Azken orduko

03.12.2013 Berriak

Abenduaren 2ko saioa, Gardentasun Legeari buruzkoa

Joan den abenduaren 2an, astelehena, Gardentasunari buruzko Legeaz informatzeko saioa egin zen, EUDELek eta IVAPek antolaturik. Bertan, Kongresuak azaroaren 28an behin betiko onartutako lege horren egitura, edukia eta irismena sakon aztertu ziren.

Gardentasun Legeari buruzko testua

Jardunaldia udaletako zuzendaritzako arduradun publiko, idazkaritza eta kontu-hartzaileentzat zuzenduta zegoen eta EUDELen Bilboko batzar-aretoan (Ertzilla, 13) egin zen, 10:00etatik 13:00ak arte.

Gardentasunari buruzko Legea betetzeak hainbat erabaki hartzea ekarriko du, besteak beste, honako hauek bermatzeko: jokabide etikoak, kontuen azalpena, IKTen hobekuntza eta informazio eskuragarria edukitzea.

Emilio Guichot, Sevillako Unibertsitateko Zuzenbide Administratiboko katedradunak hurrengo alderdiak azaldu zituen:

Gardentasunaren egoera: Nazioartean, Europan eta Estatuan.
Gardentasunari buruzko Legea prestatzeko prozesua.
Autonomiek eta udalek erabakitzeko duten marjina.

Emilio Guichoten
ponentzia

29.11.2013 Euskara

Euskararen Nazioarteko Eguna

Bizkaiko Udalek, aurten ere, Euskararen Nazioarteko Egunaren ospakizunei ekin diete. Datozen asteotan berrehun kultur eta aisia ekintza baino gehiago eskainiko dira, eta horren guztiaren helburu nagusia da euskara kalera ateratzea eta daukan aberastasuna ikusaraztea.

Bilbon, 2013ko azaroak 29. EUDELeko ordezkari, Basauriko Alkate Andoni Busquetek, eta Bizkaiko Foru Aldundiko Euskarako zuzendaria Ana de Castrok, gaur ekintzen egitaraua aurkeztu dute. Ekintza horiek Aldundiaren atarian daude kontsultagai, www.bizkaia.net webgunean, baita udal partehartzaileen web orrietan ere. Egitaraua egunik egun gaurkotzen joango da, herrietatik etengabe jasotzen baitira proposamen berriak.

Datozen asteetan, herritarrok kultur eta aisia-ekintza aukera zabalaz gozatu ahal izango dute, denak euskarari lotuak. Adin guztietarako proposamenak eskainiko dira, bereziki umeentzat (hala nola, ipuin-kontalariak, txotxongiloak, pailazoak, magia, antzezlanak, zinema-emanaldiak, euskal jolasak, e.a.); baina, era berean, ekintza dibulgatiboak ere eskainiko dira, hala nola filmak eta dokumentalak, hitzaldiak, ikastaroak, aurkezpenak eta erakusketak, informazio-kanpainak, e.a.; badira ere familia guztiak parte hartzeko moduko ekintzak.

Ekintza gehienak kalean bertan egitekoak izango dira, udalerrietako plazetan eta parkeetan: adibidez, kontzertuak, kalejirak edo tailerrak.

Andoni Busquetek, EUDELen ordezkariak, aspimarratu zuen udalek euskararekin duten konpromisoa “handia” dela, eta “urterik urte handiagoa”. “Ahalegina egiten dugu bai euskararen erabilera ohikoa izan dadin bai herritarrek euskarazko zerbitzua bermatuta izan dezaten”.

Alkateak herritar guztiak animatu zituen jardueretan parte har dezaten: “Euskararen Eguna une egokia da gure hizkuntzaren alde egiten dugun lana ikusarazteko”.

Prentsa oharra

Ekintzen agenda

26.11.2013 Nabarmenak

Euskadiko udalak udal gobernuetan etika publikoa handitzearen alde agertu dira Europan

[nivo effect=”random” slices=”3″ width=”600″]
[image]https://noticias.eudel.eus/wp-content/uploads/2013/11/estrasburgo02.jpg[/image]
[image]https://noticias.eudel.eus/wp-content/uploads/2013/11/estrasburgo03.jpg[/image]
[image]https://noticias.eudel.eus/wp-content/uploads/2013/11/estrasburgo_reunion01.jpg[/image]
[/nivo]
EUDELek Euskadiko udalen hautetsientzako Jokabide Kodea aurkeztuko du gaur deszentralizazioari buruz Estrasburgoko Europako Kontseiluan egingo den hitzaldian.

Estrasburgon, 2013ko azaroaren 26an. Gaur goizean, “1953-1988-2013: Deszentralizazioa bidegurutzean” lelopeko hitzaldian, Euskadiko Udalen Elkarteak sortutako Jokabide Kodea azaldu die Estrasburgoko Europako Kontseiluaren egoitzan bildutako udal gobernuei.

EUDELeko Elkarteburuarekin eta Irungo Alkatearekin batera, Elkarteko Batzorde Eragilearen beste bederatzi alkate bertaratu dira gaur Estrasburgoko Mintegira: Amurrio, Arraia-Maeztu, Basauri, Elgoibar, Galdakao, Ermua, Hondarribia, Iruña Oka / Iruña de Oca, eta Portugalete.

EUDELeko Lehendakariak, Ibone Bengoetxeak 10:30etan “Krisia eta berriro zentralizatzeko tentazioa” inaugurazioko panelean parte hartu. Euskadiko Udalekin batera, beste herrialde batzuetako hizlariek ere parte hartuko dute, esaterako, Frantzia, Suitza, Alemania, Herbehereak, Suedia, Italia, Polonia eta Georgia.

Ibone Bengoetxeak, bere hitzaldian, gaur egungo hiru krisiak aipatu ditu (ekonomikoa, politikoa eta ideologikoa); izan ere, horien ondorioz, herritarrek politikariengan zuten konfiantza ahulduta atera da. Gainera, udalen bidez gauzatutako gertuko demokraziarako ondorio larriak ekarri ditu krisi hirukoitzak.

EUDELeko Lehendakaria konfiantza galera horretaz baliatu da Euskadiko udaletako alkate eta zinegotzientzako Jokabide Kodea zergatik eta nola sortu zen azaltzeko: “Aurrea hartu nahi diogu. Udal hautetsiak izanik, eredugarriak izan behar gara. Horregatik hartu dugu herritarrekiko honako konpromisoa, kontuak ematea onuragarria eta beharrezkoa delako.”

Ildo berean, Lehendakariak etika publikoa udal demokrazia handiagoa lortzeko bide gisa proposatu du: “Etikak soluzioak eskaini ahal dizkigu, udal demokrazia handiagoranzko zubiarena egin dezake eta, horren ondorioz, legitimitate, autonomia eta deszentralizazio handiagoa ekarri.”

Europako Udalerrien eta Eskualdeen Kontseiluak (CMRE) antolatu du gaurko Hitzaldia, Europako Kontseiluko Udal eta Eskualdeetako Agintaritzen Biltzarrarekin batera. Estrasburgoko egoitzan, azaroaren 27tik 29ra burutuko den Demokraziaren 2013ko Munduko Foroaren ataria izango da.

Euskadiko Udalen Jokabide Kodea

“Euskadiko udalen politikaren kalitate instituzionalerako Konpromiso, Jokabide eta Gobernu Onerako Kodea” EUDELen Batzar Nagusian aurkeztu zen, aurtengo maiatzean. Batzorde Eragileko 15 Alkateek hasierako fase esperimentalean (talde pilotua) ezartzeko konpromisoa hartu zuten eta hilabete hauetan udal erakundeetan zabaldu dute batzorde, gobernu-batza edo osoko bilkuren bitartez.

Dokumentua erabiltzen eta aplikatzen duten udalek doiketak eta ekarpenak egin ahal izango dituzte. Kodearen bidez, etika publikoa etengabe hobetzeko prozesua sustatu nahi da, gero eta exijentzia handiagoa edukita eta Euskadiko udal politikaren gauzapena hoberenduta.

Ebaluazioaren gida

Euskal hautetsien Jokabide Kodea beste kode etiko batzuekin alderatuta bereizten duena ebaluaziorako adierazle-gidarekin batera aurkeztea da. Horren bidez, euskal politikaren jarduera-eremu desberdinetan etika nola betetzen den neurtu daiteke.

Ebaluazioaren bitartez, hobetzeko planak gidatzeko udal bakoitzaren indargune eta ahulezien diagnostikoa osatuko da. Halaber, batez besteko orokorra egingo da eta udal guztietara bidaliko da arlo bakoitza hobetzeko erreferentzia eta orientabide gisa.

Une honetan, Europako Kontseiluaren aditu-talde batek EUDELekin batera lan egiten du aholkularitza teknikoa eta metodologia emanda, talde pilotuko 15 udalen Kodearen ebaluazioaren testa egiteko. Ildo horretan, Udalen Elkarteak Europa mailako mintegia antolatuko du abenduan ebaluazioaren emaitzen balantzea egiteko asmoz.

Talde pilotua

Bizkaia: Basauri, Bilbo, Durango, Ermua, Galdakao, Portugalete, Santurtzi.

Araba: Amurrio, Arraia-Maeztu, Guardia, Iruña Oka, Vitoria-Gasteiz.

Gipuzkoa: Elgoibar, Hondarribia, Irun.

Prentsa oharra
jaisteko

20.11.2013 Berriak

Euskal gazteriak indarkeria sexista arbuiatuko du Basaurin

Hurrengo larunbatean, azaroaren 30ean, Basauriko Marienea Emakumeen Etxean egingo den Topaketarekin amaituko da Beldur Barik 2013ko programa.

Beldur Barik gazteen artean indarkeria sexistari aurrea hartzeko urteroko programa da. Emakundek eta EUDELek sustatuta, hiru Foru Aldundiek parte hartzen dute ekimenean. Herri-erakundeen arteko esparrua Berdinsarea izeneko Berdintasunaren aldeko Euskadiko udalen sarea da.

Basauriko Marienea Emakumeen Etxean, datorren azaroaren 30ean ospatuko den 2013ko Beldur Barik Topaketak emango dio amaiera aurten programa honetan gazteekin egin den lanari.

Topaketa honetan Beldur Barik ikus-entzunezko lehiaketaren sari banaketa egingo da. Beldur Barik! lehiaketa gazteei zuzendua dago (12 eta 26 urte bitartekoak). Neska eta mutilek emakumeen kontrako diskriminazioak ikustaratzen dituzten adierazpen artistikoak saritzea eta bultzatzea da honen helburua. Lanek errespetuan, berdintasunean, askatasunean, autonomian, erantzunkidetasunean eta indarkeriaren kontrako konpromiso sendoan oinarritutako jarrerak ikustarazi behar dituzte. Oraingo edizio honetan 137 lan jaso dira.

Basauri, Beldur Barik Herria

Sarituak nortzuk diren azaroaren 30ean emango da jakitera Basaurin egingo den Beldur Barik Topaketan. Bertan, jai giroan eztabaidak, prestakuntza tailerrak eta zenbait ekintza egingo dira. Dohaineko autobus zerbitzua antolatuko da gazteek Basaurira joan ahal izateko.

Hau da Topaketaren programa:

16:00 – 16:30 Ongi etorri, autobusak Marieneara heltzen dira
16,30 – 17:00 Kapritxosas-ekin Marieneara bisita
17:00 – 19,30 Tailerrak (sexualitatea, autodefentsa feminista, Feminismoa, klown)
19,30 – 20:00 Kalejira
20:00 – 20:30 Lunch
20:30 a 22:15 Sari banaketa. Lanak ikustea. Clownclusiones ikuskizuna.
22:15 Ibaiganetik autobusen irteera.

Informazio gehiago: www.beldurbarik.org

Puntu lila

Beldur Barik bultzatzen duten erakunde guztiek, bestetik, azaroaren 25ko Emakumeen kontrako indarkeriaren aurkako egunarekin bat eginik, dei bat luzatu nahi diete hiritar guztiei, egun horretan puntu lila erabili dezaten mota honetako indarkeriaren kontrako sinbolo moduan. Sinbolo hau publikoki erakusteak berarekin dakar emakume eta gizonen arteko berdintasun eza oinarri duen era honetako indarkeriaren kontrako konpromiso aktiboa.

Prentsa oharra
jaisteko

15.11.2013 Hezkuntza, Gazteria, Kultura eta Kirolak

Gazteen lonjak: udal jarduerak horien erabilera arautzeko

[nivo effect=”random” slices=”9″ width=”600″]
[image]https://noticias.eudel.eus/wp-content/uploads/2013/11/jornadalonjas01.jpg[/image]
[image]https://noticias.eudel.eus/wp-content/uploads/2013/11/jornadalonjas02.jpg[/image]
[image]https://noticias.eudel.eus/wp-content/uploads/2013/11/jornadalonjas03.jpg[/image]
[image]https://noticias.eudel.eus/wp-content/uploads/2013/11/jornadalonjas04.jpg[/image]
[image]https://noticias.eudel.eus/wp-content/uploads/2013/11/jornadalonjas07.jpg[/image]
[image]https://noticias.eudel.eus/wp-content/uploads/2013/11/jornadalonjas08.jpg[/image]
[image]https://noticias.eudel.eus/wp-content/uploads/2013/11/jornadalonjas09.jpg[/image]
[image]https://noticias.eudel.eus/wp-content/uploads/2013/11/jornadalonjas11.jpg[/image]
[image]https://noticias.eudel.eus/wp-content/uploads/2013/11/jornadalonjas12.jpg[/image]
[/nivo]

EUDELek eta Arartekoak antolatutako jardunaldia

2013/11/14

Arartekoko hainbat teknikari, baita ehunen bat euskal udalerritako ordezkari politiko eta tekniko ere, EUDELen egoitzan bildu dira gaur, Bilbon, gazteen lonjen erabilera arautzeko udal jarduerak aztertzeko lan-jardunaldian.

Topaketa horretan, EAEn burutu diren hainbat udal jarduerari buruzko erreferentziazko adibideak ezagutarazi zaizkie euskal udalei, gazteen lonjen erabilera arautu eta antolatzeko, horiek hiri-ingurunera egokitzeko eta erabiltzaile gazteen eta auzokideen elkarteen arteko bitartekaritza egiteko. Gasteiz, Portugalete, Abanto-Zierbena, Gernika-Lumo eta Elgoibarko udaletako ordezkariek mahai-inguru batean parte hartu dute, gainontzeko udalerriei horietako esperientzietako batzuk azaltzeko.

Orain azaleratzen ari den errealitatea da gazteen talde batzuek merkataritza-lonjak erabiltzea elkartzeko eta aisialdirako lokal bezala. EAEn egindako zenbait azterlanetan azaltzen denez, lokalen erabilera hori elkartzeko eta aisiarako lehentasunezko toki gisa sendotzen ari da euskal gazteen artean.

Programa
jaisteko

Fenomeno horrek eztabaidak sortu ditu gai honen gainean: nola bateratu daiteke, modu egokian, aisialdiko jarduera hori ingurumenaren kontrolarekin, segurtasunarekin eta lokaletako arriskuak prebenitzearekin, alde batetik, eta hiri-inguruko auzokideen komunitatearekin duten harremanarekin, bestetik.

Gai horiek denak zehazki aztertu ahal izateko, Arartekoak ofiziozko espediente bat hasi zuen. Informazioa eskatu zuen gazteen aisialdiko jarduera hasi berri horren testuinguru sozial eta juridikoaz, baita arlo horretan udalek jarduteko dauzkaten aukerez ere, gai horretaz irizpide eta printzipio orokor batzuk ezartzeko.

Jardunaldi horretan lortutako ekarpenak Arartekoak prestatuko duen ondorio-txosten batean aztertuko dira.

Dokumentazioa

VITORIA-GAZTEIZen aurkezpena
PORTUGALETEren aurkezpena
ABANTO-ZIERBENAren aurkezpena
ELGOIBARren aurkezpena

08.11.2013 Berriak

Jardunaldia: “Diseinuaren balioa zerbitzu publikoetan” azaroak 12

Industria, zerbitzu, produktuen diseinua eta diseinu grafikoa arlo pribatuan baliatu dira batez ere. Sektore
publikoan garatzen hasi berria da.

Diseinuak sektore publikoari berrikuntza, bikaintasuna, zerbitzuen sinpletasun eta hobekuntza eta herritarrekiko komunikazioa ekar diezaioke. Diseinuak ez du esan nahi derrigorrez inbertsio handiak egin behar direnik eta sarri
askotan kudeaketa eraginkorragoa ahalbidetzen du baliabide gehiagotan inbertsiorik egin barik.

Beaz eta Aenor-ek antolatutako jardunaldi honetan eduki teorikoak eta praktikoak bateratuko dira, batez ere Italian eta Euskadin izandako kasu arrakastatsu batzuei garrantzia emanez, izan ere euskal sektore publikoan ere gauza daitezke berringeniaritza prozesu konplexurik ezarri gabe.

EGITARAUA

Lekua: Euskalduna Jauregia
Data: 2013ko azaroaren 12a
Ordua: 11:30 – 13:30

11:30 Jardunaldiaren hasiera

11:40 “Diseinu eta estrategia: APAM kasua – Mantuako garraioaren enpresa publikoa”
Alessandro Confalonieri
Intersezioni Design Integrated-eko diseinugilea

12:00 “Diseinua eta jasangarritasuna: Aparka kasua”
Jonatan Morquecho
Lonhaus Estudios-eko diseinugilea

12:15 “Klasiko bat birdiseinatzen: Diabetesaren kasua”
Mari Luz Marqués
Uribealdeko kudeatzailea. Osakidetza

12:30 “Diseinua eta sinpletasuna: BEAZ kasua”
Juan Diego
Beazko zuzendari nagusia

12:50 “Diseinuaren arrakasta: Bilbao marka eta Turismo Bulegoa”
Andoni Aldecoa
Bilboko Udaleko zuzendari ordezkaria

13:10 Mahai-ingurua.

Izen-ematea

Egitaraua
jaisteko

06.11.2013 Azken orduko

Diru-laguntzak eskatzeko epea: Enplegua sustatzeko tokiko ekintzak

2012ko maiatzaren 9ko Aginduari (EHAA, 12/05/23) eta 2012ko uztailaren 26ko Ebazpenari (EHAA, 12/08/29) dagokienez.

Udal bakoitzean konprometitutako eta 2012ko uztailaren 26ko Ebazpenean jasotako zenbateko ekonomikoak 2013ko abenduaren 31 baino lehen jasotzeko xedez, jakinarazten da enplegua sortzeko markoan garatutako ekintzak berehala justifikatu behar direla; izan ere, aurreikusten da, 10 egun baino lehen, itxi egingo direla ekitaldi honetako ordainketa konpromisoak.

Horretarako, Udal bakoitzari dagozkion zenbatekoak jasotzea ahalbidetuko duten memoriak aurkeztu beharko dira Lanbideren Toki eta Eskualde Garapenerako Sailean.

24.10.2013 Berriak

Gardentasunaren aldeko Udal Sarea Legebiltzarrean

EUDELEK EUSKADIKO UDALEK GARDENTASUNAREN ALDE ERAKUTSITAKO KONPROMISOAREN BERRI EMAN DIE EUSKO LEGEBILTZARREKO TALDE POLITIKOEI

Imanol Landak, Getxoko Alkate eta EUDELeko ordezkariak, gaur goizean “Gardentasuna eta Gobernu Irekia Herri-erakunde eta Administrazioetan” izenburupean Eusko Legebiltzarrean egindako bilkura batean parte hartu du. Bertan, urte osoan egindako lana eta 2012an Euskadiko Udalen Elkartearen baitan sortutako Gardentasunaren aldeko Euskadiko Udal Sareak etorkizunean egingo dituen jarduerak azaldu ditu.

Bere hitzaldi hasteko, Imanol Landa alkateak adierazi du “gaur egun, administrazio publikoon kudeaketaren funtsezko zutabeetako bat da gardentasuna. Premiazkoa da, hurbilago gaudenez askoz gehiago eskatzen digutelako auzokideek. Dena dela, gardentasuna bera udalentzako sendotzeko aukera handia da; eta irekiera, geure herritarren konfiantza zein konplizitatea berreskuratzeko giltza.”

EUDELeko ordezkariak Euskadiko udalek haien gobernu-taldeetako jardueran eta, batez ere, herritarrekin harremanetan jartzeko bideetan gardentasuna eta Gobernu Ona ezartzeko duten konpromisoa eta asmoa aurkeztu ditu, legebiltzarreko talde politikoen eta Euskal Erakunde publikoak bikaintasunerantz Q-Epea erakundearen kideen aurrean.

Imanol Landak azpimarratu du “EUDELek behar besteko konpromisoa hartu du, udalei modernizatzen, irekitzen eta herritarrekin hobeto komunikatzen laguntzen jarraitzeko. Horixe bera da udalen hurbiltasun-balioa.”

Jardunaldi honetan, Euskadiko hainbat herri-erakundetan izandako praktika onei buruzko esperientziak partekatu dituzte. Bertan, Eusko Jaurlaritza eta EUDELeko ordezkariez gain, Bilbo eta Vitoria-Gasteizko Udalek nahiz Gipuzkoako Foru Aldundiak ere parte hartu dute. Jarraian, mahai-ingurua egin dute legebiltzarreko talde guztietako ordezkariekin.

*Eudelek Gardentasunaren Aldeko Euskadiko Udalen Sarea jarri zuen abian, honako bi bide hauetatik jasotako eskariari erantzuteko: udal guztiei igorritako Udalen Berrikuntzaren Egoerari buruzko Diagnostikoa (ondorioen txostena: 2012ko abendua) eta 32 udaletan eta mankomunitate batean egindako sakoneko analisia eta ikerketa pertsonalizatua (Tokiko Berrikuntza Agendak, 2009az geroztik).

Sarea 2013ko urtarrilaren 30ean eratu zen. Hasieran, 23 udaleko eta mankomunitate bateko talde pilotu bat elkartu zen –hiru lurralde historikoetako udalak, biztanle kopuru desberdinetakoak–; hain zuzen ere, udal horietako bakoitzeko arduradun politiko bat (alkateak, oro har) eta arduradun tekniko bat.

Zertarako? Udalei ezagutzak, jardunbide egokiak eta estrategiak trukatzeko gune bat eskaintzeko; metodologiak, tresnak eta materialak haien esku jartzeko; beraien gobernu eta administrazioetan gardentasuna sustatzen laguntzeko.

2013ko SAREKO LANALDIAREN BALANTZEA

www.eudel.net

Sarearen
aurkezpena
Legebiltzarrean

Berriak

Azken berriak