Bilbon, 2013ko irailaren 27an. Ministroen Kontseiluak uztailaren 26an onartutako Toki Administrazioaren Iraunkortasunari eta Arrazionalizatzeari buruzko Lege Proiektuaren kontra dago EUDELEN Batzorde Eragilea. EAEko udalerrien elkartea oso kezkatuta dago erreforma honek Euskadin izango duen eragina dela eta, eta guztiz aurka dago, izan ere, planteatutako lege proiektua onartezina da euskal sistema instituzional eta ekonomiko-finantzario bereziaren barruan.

Balorazio tekniko-juridikoko txosten batek EUDELen jarrera babesten du. Bi dokumentu horiek aste honetan bertan bidali dira Ogasun eta Herri Administrazio Sailera, Kongresuko parlamentuko taldeei, Senatura eta Espainiako Herri eta Eskualdeen Federaziora (FEMP), hurrengo hilabeteetan Lege gisa onartzeko parlamentuan izapidetu aurretik.

Era berean, Lege Proiektuaren balorazioa Eusko Jaurlaritzara bidali da, jakinaren gainean egon daitezen, hiru herrialdeetako Foru Aldundietara, eta EAEko udaletara.

EUDELek egindako oharrek hiru ardatz dauzkate:

• Erreformak eraso egiten dio udal autonomiari.
• Euskal autogobernua urratzen du erreformak.
• Foru erregimenari esker transferitutako eskumenak alboratzen ditu.

EUDELen Batzorde Eragileak askotan kritikatu ditu Lege aurreproiektua zenaren inguruan sortutako zirriborroak; berriki, martxoan, EUDELek EAEko udalei balorazio tekniko-juridiko bat bidali zien, otsailaren 15ean zabaldu zuten Lege aurreproiektua zela eta.

EUDELek IVAP/HAEErekin eta Foru Aldundiekin batera, eskainitako 2013ko prestakuntza-programa jarraituko du urtreko azken hiruhilekoan.

Urrirako eta azarorako programatutako zeharkako planaren ikastaroetan izen-emateak udal bakoitzaren koordinatzailearen bitartez bideratzen jarraituko da. Honek helbide honetara bidaliko du: prestakuntza@ivap.es. IVAP/HAEEk onartutako ikasleen zerrenda baieztatuko du.

Prestakuntza-eskaintzaren edizio honetan, kudeaketa ekonomiko-finantzarioa, berrikuntza eta gardentasuna izan dira ardatzak. Gainera, proiektuak abiarazten laguntzeko tailer berriak antolatu dira.

Tokiko herri-administrazioaren langile guztiei zuzendutako ikastaro hauetan oraindik badago izena emateko aukera eta eskuragarri daude hurrengo helbidean:

IVAP/HAEEk dituen egoitzetan emango da prestakuntza: Bilbao eta Donostia

Gazteei zuzendutako ikus-entzunezko lehiaketarekin, irailaren 10ean, hasten da 2013ko Beldur Barik programaren edizio berria.

Emakundek eta EUDELek bultzatuta eta erakunde guztien laguntzarekin, gazteen artean errespetua, berdintasuna eta indarkeria sexistaren prebentzio jarrerak sustatu nahi ditu programak violencia sexista.

12 eta 26 urte bitarteko gazteei zuzenduta dago lehiaketa eta programaren jarrera ikustarazten duten ikus-entzunezko lanak saritzen ditu.

Azaroaren 30ean Basaurin egingo den Beldur Barik Topaketn emango dira sariak eta tailerrak, erakusketak eta abar antolatuko dira.

Basqueskolak eskolaren gaur egungo gaiei buruzko lehenengo boletin elektronikoa  aurkezten du. Argitalpen berri honekin batera, ikastaroen II. edizioa hasi da eta monografikoak, elkarrizketak, berriak eta emakumeen parte-hartze politikoari lotutako beste gai interesgarri batzuk barne hartzen ditu.

Informazio-bide berri honen helburua udal hautetsientzat tresna erabilgarria izatea da eta ezagutza- eta harreman-sarea zabaltzeko lagungarria izatea.

Basqueskolako ikastaroak irailaren 24an hasiko dira eta izena emateko epea oraindik ez da amaitu.