantzukizuna, gure udalerrietan Berdintasuna eraginkor egiteko. Zentzu horretan, gure sentsibilizazio eta prebentzio ekintzak indartzen jarraitu behar dugu, etorkizuna ordezkatzen dutenei zuzenduta, gure herritar gazteenei zuzenduta, alegia.

EUDELek elkartasuna adierazten die biktimaren senideei eta lagunei; era berean, gertatutakoa azkar argitzea espero du.

EUDELek bat egiten du udalek zein erakundeek deitu ditzaketen elkarretaratze eta ekintza guztiekin.

*Gaur asteartea, Mungiako Udalak arratsaldeko 19:00etan kontzentrazio isil bat deitu du Udaletxe ondoan.

Bilbon, 2014ko martxoak 18

17.03.2014 Berriak

“Gardentasuna eta Datu pertsonalen babesa” tailerra

Gardentasunaren Aldeko Euskal Udalen Saren barruan, martxoaren 7an, EUDELek eta Datuak Babesteko Euskal Bulegoak (DBEB/AVPD) “Gardentasuna eta Datu pertsonalen Babesa” izenburupean hitzaldia antolatu zuten, politikari zein teknikariei zuzenduta.

Hizlariak: Iñaki Pariente, DBEB/AVPDko Zuzendaria eta Roman Intxaurtieta, DBEB/AVPDko Abokatu Instruktore Ikuskatzailea.

Aurkezpena deskargatu

Helburua:

Datu pertsonalak babesteko eskubideak gardentasunean eta informazioaren erabileran eduki ditzakeen mugak ezagutaraztea.

Edukiak:

Gardentasunari, Informazio Publikoa Erabiltzeari eta Gobernu Onari buruzko Legea indarrean hasteak Udalentzat dakartzan ondorioak eta horrek datu pertsonalak babesteko oinarrizko eskubidearekin daukan lotura.

Legeen artean egon litekeen talka eta interpretatzeko zailtasunak:

Datu Pertsonalak Babesteari buruzko abenduaren 13ko 15/1999 Lege Organikoa.
Gardentasunari, Informazio Publikoa Erabiltzeari eta Gobernu Onari buruzko abenduaren 9ko 19/2013 Legea.
Herri Administrazioaren Araubide Juridikoari eta Prozedura Administratibo Erkideari buruzko azaroaren 26ko 30/92 Legea.

Beste erlazionatutako albisteak:

EUDELek Datuak Babesteko Euskal Bulegoaren Saria jaso du udal administrazioetan praktika onak zabaltzeagatik

Datu Pertsonalesn Babesaren arloko jardunbide Egokien Eskuliburua Euskal Autonomia Erkidegoko toki erakundeetarako